اهلين حبايب قلبي ..

ابي اقولكم عن مشكلة بسيطه جدا .. وهي بالمعنى الأصح استشاره ..
انا طالبه بالجامعه .. والحين نزلت المكافآت الماليه .. طبعا هي تنزل دفعات كل 4 او 3 شهور دفعه ..
وهذه اول مره استلم مكافأة لاني في اول سنه .. وهي 4000 ريال ..
طبعا والله حالتنا الماديه حاليا صعبه .. وانا ابي ال4000 ريال نمشي فيها حياتنا هالشهرين وكمان ابي اغراض للبيت .. لاني احوال زوجي صعبه حاليا ..

نجي للمشكلة ..
امي ترغمني اني اعطي ام زوجي 200 ريال واعطي جداتي من 200 ..
وانا ودي اعطي امي 500 ريال وابوي 500 ريال .. طبعا هدية لهم لاني اول مرة استلم مكافأة .. مع اني امي وابوي موظفين وحالتهم المادية ممتازه جدا جدا..

يعني راحت فلوووووووسي .. يكفي اني بخسر 1000 على امي وابوي .. انا ناقصة عمتي وجداتي ..
والله العظيم لو استلمت 10,000 اني بعطي عمتي الف وجداتي اكثر ..
بس انا ماحصلت الا القليل وابيها لنفسي .. خاصه إنا داخلين على اجازه واعراس ومناسبات ..
طبعا استشرت زوجي وقالي انتي تعرفين حالتنا هاليومين وش هو له تعطين امي وجداتك ؟؟
امي لاتعطينها وهي مو بحاجه للفلوس .. حتى جداتك مو بحاجتها .. نحن بحاجتها ونحن اولى بها ..))

وام زوجي بناتها موظفات كلهم وجداتي اولادها وبناتها موظفين كلهم ..
الا ان امي تغصبني اني اعطيهم .. شرحت لها الوضع الا احنا فيه .. قالت مايهمني لازم تعطينهم
للأسف امي تهتم بالمظاهر كثير .. ومايهمها حالة بنتها ..

لذلك انا محتارة ؟؟ قولوا لي وش اسوي ؟؟ وكيف اقنع امي .. والله اني احتاج فلوسي ..
انتظر الرد ..

_______________
ارجو من المشرفات انهم ماينقلوا موضوعي هذا .. لإن ابي استشارة الأعضاء اللي في هالقسم ..
ترا والله ازعل لو نقلتووووووووووه .. انا ابي الاراء والردود تكون هنا .. لان الاعضاء كثيرين ..
وهذي آخر مره وماراح اكررها .. عشان خاطري .. ارجوكم

يا قلبي وش عليك من الناس


وميتينك راح تجيبلك الكلام انت تتصدقين عليهم وش ميتينه هذي تعتبر حاليا ريالين وان كثرنا عشرين ريال يا تدفعين شئ صح يا انسي ..

بس من رائي اذا لزم الامر وعشان الوالده

حطي لك بدال الفلوس سجاده وقطعه قماش واشتري بالدرزن ووزعي وقلولي عشان المكافاه ..مع كم بسكوت ولا دهن عود مخلط عشان ما يدروون هو اصلي ولا تقليد..

مع اني ارى انك طنشي من العالم وارتاحي وامك وابوك جيبي لهم شئ عيني اوفر من الحسي دام انك بحاجه وهم مو في حاجه..

تحياتي الك

والله رأيك حلو ياعيني ..
بس امي الله يهديها ماتبيني اعطيهم الا الفلوس .. مو سجادات والا دهن عود..
فلوس يعني فلوس .. ورق
وانا احتاج فلوسي لأثاث البيت .. مع انه مايعتبر شيء ولا يجيب شيء لكن نمشي فيه حالنا ..

وعلى قولتك ان الميتين تعتبر ريالين .. والله هالريالين ابيها لي ..ااااااخ بس..
محتــــــــــــــــــارة .. وانا ما ابي اكسر كلمة (ماما)

سيدتي
انتي وزوجك اهم من كل شيء وليس أحد بحاجه للمبلغ الي معاك غيرك وزوجك
بصراحه ماني عارف شو هالعاده والتقاليد وتعطين ام زوجك ومن هالكلام صح لو كنتي غير محتاجه اوكيه
نصيحه من أخ لك الفلوس خليها معاك وصرفيها على بيتك وزوجك وخلي بعض المبلغ للحاجه
عارف راح تقولي امي راح تتضايق ومن هالكلام لكن قولي زوجي رفض وخلاص وحطي هالشي على زوجك
ونتي كلمي زوجك في هالشي وشاوريه وش تسوين ولو قال اعطي امي وبوي أوكيه لكن اتوقع هو بحاجه لها على كلامك
يعني ونا اخوك احرصي على بيتك ومحد ان شاء الله محتاج00
وذا الفلوس مضايقك تبرعي للمحامي(qq136)

بالتوفيق يارب

النـــــــــــاصر

اسمعي وانا أخوك ممكن تقنعين امك بطريقه وحده .. قولي زوجي رفض وقال اول انا اهدي امي وبعدين يجي دورك وطبعآ بعد اتفاق بينكم انك بتقولين لامك كذا وان زوجك في هالوقت ظروفه ماتسمح .. واصرفيهم على بيتك ابرك لكم وربي اعلم بالحال وهو رحيم وان شاء الله مايوخذك اذا كذبتي على امك

هلا همسة شوووق وين الغيبات
حبيبتى
انتى اول مكافاة وقدامك 4 سنين تاخدين فيها مكافاة
انشاء الله كل مااخذيت مكافاة بتعطين
انتى فهمى امك
قوليله اذا اعطيت اول مرة وبكره سمعوا انى استلمت مكافاة يقولون ليه مااعطتنا
بعدين تعالى هنا هم ايش دخل امهم يدرون لا يدرون
تكلمى مع امك رضيت رضيت مارضيت
قولى والله ماابى افتح على نفسى باب مسكر
ويمكن امك تشوف كذا
وبكره هم يقولو تتصدق علينا بماتين ياربى
قفلى على موضوع نهائيا حتى لوانك مو محتاجه وش حال وانتى تبينها
الناس مامدت يدها لكى كلن بهمه
قولى حقى ومانى مفرط فيها خلى حازمه للموضوع
ا فى الشرع ذا الزوج لايسمح له اخذ فلوس من زوجته الا عن طيب ويطلع اهل الزوج كمان
تناقشى وخليك قويه بأحترام مو همسه
تحياتى

طالما انك في حاجتها
اشرحي لامك ظروفك وان شاءالله ماراح تقول شي
وقولي كمان لابوك عشان برضه ياثر على امك
وبعدين ان جيتي للحق انتي مو ملزومه تعطين عمتك وجداتك شي
وبعدين امك اذا مارحمتك وقدرت ظروفك اجل منو الي راح يرحمك
من جد انا مستغربه من تصرف امك
عالعموم الله يحننها عليك وتشيل الفكره من راسها

والله العظيم بحاول معها كثير ..
لكن امي وانا اعرفها .. عندها المظاهر كل شيء ..
وعلى قولة اختي (تعبت من حياتي ) .. اذا اعطيتهم الحين كل مره يبقوا منتظرين متى اعطيهم ..
والله انك صادقه اختي ..
وانا فعلا ودي اقولها زوجي رفض هالفكره زي ماقال (الناصر) .. بس ما ابي اطلع فكره سيئه عن زوجي لأهلي..
وزوجي راضي اني اقول لها :هو رفض ..


الناس اللي عايشه في العز ماتناظر لحال اللي اقل منها .. آآآآآآآخ بس

انتو اولى فيها ... والفلوس ماهم في حاجتها على قولتك ولا راح تسوي هالميتين شيء
انتي كلمي امك وان شفتيها ملزمة عليها قولي لها انا محتاجة الفلوس وااذا ملزمة عطيني انتي فلوس واهديهم اما الي عندي الحين انا بحاجته انا وزوجي
و بتعطيك واخذي منها خخخخخخخخخخخخخخخ ولا تعطين جداتك

خذي المكافأة ولا تعطين أحد

حتى زوجك

كذا احسن


وأرسلي الفلوس لأفغانستان صدقة

كذا احسن

كلها 4 ألاف وكل هذولي يبغون منها

صراحة لو انا مدري وش اسوي

الله معكي

اذا تبين رايي لاتعطين احدلازوج ولا ام ولاغيره دخلي فلوسك في الاكتتابات القادمه والوعد تدبيله وبعدين زوجك كيف ينظر الى مكافئه جامعه تبي تقولين ظروفه صعبه اذا صعبه ليه تزوج يجلس عزابي وهو مطالب يصرف عليك شرعا حتى لوراتبك 10000ريال

شوفي اختي همسه
انا ارى انك تسمعين كلام امك وتعطينهم وتحتسبين الاجر عند الله انه علشان البر فيها ....

شوفي اختي همسه
انا ارى انك تسمعين كلام امك وتعطينهم وتحتسبين الاجر عند الله انه علشان البر فيها ....
وصدقيني ان ربي راح يعوضك اكثر منها بكثير وخصوصا انها في مجال البر بوالدتك الله يطول بعمرها
ولا يضيق صدرك ولا شي (مدام ان نيتك برك في امك وطاعة لله عز وجل )
واسالي مجرب يا اختي همسه ربي ماراح يضيع حقك ابد ابد وراح باذن الله يعوضك خير منها

حبيبتي امك كما قلتي تحب المظاهر وهي كما قلتي ايضا موظفة ومعاها فلوس يعني ادا اصرت عليك قوليلها انو فلوسك انتي محتاجة لهم وبيتك وزوجك اولى بهم وادا يعني حابة تتظاهر تعطيك من عندها فلوس بكدا حتسكت.
والله لا اعرف لما هالتدخل فالامور الشخصية الى هاته الدرجة فلوسي وانا حرة فيهم زيادة على هالشئ انتي حتاجاهم ولازم تساعدي زوجك بيهم مش تضيعيهم على اشياء تافهة.

همسه

السلام عليكم ورحمه الله وبركاته

الله يسلمك خليتس عن الكلام اللي ماله طريق

امشي الله يحيتس مع كلام والدتك

وان شاء الله يبي يعوضك عن ماصرفتيه

لانك مشيتي على كلام والدتك الله يحفظها لك

الله يوفقك ويرزقك بالذريه الصالحه

همسه

السلام عليكم ورحمه الله وبركاته

الله يسلمك خليتس عن الكلام اللي ماله طريق

امشي الله يحيتس مع كلام والدتك

وان شاء الله يبي يعوضك عن ماصرفتيه

لانك مشيتي على كلام والدتك الله يحفظها لك

الله يوفقك ويرزقك بالذريه الصالحه
الزوجة مالها الا زوجها وبيتها ولازم تسمع كلاموا وتساعدوا(q30)

فيه اقتراح ممكن يرضي الجميع وهذا الشي دايم يصير عند لاول راتب و أول مكافئة المهم


صاحب الشأن يجيب تورتة و يكتب عليها المناسبة و مع بعض العصيرات
و الحركات ماى تكلف 300
و الحل يرضي الجميع

طبعا إذا كان للاهل مكان يجتمعون فيه سوا في البيت أو الاستراحة ........

نتي وزوجك وبيتك اولا,واذا امك اقنعيها
بكذبه بيضاء................
تقبلي تقديري

همسه

السلام عليكم ورحمه الله وبركاته

الله يسلمك خليتس عن الكلام اللي ماله طريق

امشي الله يحيتس مع كلام والدتك

وان شاء الله يبي يعوضك عن ماصرفتيه

لانك مشيتي على كلام والدتك الله يحفظها لك

الله يوفقك ويرزقك بالذريه الصالحه
.
فيه حادثه حدثت في عهد الرسول صلى الله عليه
وسلم...ان هناك امراءه متزوجه بالمدينه واهلها
في مكان بعيد ولم تشاهدهم من سنوات طويله,
فاتاها مرسول من والدها يخبرها ان والدها مريض
ويريد ان يراها وطلبت من زوجها فرفض وان صاعت
لامر زوجها,ثم جاء مرسول اخر بان والدك مريض جدا
ويريد ان يراك فرفض زوجها للمره الثانيه وبعد فتره
جاها مرسول يقول بان والدها مريض ويحتضر ويريد
ان يرها فرفض زوجها للمره الثالثه,وبعد فتره اتاها
الخبر بان والدها توفي..فذهبت لصفوة الخلق صلى
الل عليه وسلم تشتكي زوجها وتعرض امرها عليه
خوف من ان يكون والدها غاضب عليها.فطمئنها
الرسول الكريم وان الله غفر لوالدها بسبب طاااعتها
لزوجها ثم قال لو امرة احد ان يسجد لاحد لامرت
الزوجه ان تسجد لزوجها..................

وميتينك راح تجيبلك الكلام انت تتصدقين عليهم وش ميتينه هذي تعتبر حاليا ريالين وان كثرنا عشرين ريال يا تدفعين شئ صح يا انسي
اولاً اضم صوتى لصوت يا عينى وكلامها صحيح 100%

ثانياً اللى يعطى اقاربه الانسان اللى عنده زياده واللى هو فى حاجه ويعطى غيره حتى لو قريب هذا اخطاء بحق نفسه

أختي الغالية همسة شوووق أطال بعمرك
السلام عليكم ورحمة الله وبركاته وبعد :

عن أبي الدرداء رضي الله عنه ) أن رجلاً أتاه فقال : إن لي امرأة وإن أمي تأمرني بطلاقها؟ فقال : سمعت رسول الله صلى الله عليه وسلم يقول : (الوالد أوسط أبواب الجنة، فإن شئت فأضع ذلك الباب، أو أحفظه).



أختي الغالية مادام الوالدة الله يطول بعمرها قالت عطيهم قولي سمي ولبيه والحمدلله الفلوس تروح وتجي، واحتسبيها عند رب العالمين، والوالد والوالدة اجلي موضوعهم إلى توفر المادة، ماتدرين وش الخيرة فيه، وباقي الفلوس خليها لكم، والله سبحانه وتعالى يقول لا يكلف الله نفسنا إلا وسعها وإنتِ وزوجك أحق فيها من غيركم، سائلاً المولى أن يرزقك الذرية الصالحة عاجلاً غير أجل وأن يشرح صدرك ويجعلكم من السعداء في الدارين .. وتقبلي خالص تحياتي وتقديري.،،،




أخوك
مرتاح لك

يااختي العزيزه الافضل ان تقدري ظروف زوجك واتركي عنك بعثرة المال وامك مصيرها تنسى مع الايام او قدمي هدايا بسيطه تكلفتهاجميعا500ريال 000والله يدلك على الخير

أختي همسه

أنتي وزوجك أولى بالفلوس

ولو تطلبين من أحد ماساعدك

والناس كلهم بخير وعايشين من دونك

الحين طفروا يوم صار معاك فلوس

ماعليك منهم أهم شي أنتي وزوجك

لك تحياتي

اعجبتني ردودكم والله ..
واشكر الجميع على المساعدة ..
الله لايحرمني منكم ..

والحمدلله انتهت السالفه على خير .. خالتي اقنعت امي انه مالو داعي اعطي جدتي وام زوجي ..
وامي اقتنعت بكلامها بعد جدال طوووووووووويل ..

الله يعطيكم العافيه والله ماقصرتوا ..

همسة شووق

هلا فيك عزيزتي الله يوفقك يالغاليه

مبروك حبيبتي الحمدلله عدت ازمتك على خير 00والله يوفقك

ماقول غير الله يبارك لك فيها ويوفقك ويكثر من امثالك وانشاء الله ربنا يرزقكى على قد نياتك

تقبلى مرورى : استاذ رومانسيه

يا قلبي وش عليك من الناس


وميتينك راح تجيبلك الكلام انت تتصدقين عليهم وش ميتينه هذي تعتبر حاليا ريالين وان كثرنا عشرين ريال يا تدفعين شئ صح يا انسي ..

بس من رائي اذا لزم الامر وعشان الوالده

حطي لك بدال الفلوس سجاده وقطعه قماش واشتري بالدرزن ووزعي وقلولي عشان المكافاه ..مع كم بسكوت ولا دهن عود مخلط عشان ما يدروون هو اصلي ولا تقليد..

مع اني ارى انك طنشي من العالم وارتاحي وامك وابوك جيبي لهم شئ عيني اوفر من الحسي دام انك بحاجه وهم مو في حاجه..

تحياتي الك


شو هيداا الحكي ياعيني عليك بتغشي حتى في الهدايا مو غريبة عليكى اذا كان الصدق مو من طبعك خلي الناس يصدقون في افعالهم ويتعودون عالصدق مع النفس قبل الغير وهيدي نصحتي لا الك خذيها وحطيها حلمة لوذنك وانتى اذا بتنفق من اجل بر وصلة تكسبي الاثنين وربي يعوضك
وانصحك تعملى الذي تقول لك أمك لتكسبي الاثنين كمان طاعة الام والهدية لأم الزوج
وربي يخلف عليك ان شاء الله بخير ويبارك لك فيما رزقك
صدقينى البركة هي كل شي ان شاء الله يجعل ربي البرك لك بسبب هذا الامر
تصديقا لقول الله تعالى ((ويؤثرون على أنفسم ولو كان بهم خصاصة ))