شريف الشمال
05-17-2007, 12:08 PM
صبحكم الله بالخير
فيه سالفه قديمه ودي اقولها لكم وصلوا على النبي قبل الكلام وفي الختام 0
فيه جماعه راحوا لمصر يدورون العيش ويترزقون الله وفي مسيه ذاك اليوم وهم حول عرب نازلين في ذاك الوادي جاهم واحد من العرب قال ياجماعه ما فيكيم قراي (يقراء القرأن ) التفتوا في وجيه بعض وقال واحد منهم 0ألا فيه معنا واحد قراي وكتاب وش عند كم خير علمنا قال مافيه شي بس عقيدنا ( شيخ العرب ) حرمته ما انجبت ولها معه 10 سنين وانتم ياهل الديار المقدسه قرايتكم فيها طب وعلاج قال صاحبنا يا رجال عين خير جابنا الله لكم روح واحنا وراك هلحين يله يله 0
قالوا خوياه يا فلان من فينا تخبره قراي كتاب قال انت ويقصد احدهم وكانت دقنه طويله وعليه سمات الورع والتدين قال ما صدقت ياخوي انا والله ما اعرف شي قال عارف والله انك ما تعرف بس ودنياك تعرف الليله عشان العرب يعشونا وبعدين عساك لا عرفت قال انت مجنون وش اقول وش اسوي ودك تورطني مع خلق الله الاكشفوني قال ماحنا مخلينك تقراء انت بس خذ اللي اعطيك ياه وقل الحرمه هذا حجاب تعلقيه في رقبتك الين تموتي قصدي تخلفي قال هذي بسيطه وين الحجاب قال اصبر هلحين اكتبه وطلع ورقه وسواء له قلم من غصن ودق له فحمه وصارت حبر
وقام خيط عليها بقطعه جلد وهم ماشيين للعرب اعطاها خويه وهم كلهم في اندهاش
وحيره من سواة خويهم المقرود المحيل واللي وبودهم صار تعشوا وانهى القرأي شغله وبعد سنتين وزياده شوي رجعوا لديارهم ومروا على نفس العرب وهم في المجلس والقهوة تدور عليهم ولين رجال ناقل عويل صغير ويجي ويحطه في حجر القرأي قال هذا بعد حجابك يامولانا لله رزق الحرمه بهلعويل ولا يسميه غيرك قال اسمه عطيه وهو يطالع في وجيه اخوياه والكل يطالع في خويهم اللي كتب الحجاب وهو يطالع فيهم ماهم مصدقين اللي يشوفوه ويسمعوه وثاني يوم واصلوا مسيرهم ويوم اتقوا عن العرب وهم يمسكوا خويهم يا نصاب انت وش سويت قال والله يا ناس لو اقلكم يمكن ما تصدقوني قال انا كتبت في الحجاب ( ان خلفتي خلفتي وان ما خلفتي عساكي لا خلفتي ) وبس والله ما غير اللي قلته لكم شي قالوا لااله الاالله هلناس نيتهم زينه زي نيتنا 0 وسلامتكم عساكم سالمين
فيه سالفه قديمه ودي اقولها لكم وصلوا على النبي قبل الكلام وفي الختام 0
فيه جماعه راحوا لمصر يدورون العيش ويترزقون الله وفي مسيه ذاك اليوم وهم حول عرب نازلين في ذاك الوادي جاهم واحد من العرب قال ياجماعه ما فيكيم قراي (يقراء القرأن ) التفتوا في وجيه بعض وقال واحد منهم 0ألا فيه معنا واحد قراي وكتاب وش عند كم خير علمنا قال مافيه شي بس عقيدنا ( شيخ العرب ) حرمته ما انجبت ولها معه 10 سنين وانتم ياهل الديار المقدسه قرايتكم فيها طب وعلاج قال صاحبنا يا رجال عين خير جابنا الله لكم روح واحنا وراك هلحين يله يله 0
قالوا خوياه يا فلان من فينا تخبره قراي كتاب قال انت ويقصد احدهم وكانت دقنه طويله وعليه سمات الورع والتدين قال ما صدقت ياخوي انا والله ما اعرف شي قال عارف والله انك ما تعرف بس ودنياك تعرف الليله عشان العرب يعشونا وبعدين عساك لا عرفت قال انت مجنون وش اقول وش اسوي ودك تورطني مع خلق الله الاكشفوني قال ماحنا مخلينك تقراء انت بس خذ اللي اعطيك ياه وقل الحرمه هذا حجاب تعلقيه في رقبتك الين تموتي قصدي تخلفي قال هذي بسيطه وين الحجاب قال اصبر هلحين اكتبه وطلع ورقه وسواء له قلم من غصن ودق له فحمه وصارت حبر
وقام خيط عليها بقطعه جلد وهم ماشيين للعرب اعطاها خويه وهم كلهم في اندهاش
وحيره من سواة خويهم المقرود المحيل واللي وبودهم صار تعشوا وانهى القرأي شغله وبعد سنتين وزياده شوي رجعوا لديارهم ومروا على نفس العرب وهم في المجلس والقهوة تدور عليهم ولين رجال ناقل عويل صغير ويجي ويحطه في حجر القرأي قال هذا بعد حجابك يامولانا لله رزق الحرمه بهلعويل ولا يسميه غيرك قال اسمه عطيه وهو يطالع في وجيه اخوياه والكل يطالع في خويهم اللي كتب الحجاب وهو يطالع فيهم ماهم مصدقين اللي يشوفوه ويسمعوه وثاني يوم واصلوا مسيرهم ويوم اتقوا عن العرب وهم يمسكوا خويهم يا نصاب انت وش سويت قال والله يا ناس لو اقلكم يمكن ما تصدقوني قال انا كتبت في الحجاب ( ان خلفتي خلفتي وان ما خلفتي عساكي لا خلفتي ) وبس والله ما غير اللي قلته لكم شي قالوا لااله الاالله هلناس نيتهم زينه زي نيتنا 0 وسلامتكم عساكم سالمين