لأول مره في منتدى الشعر(اقلطو حياكم الله)

[محروم من قربك]

بسم الله الرحمن الرحيم
السلام عليكم ورحمة الله وبركاته
في الحقيقه هي فكره بسيطة جدا (tt)
وهي جمع قصائد الشعراء المشهورين فقط (وتكون نصية وليست مسموعة)
واتمنى كل واحد في كل رد يكتب قصيدة يعني مايجمع قصيدتين في رد واحد.
والسبب علشان نريح منتدى الشعر ...
لان الواحد يجي يحط قصيدة بعد اسبوع واحد فقط يعني بعد مايروح الموضوع للصفحة الثانية ياتي عضو ثاني ينزل نفس القصيدة وبهذي الطريقة يموت المنتدى حيث تتكرر المواضيع
فاتمنى من كل واحد يحط قصيدة للشعراء المشهورين(حامد زيد...المريخي...ياسر التويجري.... نايف صقر...الخ)

واليكم هي اول مشاركة قصيدة لحامد زيد(غرام أحباب)
وقريبا ابنزل قصيدة التمثال....وقصيدة (شوفوه بعيوني+طول حبيبي)المريخي
وقصيدة (العرش+بريدة+تقول بابا)لياسر التويجري
وقصيدة ياللي زعلت ازعل لطلال السعيد...
لكني احتريكم تحطون الي عندكم واحط بعدها الي عندي...
واذا فيه اخطاء املائيه او سقطت بعض البيوت يعلمونا

وتفضلو:o


على ذاك الطريق اللي يسمونه غرام أحباب

وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب

تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب

بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب

وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟

ترى كل العيون اللي لقتني ما تكفيني

رماني حظي العاثر عليك وجيت لك طلاب

ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب

مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب

وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب

ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب

أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب

وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب

شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب

أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب

لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب

تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب

اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب

وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب

وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب

وابي منك ما دام أنك عرفتيني تحبيني

مادام أني لقيتك في طريق أسمه غرام أحباب

دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب

عسى تنساني الدنيا مادام أنتي ذكرتيني



الشاعر: حامد زيد :rolleyes:

[مداوي]

اخوي محروم من قربك
السلام عليكم ورحمة الله وبركا ته

بصراحه فكره حلللوه وبكذا نشوف كل جديد انشاء الله
على منتديات الشعر والتراث الشعبي

وبالتوفيق والى الامام يارب

اخوك0000000 مداوي

[المياسه]

محرووم من قربك.


تسلم على هالموضوع الراائع الذي سوف ينعش المنتدى ويبث روح التنافس الشريف بين الاعضاء بكتابه الافضل..


وبصراحه موضوع تستاهل عليه عشره على عشره .(ههههههه)مداعبه


وانا من جهتي ابشر راح اثبت لك المووضوع حتى يتمكن الكل من متابعته ..وايش رايك ..


مو كذااحسن ...

اتمنى لك التوفيق في اختيارتك واتمنى من الاعضاء المشاركه الفعاله..



تقبل اعذب التحاياا

[محروم من قربك]

مداوي(hjh)
طال عمرك القصيده الي وضعتها انت غير واضحة
المياسه(w99) مشكور على النثبيت

وننتظر قصايدكم وهذي قصيدة (ياللي زعلت ازعل)
لطلال السعيد
ياللي زعلت أزعل ولاني مرضيك
أشرب ما من البحر إن كنت راضي

لا تحسبني عقب صدك بداريك
أبعزي عنك مـدراك مدراك

يا ما من سنينن و أنا أتحمل تغليك
راضي بتعذيبك لجل قلبٍ أغلاك

خليتني واليوم والله لا أخليك
وأدوس قلبي لين يقول خلاك

قبل توريني الحسايف بوريك
لين قالوا فلان هانك ووراك

كانك تحداني فا أنا أقبل تحديك
وأنسى الغرام اللي عن الماضي وأتحداك

ماني قايل عسى الله يهنيك
الله يحرمك كل ما كان و وهناك

عسـى العمى يا خاين العهد يعميك
ذاك الغرام اللي عن الماضي أعماك

عسـى ما تسمـع قريـبٍ ينـاديـك
حيثك تجاهل صوت محـبـوب نــــاداك

عسـى الشـلل يعـوق رجلٍ تمـشيـك
لـيـن تــنـدم ليه غـيـرت ممــشــاك

[محروم من قربك]

التمثال...لحامد زيد


عفا الله عن خطا غدر الخناجر والضلوع أبطال= أبسامح وارتكك تحت الظلام الحالك لحالك
دخيلك وفر دموعك ترى هدر الدموع اذلال=وترى ما فيه أحد يصبر مثل صبري بغربالك
أنا عيب علي انقض كلامي والرجال أفعال=وإذا قلت اقطع احبالك تراني ابقطع حبالك
علشان اكسب هدب عينك تجرعت العذاب اشكال=وليتك ترأف بحالي علشان أرأف بحالك
مسوي شي في حياتي حشى مايذكر ولا ينقال= حشى حتى العدو وهو العدو مايعمل أعمالك
تمسيني على الهم وتصبحني على الغربال=تقلطني فنجالك وتقصر عني دلالك
تحملت التعب لأجلك وانا حملي يهد جبال= رحلت من العذاب وماوقفت إلى على جالك
علامك كل ماجيت متواضع جيتني تختال=معاك إلى متى بصبر وصبري معك يحلالك
مثل ماقبلت لعيونك لزوم تلدلي بقبال= ومثل ماقد حشمتك حس واحشم قلبي يثوالك
أنا محد(ن) بجابرني أساير معك هالمنوال= ترى لاني تبيع(ن) لك ولاني بأصغر عيالك
أنا جيت أعشقك نبض ومشاعر مااعشقك تمثال= أنا جيت أسكنك وأحياك وأبقى فيك وأبقالك
أنا جيت بظمى عاشق تعب يطرد شراب اللال=أنا جيت أستفز رضاك من فرقاك الجالك
أنا ماهمتبك عاقل أنا كنت أعشقك بخبال= أن ما كنت أحبك حي أنا كنت أعشقك هالك
تخيل من كثر ما أخاف تلقى للزعل مدخال= أخاف أخطي على طيفك وأدوس برجلي ظلالك
تبعتك والعرب تتبع عروق البارق الهمال= وأنا شفت المطر يتبعك في حلك وترحالك
كأن اللي خلق حسنك خلقتي مع جسدك ظلال= وصرت أقربجسد يمشي معك بقفاك وقبالك
أبي قلبك يحس أنه فقد بمحبته رجال=ملكته من هدب عين وخسرت ارضاه بإهمالك
صحيح ان الفراق أقسى ولكن الوصال محال=وأنا صعب علي أرضي غرورك وأضعف قبالك
بعد ما حققت عيني في بعدك غرقاده مال=ألود للسهر ياخوي فال الله ولا فالك
أببدل نظرتك فيني وأجيك كل يوم بحال= بكون أقرب من ثيابك عليك ولاتهيالك
بلمك وانرك واجمعك وارجع انثرك باهمال=بخونك وازعلك وارضيك وازعل منك وارضالك
ابرسم بالثرى وجهك وبدفن صورتك برمال=ابشكي للعرب فرقاك واضحك عند عذالك
ابهديك الوصال فراق واهديك الفراق وصال= ابسوي مثل ما أشوفك تسوي وافعل افعالك
علشان تعرف من فينا الزعول ومن وسيع البال=ابيك توق فنجالي وانا بذوق فنجالك
نصيحة واحتفظ فيها قصر الزمن أو طال=أبي تسمع كلامي زين وتحطه على بالك
اذا حبك هبال أطفال لك عندي هبال أطفال=ولا...وأبشر بعد بهبال بحبٍ ماهو بهبالك
وإذا قصدك تهين اسمي علشان تشمت العذال= حشى لا أنت ولا غيرك ولا عشرة من أشكالك







يالله ياشباااااااااب نبي نشوف قصايد منكم

[محروم من قربك]

قصيدة مريم لفهد عافت

مريم.. وتضحك يرق الماء ويصفالي زماني
......... والمكان يطيب والرمـان يتكدس .. هنيا


قلت: رحلتنا تبي سكر .. وترنيمة اغاني
......... جاوبت: هات الاغــاني واترك السكر عليا


من شفايفها .. صباح الخير شكل وطعم ثاني
......... آآآه .. لو تدري وش تسوي صباح الخير فيا


تاخذ الما من يديه توصله شط الاماني
......... واهنييّ كلمّا مريم خذتني من يديا


اذكر اول ماتلاقيــنا.. تسمـرت بمكاني
......... حاولت عيني تشوف الدرب مير القلب عيا


الحلا فيها من اقصاها ولا للزين داني
......... كل مافيها خلقه الله من طلعة محيا


كلما عزّ الطلب عندي وقالت لي: عشاني
......... قلت: من هذي قبل هذي .. وجابتني حميا


قبلها.. ما طاعت اقدامي طريق الاّ عصاني
......... بعدها.. ماظل حلم أخضر بصدري ماتهيا

[المياسه]

سيدي الفاضل


اشكر لك اختيارك السابقين لاجمل قصيدتين ..لشاعرين كبيرين ..

واتمنى ان ارى المشاركه الفعاله من باقي الاعضاء..

واحب ان اشارك هنا بقصيده لشاعر كبير قالها في رثاء ابنه الا وهو الشاعر /شالح بن هدلانعندما فقد ابنه ..وهي اول قصيده قالها بعد موت ابنه


يا ربعنا ياللي على الفطر الشيب/////عز الله انه ضاع منكم وداعه

رحتوا على الطوعات مثل العياسيب ////وجيتوا وخليتوا لقلبي بضاعه

خليتوا النادر بدار الاجانيب ///// وضاقت بي الافاق عقب اتساعه

تكدرن لي صافيات المشاريب ////وبالعون شفت الذل عقب الشجاعه

يا ذيب انا بوصيك لا تاكل الذيب////كم ليلة عشاك عقب المجاعة

كم ليلة عشاك حرش العراقيب ////وكم شيخ قوم كزته لك ذراعه

كفه بعدوانه شنيع المضاريب ///// ويسقي عدوه بالوغى سم ساعه

ويضحك ليا صكت عليه المغاليب ////ويلكد على جمع العدو باندفاعه

وبيته لجيرانه يشيد على الطيب /////وللضيف يبني في طويل الرفاعه

جرحي عطيب ولا بقى لي مقاضيب////وافخت حبل الوصل عقب انقطاعه

كني يعد فقده بحامي اللواهيب //////وكني غريب الدار مالي جماعه

من عقب ضيب الخيل عرج مهاليب //يا هل الرمك ما عاد فيهن طماعه

قالوا تطيب وقلت وش لون ابا طيب/////وطلبت من عند الكريم الشفاعه

اتمنى ان يكون اختياري حائزا على رضا واعجاب الجميع

شاكره للا خ محرووم تواصله ومتابعته لهذا الموضوع

[أبوبندر]

شكرا ً لك على هذه الفكرة المتميزة ومشاركةً منا بهذا الطرح فهذه قصيدة لأحد أعلام الشعر المتميزين
سيف العشق:-


كيف أطفي الريح بثيابك وكيف اشعلك # كيف اتنثر على جمـــــرك وكيـف احتويك
نقضت ليل الحــــرير وجيت ماانت لـهـلــك #سمّيت باللي فتني بــــــك وقلت ابتديـك
هذا اول الدرب او هـــــذا الطــريق اولك #جيت آتوقّا عذابـــــــات المدى..واهتديك
شوقـي مسافـة وهمساتـك مــدار وفلك # ان مـــاظميتك غلـــى 00ياعلني ماارتويك
إية اعرفك واعرف اني من غـــلاك اجهلك #مــــــرات اضمّـــك واخـاف اني مشبة عليك
مـــــرات اشوفـك بنفس الوقت واتخيـلك # وانشــــد كفـوفـي عن اخر سالفة من يديك
أعــــــنّ لك لـو تصّـب المـوت 000واتهيّلك # واجــــوع لـك وآتمـنـــى خنجـرك واشتهيك
ماقلـت لك عمر ســـيـف العشق مايقتلك # مـــاتشوفني حي قدامك وانا امــوت فيك
اشتقت لك قبل اجيك وجيت واشـتقت لك # البـــارحة طـــول ليلي بين هذي..وذيـك
مليت جمـر انتظارك واستحيت أسـألـك #واحسبتني ما بــــعد جيتك وفكـــرت اجيـك
اثرك بقلبي من البـــارح وانااستعجلك #واثري نســــيتك مـــــن الفرحة وقمت احتريك
شعر/ مساعد الرشيدي

[المهند]

قصيدة أعجبتني للشاعر نواف بن رازن وأحببت عرضها لكم في هذا المنتدى وهذه الصفحة بالذات مع حفظ الحقوق لاصحابها


جيت لـ (ابها) وقالوا عودت للرياض =والله أني ماجيت الا على شانها
علموني ودمعي فوق الاوجان فاض =واغرق (أبها ) وسودتها وسكانها
دمعتي غيث سحبٍ وسطها البرق ناض= استهلت بعد ما ماع ربانها
وانخفض ضغط قلبي من عناي انخفاض = وذابت الروح حين اختل شريانها
وقلت يمكن مقدّر ماعليه اعتراض =يالله إنك تقو النفس بيمانها
وتلطف بروح وردت للمنايا حياض=والسبب جادلٍ ماخف ميزانها
ويش اوصف وصايفها طوالٍ عراض = الله اللي من عيون البشر صانها
خدها فيه حمرة ورد شاعه بياض =شعشعت بالحياه وزانت الوانها
عين حرٍعلى الخرشا طلع بانتهاض=شافها عقب ماناضت بجنحانها
نادرٍ كل ماشاف العنيد استهاض =يلحق اطيارها لوطال ميدانها
وعودها خيزرانن غض لدنن غضاض=وفارع الطول فعلاها وفغصانها
عنقها عنق ريميٍ من الصوت جاض=استذارت وجات الرّميه اوزانها
وكن في صدرها الطير ازرق الريش باض= بيضةٍ مالمسها غير فستانها
وغير هذا عفيفه مامشت بنخفاض =راجحٍ عقلها تفخر بجدانها
بنت قومٍ لهم تاريخ حاضر وماض =تكسب الخيل هاك الوقت برسانها
حبها زارعٍ له بالضماير افياض=أزهرت عشق والبستان بستانها
الله اللي فرضها فالضمير افتراض=صرت في حكمها واتبع لسطانها
ليت ابوها على شاني تريض وراض= انتظرني وقدّر دمعة اعيانها
بعدها مالنا بـ(أبها )العزيزة مراض=تقعد (أبها) مثلي ماهي لسكانها

نواف بن رازن

[موت & ميلاد]

محروم من قربك ....

فكره رائعه للغايه << يعني حتى النخاع(q47)


والف شكر لمشرفتنا المياسه على التثبيت ...



وهذي مشاركتي الاولى ....والجايات ان شاء الله اكثر





فعيني تغيب الشمس .. وتشرق فعيني=في ناظري للشمس ..موتٍ iiوميلاد
لليل في دمعي سنا .. iiنجمتيني=وللصبح في جفني شفق هم iiوسهاد
كن السهر دربٍ عليه اب تجيني=ولا ودي اقطع درب لاماك برقاد
ياللي جميع الناس بينك iiوبيني=وكل لحظةٍ أنا انتظر منك iiميعاد
عذري لياسي منك..انك iiتبيني=خنت الرجا..وان صنت لي عهد iiووداد
البسمتك ترخص غوالي iiسنيني=جرحي يهون وجاير الشوق يزداد
ولمصافحك ربي خلق لي iiيميني=امدها لك وصل وامدها ابعاد

للشاعر //بدر بن عبد المحسن




موت & ميلاد

[موت & ميلاد]

وهذي المشاركه الثانيه ....



خسـارة الحب..مــــاتستاهــل أختــــارك=خســـارة أغـليك..وأثني عزّتي دونك
من آخر الجرح جيتك..هاك iiتذكارك=آخر قــصيدة..كتبها الجرح لعيونك
غـرورك اللي رقى بك..فـــوق iiمقدارك=انا اطلب الله يــجــي له iiيــــوم..ويـخـونك
أنــا أول اللـي حــيّاك..وهـــام بأشـــعارك=وأنا آخـــر اللي يـمـــــوت لاجل يــحــيّونك
مليت أنا أرضى بجفاك.وبارد أعذارك=مــــليت أمـــــد النـظـر..وتهينه غبــــونك
مصير وقتك يــبـــور..وتذبل أزهـــارك=ومصير كــل الجـــروح الحمر ينســـونك
واليوم يا الجـــــرح..والله لآخذ بـثــارك=وأســـقـيك مـن دم قلبٍ خــيـّب ظـنـــونك
خلّه ترى اللي حصــــل من لـعنة أقـــدارك=وإرحل مع اللي يـحــبك وصل..ويصونك
وما جيت أبنشد عن الهجران iiوأخبارك=جيتك أبســألك بعــد الجرح وشــلونك؟





موت & ميلاد

[(-_-)الصحاف(-_-)]

مشكور يا(محروم من قلبك)على القصيدة ( جعلنا ما ننحرم منك) (qq57)صح لسانك(qq57)

[موت & ميلاد]

صباح الخيرات ....


هذي قصيده رائعه للراحل طلال الرشيد رحمه الله




هذا الحنان اللي له القلب محتــاج=أرجوك زيدي بالعطــا واحتويني
صيري دوا لمعذب القلب وعــلاج=من بد كل النــاس لك قربينــي
بـلا تحفظ كلمينــي بلا احــراج=حديث روح لروح لا تحرمينـــــي
نرسم لنــا في عالـم الحب منهـاج=دنيا الخــال وعالـــم العاشقينـي
معنى السعادة ترسمه ضحكة إحجـاج=غطـي بحنــان الود باقي سنينـي
وان كان شفتي في وصالي لك إحـراج=في صمت أحبك بين قلبي ...وبيني





موت & ميلاد

[قطيم]

يوم قلت شعراء مشهورين ,, قلت تبي تقول بندر بن سرور وغير من فحاحلة الشعر

بس على العموم انا كانت عندي مشاركه سابقة واندثرت وهي قصيده


القائل : الشريف بركات بن مبارك بن مطلب الحسيني
المناسبة : كان يخاطب ابنه ويوصيه .

القصيدة :
يامرقب بالصبح طليت باديك ** ما واحد قبلي خبرته تعلاك
وليك يا ذا الدهر ما أكثر بلاويك * الله يزودنا السلامة من اتلاك
يا اللي على العربان عمت شكاويك * وليت يا دهر الخطا ول ما اقساك
واليوم ها الكانون غادي شبابيك ** تلعب به الأرياح من كل شباك
يا مالك اسمع جابّـتي يوم اوصيك * واعرف ترى يا بوك بأمرك وانهاك
وصية من والد طامع فيك * تسبق على الساقه السانه العليك

وبعد أن اطلعنا على مقدمة القصيدة , نتقل جميعا إلى صلب الموضوع وهو الحكم والدرر .

التقوى والعبادة
أوصيك بالتقوى عسى الله يهديك ** لها أو تدركها بتوفيق مولاك

حفظ المال
إحفـظ , دبشك للي عن الناس مغنيك ** الي إلى بان الخلل فيك يرفاك

طريق الرجولة
واجعل دروب المرجلة من معانيك ** وادراج سيسها على العز مرقاك

الكسل والاعتماد على الغير
لا تنسدح عنها او تـبـغـيـني اعطيك ** جميع ما يكفيك ما حصل ذاك

تربية الاولاد
أدب ولدك إن كان تبغيه يشفيك ** واستعسفه من بعد مرباك يالاك
إما سمج واسـتـسمجك عن شاينك ** او يفر من فعله صديقك أو شرواك
وإلا بعد جهله ترى هو بياذيك ** لو زعلت , امه , لاتخليه يالاك

رد الجميل
واحذر تضيع كل من هو ذخر فيك ** معرفه لا تنساه ووفه العرفاك
ترى الصنايع بين الأجواد تشريك ** إلى طمعت بغرسها لا تعداك

وفاء الحقوق
واوف الرجال حقوقها قبل تعنيك ** لا تعتمد بالعفو فالحق يـقـفاك

النميمة وعرض الغافل
او هرج النميمة لا يجي فيك ** وإياك عرض الغافل إياي وياك

الكذب
تبدي حديث للملا فيه تشكيك ** وتهيم عند الناس بالكذب واشراك

كتمان السر
وإلى نويت احذر اتعلم بطاريك ** كم واحد تبغى به العرف وأغواك

المعاتبة
واحذر شماتة واحد لك مصافيك ** وإلى جرى لك جاري قلت لو لاك

الأرزاق بيد الله سبحانه وتعالى
اولا تحسب إن الله قطوع يخليك ** أو لا تفرح إن الله على الخلق ولاك

إكرام الضيف
والضيف قدمله هلا , حين يلفيك ** أو مما تنوشه يا فتى الجود يمناك
أكرم إقبالة فإنها من شوانيك ** وابذل له المجهود ما دام يعناك
أحذرك تلقي الضيف مقرن علابيك * خله محب لك صديق إذا جاك

التسامح عن الزلات
واوصيك زلات الصديق إن عثا فيك ** ما زالك يغطاها الشعر فا حتمل ذاك
راعه أو لو ما شفت إنه يراعيك ** عساك تكسر نيته عن امعاداك

الحذر من العدو
واحذر عدوك لو بغى إنه يصافيك ** خلك نبيه او راقبه وين ماجاك
لا تامنه و اطلب من الله أيـنـجيك ** أو يكفيك ربك شر ذولا وذولاك

التدخل بين الناس
شفني أنا يا بوك بأمرك وانهاك ** عن التعرض بين الأثـنـين حذراك
إذا حضرت اطلابه مع شرابيك ** اسع لهم بالصلح واللاش يفداك
ابذل لهم بالطيب ربك إيـنجيك ** أو لا تخضع الميزان مع ذا وذاك

أداء الشهادة
أما الشهادة فأدها إن دعو فيك ** بين عمود الدين لا عميك ارياك

التحذير من مرافقة الانذال
أو بالك اتماشي واحد لك ايرديك ** طالع بني جنسك أو فكر بممشاك

الترغيب في مرافقة الطيب
رافق أصيل في زمانك ايشانيك ** لا شاف خملاتك عن الناس غطاك

طرد المقـفي
واحذرك عن طرد المقفي حذاريك ** عليك بالمقبل او خل من تعداك

تعوذ من الشيطان
ثم العن الشيطان ليها يغويك ** ترى إن تـبـعته للشرابيك وداك

تحمل أخطاء نفسك
واوصيك لا تشتكي علينا بلاويك ** انت السبب طرفك عيونك بيمناك
واعرف ترى الي قد وطا القهر واطيك ** ولا أعز من الجماعة هذولاك
ألمسك ياراسي عن الذل واخطيك ** واحذر تكلم يا لساني حذراك

الجار
والطف بـ جارك ثم قم دون عانيك ** وافطن لما يعنيك ربعة اخواك

أهوا النفس
والنفس خالف رايها قبل ترميك ** ترى لها الشيطان يرمي بالادارك
ومن بعد ذا لا تصحب النذل يعديك ** وعن صحبة الانذالك حاشاك حاشاك
ترى العشير النذل يخلف طواريك ** وأنا أرجي إنك ما تجي دون آباك
والهقوه إنك ماتجي دون أهاليك ** أو لا ذكر عود الورد يثمر بتمباك
والحر مثلك يستحي يصحب الديك ** وإن صاحبه عاعا امعاعات الادياك

اجتناب الكذب
ولا تستمع قول الطرف يوم يلفيك ** بالكذب يقضي حاجته كل ماجاك

النميمة
من نم لك نم بك ولا فيه تشكيك ** وايلاه قد أزرا رفيقك او زراك
عندك حكى فينا وعندي حكى فيك ** واصبحت كارهنا او حنا كرهناك

القضاء والقدر
أو ما اخطاك ما صابك لو كان راميك ** والي يصيبك لو تـنقيت ما اخطاك
مير اسمتع منى عسى الله يهديك ** النصح يا مالك لك الله لولاك
عندي مظنه ما تمثلتها فيك ** واطلب لك التوفيق من عند مولاك

[محروم من قربك]

الى جميييييييييييع الاخوان شكر من القلب على المشاركات والاضافات وننتظر المزيد
وهذي قصيده ماهو بكيفك للشاعر حمد السعيد
ماهو بكيفك تواصلني وتقطعني ... اما غلا بين أو فضها سيرة
ياشين لا جيت تقطع لا توادعني ... ليتك تحس الوداع شلون تأثيره
ياماخذ الحب فيني وسمعني ... جب(ن) على كبر صعب أبدله بغيره
أبحتفظ فيك وأدري منت نافعني ... يمكن مع الوقت اقول محبتك خيره
والله تدري وش اللي معك دافعني ... اني معاك انت كنت امارس آخر الغيره
واحب فيك البرود الي قاطعني ... لو ماتكلمت صمتك صعب تفسيره
ياللي عليك البشر شفها تقاطعني ... من وين ما أوجه الهقوات لك سيرة
ياشينها من الخوي قولة اقطعني ... ما غير شره ومنب شايف(ن) خيره
وياشينها منك لا جيتك توزعني ... في عذرك ياللي على هالظرف تجيره
شف كبر صبر البشر ماعاد ياسعني ... وأكبر هموم العباد أشوفها صغيره
وش جاك مني خطأ يومك تبيعني ... في سوق ذقها عليك اسوقها جيره
أنا أذكر انك لامن قلت دلعني ... القلب هانت علشانك مشاويره
يامشغل القلب بين تحبني ويعني ... شفني عليك عليك احترق ياسيدي حيره
مرات أقول اتركك لا شك يمنعني ... شي يقول اعذره واقبل معاذيره
قلت احتفظ فيك وادري منت نافعني ... يمكن مع الوقت اقول محبتك خيره

[المياسه]

سيدي الفاضل محرووم


اشكر لك هذا الابداع والعطاء المتدفق كمااشكر جميع الاخوان الذين اتحفونا بما لديهم من قصائد مختاره وشامخه..

اتمنى لكم الاستمرار والتوفيق

[فوفي]

وهذي مشاركه مني
لشاعر حسن السليطين
انساك لحظه

أنساك لحظه و أذكرك باقي العام
حتى و أنا ناسي نسيت وذكرتك
يالهفة المشتاق بك خافقي هام
صورتك في عيني بقلبي رسمتك
يا معطي عمري صفا كل الأيام
زانت بك الدنيا بشعري وصفتك
يا شمس عمري طلعتك تدفي اعوام
ادفا و أنا بردان لو ما لمستك
تدفا عروق القلب من لمسه ابهام
تدب فيني الروح ليمن صدفتك
ودي تصير الروح مع روحي الحام
ما نفترق روحك بروحي لزمتك

[محروم من قربك]

اعتذر الاخوان عن هذا الإنقطاع الطوييييييييل فهذه مجموعة قصائد علشان ترضون علينا
الأولى قصيدة ( يا علي) للشاعر طلال السعيد
ياعي هذا البيت ملزوم أمره ... لو قلت لي كثرة مرورك سماجة
بيت(ن) غلاه بوسط قلبي مقره ... أغليه لو هو مانفعني بحاجة
ما شفت منه الا العنى والمضره ... عايش بحسراته برجوى ابتهاجه
عليه قلبي كل طارٍ يجره ... لو كان راعي البيت يعقد حجاجه
من سبته بالقلب مليون حره ... ضيقات في قلبي بعيد انفراجه
جرحه ثلاث سنين قلبي يفره ... يدير قلبي لين حطم سياجه
راح وجرحني جرح في حين غره ... زلزل ضميري في عظيم ارتجاجه
جرح(ن) على جرح(ن) كفى الله شره... والجرح فوق الجرح يصعب علاجه
ياعي هذا اللي كوى القلب حره ... قلبي تكسر مثل كسر الزجاجه
ياعلي كف اللوم في كل مرة... وفر كلامك لاتزيد الحرجة
-----------
الثانية (الطايش) لسعد علوش
الطايش اللي محتمينه ماوالوه ... كل العيون الي تحبه باعته
أغلى شهوده ساع مابيع جحدوه ... و أفوا شموعه يوم قفا ماعته
يا أهل السخافة واللقافة جنبوه ... خلوه يخطي دامني شماعته
خلوه يجمد ويتبعثر كل أبوه ... مادامني في حكمه وطاعته
لأنه خليط من التغاظي والنبوه ...ومواقفه تبنى على قناعته
قاسي ولو تظايقه ماقال (أوه).... قساوته آخر دلع , مياعته
مدلع(ن) خلقه وناسه دلعوه ... ونفسه ما تشبعبه لاجاعته
يغيب ويدري ان المعاليق افقدوه ... ويرجع بصوت(ن) جعلي مناعته
لاشفت رقمه في شاشة الجوال أتوه... وأقول ياربي تبارك ساعته
جوالي لامنه دق وقال ألوه ... تذوب أذاني على سماعته
لبيه ياكلماته ولافظ فوه .... أموت في ضحكته واستمتاعته
لاتنشدوني ليه أحبه أنشدوه ... حبه محببني سبب وداعته
من كثر ماأحبه أحب أمه وأبوه ... بالمختصر أحبهم جماعته
-----------
(طبعي كذا) سليمان المانع
طبيعي كذا مايخجل الدمع عيني ... دامه حنان بداخل الروح ماهنت
ماني ضعيف بدمعتي وافهميني ... أنا الذي بيدين الأيام مالنت
بس اعترف في صدق بينتس وبيني ... كان الفقر ياغادتي يوم أنا كنت
إذا تعبتي جنبي واتركيني... صدي مثل ماصدوا الغير يابنت
أنا عزاي إن الوفا محتوني ... وإن خان غيري بعت دمي ولاخنت
راحل غريب ونزعة البدو فيني ... أكره فضول الناس من وين ومن أنت؟
بكيت مدري حق منهو حنيني... وحاولت أفسر رغبتي ماتمكنت
ماأعرف م أدري ما أبي واعذريني ... أنا أعرف إني أحزنت وأفرحت وأحزنت

[المهند]

قصيدة عاطفية للشاعر نواف بن عبدالعزيز بن رازن أود المشاركة بها هنا مع حفظ الحقوق لأصحابها


حبيبة القلب خانتها بطاقثتها = وانا انتظر ردها والنوم ماجاني
لوصار عندي خبر فكيت حرجتها = واهديتها عن (سواء) جوال مجاني
ماني براضن تهل اليوم عبرتها = وانا اعرفن البكاء.. كله على شاني
مزيونتن زينها من ساس جدتها = ماغيرت شكلها بصباغ والواني
كن القمر والكواكب وسط لبتها= والعنق وصفه كما كرسي سليماني
مافي جميع الخلايـق مثـل صورتهـا= فريـدتن فالوصايـف مالـهـا ثـانـي
من أخمص قدمها الى أعلى شي هامتها= قطعة ذهب والبهاء صحـه فالابدانـي
سبحان من زاد في قلبي معزتها = معزتن فاقت القاصين والداني
ياما وياما سهرت الليل حشمتها = ابدع قصيد الغزل واجر الالحاني
وليا تسمعت فالجوال نغمتها = أنسى همومي واعيش بعالمن ثاني
نواف بن رازن

[حمدطلب]

الشاعرعبدالله بن دهيم

قلبي يـا لي في الضمــاير تــلهـــب نـا ره
مـــا قــدرت النارليجيت انا بطفيهــــــا
صــرت ا نـامثـل الــذي ضـايع ٍ بفكـاره
ضــاعت الحـيــله ودنياي افكــرفيهــــا
والسـبايب صاحـبي مـاعـرفـت اسـراره
طلبتي مـن صــــاحبي لآزمًً يــــديهــــا
يــاوليفي مــانبي منك زود اتــجــــــاره
ليحــصلي جـيــتـك غيرهــامـا بيـهـــــا
ومــن تــدخـل بينـنا يلغضي وش كــاره
نتبـع ألاول وعـــا داتــنا نمـشــــيهـــــا
وعذابي مـــنك يــاراكـــب السيـــــــاره
ارحــم المبلـي والعــيــن لاتبــكـيـهــــــا

[هزاااع]

تمنى ان ارى المشاركه الفعاله من باقي الاعضاء..

واحب ان اشارك هنا بقصيده لشاعر كبير قالها في رثاء ابنه الا وهو الشاعر /شالح بن هدلانعندما فقد ابنه ..وهي اول قصيده قالها بعد موت ابنه


يا ربعنا ياللي على الفطر الشيب/////عز الله انه ضاع منكم وداعه

رحتوا على الطوعات مثل العياسيب ////وجيتوا وخليتوا لقلبي بضاعه

خليتوا النادر بدار الاجانيب ///// وضاقت بي الافاق عقب اتساعه

تكدرن لي صافيات المشاريب ////وبالعون شفت الذل عقب الشجاعه

يا ذيب انا بوصيك لا تاكل الذيب////كم ليلة عشاك عقب المجاعة

كم ليلة عشاك حرش العراقيب ////وكم شيخ قوم كزته لك ذراعه

كفه بعدوانه شنيع المضاريب ///// ويسقي عدوه بالوغى سم ساعه

ويضحك ليا صكت عليه المغاليب ////ويلكد على جمع العدو باندفاعه

وبيته لجيرانه يشيد على الطيب /////وللضيف يبني في طويل الرفاعه

جرحي عطيب ولا بقى لي مقاضيب////وافخت حبل الوصل عقب انقطاعه

كني يعد فقده بحامي اللواهيب //////وكني غريب الدار مالي جماعه

من عقب ضيب الخيل عرج مهاليب //يا هل الرمك ما عاد فيهن طماعه

قالوا تطيب وقلت وش لون ابا طيب/////وطلبت من عند الكريم الشفاعه

اتمنى ان يكون اختياري حائزا على رضا واعجاب الجميع

شاكره للا خ محرووم تواصله ومتابعته لهذا الموضوع(qq93)

[ال مستحيل]

شفتها من عقب ماغابت سنين *** جت تقل متردده ثم ارجعت
وقمت اناديها ابيك بكلمتين *** واستخارت واستدارت وارجعت
قلت قولي علميني وش تبين *** قالت اصبرقلت يكفي واجزعت
قالت انت تبين انك مستهين *** وانت روحك من على البعد طلعت
زين ابسأل دام قلبك مايلين *** ليش عينك يوم قفيت دمعت
قلت انا باسي قوي لو ترجعين *** صدقيني عمر نفسي ماخضعت
وكان قصدك دمعتي لاتفرحين *** شعرة دشة بعيني واطلعت

خالد المريخي

[كاتم الونة]

قصيده أتمنى منكم الاطلاع عليها اكثر من مره والتمعن
بها.. فعلا قمه في البداع والجزاله....
تحيه خاصه لصاحب الفكره الاخ المبدع محروم من قربك
.................................................. .................................................
.............................. حي نوده ...........................................

ياعمير شــفت مخفــرٍ يــذكرونــه
..............................ووقفــت في خلق الكريم اتـــحلاّ

قلت السلام وقال مالك مــــهونـــه
..............................ورديت له ثاني ســلامـي وهـــلا

ياعمير صابت با الضماير طعونه
..............................طفل علــــــى مكنون عقلي تـولا

له غرةٍ شقرا جذت عن قرونـــه
.................................ماهوب في زين الجواهر محلا

قاموا هله بهروجهم يندهونــــه
..............................قلت اتركوه ابــــليس بـعّـد وولا

خلوه يا الاجواد لا تبعدونـــــه
..............................قالوا تعــــــــرفه قـلت كلاّ كـلاّ

بجاه ربٍ كلكم تــرتجونــــــــه
..............................خلـــــوه يقضي حاجته ويتســلا

عليه قلبي كاثـــرات غبونــــه
..............................وكن الجـــراد بثومة القلب فـلا

وان قلت لي ياعمير وشلون لونه
..............................زينه على زيـن العـــذارا تـعلا

خده كما بدر ظهر من مزونـــه
..............................عقب المطر عنه السحاب يتجلا

حيٍ نوده حيــل دوني ودونـــه
..............................عليـه قلبي با الموده تــــــــملا

واحسرتي وان كان قفت ظعونه
..............................عن دارنا لديار حيـــــــه مجلا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,

الشاعر, الفحل المبدع الامير/ محمد الاحمد السديري...رحمه الله