محمدفالح الجهني
24-04-07, 01:38 AM
يشرفني أن اقدم بين أيديكم المحاوله الاولى لي في مجال الشعر
القصيده اهداء مني للجرح الاول في قلبي---
يالساني مابقى بك لا قصيد ولا أغاني = يا عيوني مابقى بك دمع يمكن تذرفينه
ياسنيني مابقى بالروح من قاصي وداني = موضعا سالم من الطعنات حتى تجرحينه
ليه ماللهم بالدنيا سوى صدري مواني = والفرح ليه الضلوع أسوار مابيني وبينه
كلما تنوي جروح القلب تتركني وشاني = أنسدل ثوب الظلام وعود القلب لحنينه
ويش عذري كلما حل المسا والليل جاني = و قامت اعيوني تعاتبني تقول النوم وينه
يا عيوني مالك الا الصبر وطوال الأماني = واحدا مثلي يعاف النوم لازم تعذرينه
ان بغيت أبوح عيا لا يطاوعني لساني = وان سكت العين تفضح كل الأسرار الدفينه
وان سأل واحد من الأصحاب ويش اللي بلاني = قلت له مايكسر الخاطر سوى فرقى ظنينه
وش يذل قلوب خلق الله سوى بيض الغواني = ما يطيع الادمي فيهن نصيحة عاذلينه
يا غريبه يوم حليتي بقلبي كان هاني = خاليا مقفر من الأحباب قبل انك تجينه
ارتكيتي بالحشى المجروح مابين المحاني = مامعك وسطه سوى الدم ومحبة والدينه
كنتي أول حب ليت الحب تاه ولا لقاني = قبل يصل القلب ليته ضاع في وسط المدينه
وصرتي اخر حب يوم الوقت بالفرقى رماني = يا اول أحلامي قبل لحن الموادع تعزفينه
اااه لو شمس النهار اللي على بعدك حداني = قبل يشرق نورها ظلت عن العالم سجينه
وطال ليلي طال طول الصبر في قلبا يعاني = والنهار ابطى على الأحباب مابين جبينه
كان ماحان الموادع والفراق اللي دهاني = والسفر يومك نويتي بالسفر ماحان حينه
اااه لو تدرين كيف البعد من بعدك كواني = وكيف بعيوني تساوى هالزمن زينه وشينه
وبعد ما اني كنت أعد من الزمن حتى الثواني = كيف بغيابك يمر العمر ما ادري كم سنينه
ان دعاني درب غيرك رحت كنه ما دعاني = عيت الاقدام تمشي به ولو دربه هوينه
الطريق اللي على بابك حبيبي ماهداني = ليت ماتنبت على دربه من الاشجار لينه
والسراب اللي وردته من ظماي ولا سقاني = ليت ماهو بالعوض ليه عن العد وقطينه
ياجماعة خير جاني من عذابي ماكفاني = أفزعوا لي مابقى بالقلب صبر ولا سكينه
لا نويتوا للسفر لديار من حبه سباني = أحملوا من خاطري ورد الحنين وياسمينه
علموه بحالتي واليا سألكم عن مكاني = في ديار الحزن يالأجواد قولوا خابرينه
يبست أحلامه ظما بعدك وجفن السواني = وبير صبره من رداة الحظ مابه غير طينه
له ثلاث سنين يزرع وسط عينه حلم ثاني = طالت الفرقى عليه ومات حلمه وسط عينه
وكان ماحرك شعوره هالكلام ولا بكاني = علموني لجل اجر الصوت وأعلنها غبينه
لجل اطلع قلبي المجروح من بين المحاني = واطعنه في خنجر النسيان والمولى يعينه
وكان قلبي ماسمع عذلي عن الحب وعصاني = ومد كفه يتبع المقفين لاقطع له يدينه
ومن يقول انه على عهده مقيم ولانساني = يكسب المعروف في قلبي ويبشر بالثمينه
من سما الأشعار لاهدي له مجرات المعاني = واهدي الجوزا على يسرا ه وسهيل ليمينه
واترك احزاني ولو هي لي مثل حسبة اخواني = لو يقولون العرب كيف الرجل يترك قرينه
وابتدي وارجع أعد من الزمن حتى الثواني = وانتظر لو ان عمر فراقنا طالت سنينه
شعر /محمد الجهني
القصيده اهداء مني للجرح الاول في قلبي---
يالساني مابقى بك لا قصيد ولا أغاني = يا عيوني مابقى بك دمع يمكن تذرفينه
ياسنيني مابقى بالروح من قاصي وداني = موضعا سالم من الطعنات حتى تجرحينه
ليه ماللهم بالدنيا سوى صدري مواني = والفرح ليه الضلوع أسوار مابيني وبينه
كلما تنوي جروح القلب تتركني وشاني = أنسدل ثوب الظلام وعود القلب لحنينه
ويش عذري كلما حل المسا والليل جاني = و قامت اعيوني تعاتبني تقول النوم وينه
يا عيوني مالك الا الصبر وطوال الأماني = واحدا مثلي يعاف النوم لازم تعذرينه
ان بغيت أبوح عيا لا يطاوعني لساني = وان سكت العين تفضح كل الأسرار الدفينه
وان سأل واحد من الأصحاب ويش اللي بلاني = قلت له مايكسر الخاطر سوى فرقى ظنينه
وش يذل قلوب خلق الله سوى بيض الغواني = ما يطيع الادمي فيهن نصيحة عاذلينه
يا غريبه يوم حليتي بقلبي كان هاني = خاليا مقفر من الأحباب قبل انك تجينه
ارتكيتي بالحشى المجروح مابين المحاني = مامعك وسطه سوى الدم ومحبة والدينه
كنتي أول حب ليت الحب تاه ولا لقاني = قبل يصل القلب ليته ضاع في وسط المدينه
وصرتي اخر حب يوم الوقت بالفرقى رماني = يا اول أحلامي قبل لحن الموادع تعزفينه
اااه لو شمس النهار اللي على بعدك حداني = قبل يشرق نورها ظلت عن العالم سجينه
وطال ليلي طال طول الصبر في قلبا يعاني = والنهار ابطى على الأحباب مابين جبينه
كان ماحان الموادع والفراق اللي دهاني = والسفر يومك نويتي بالسفر ماحان حينه
اااه لو تدرين كيف البعد من بعدك كواني = وكيف بعيوني تساوى هالزمن زينه وشينه
وبعد ما اني كنت أعد من الزمن حتى الثواني = كيف بغيابك يمر العمر ما ادري كم سنينه
ان دعاني درب غيرك رحت كنه ما دعاني = عيت الاقدام تمشي به ولو دربه هوينه
الطريق اللي على بابك حبيبي ماهداني = ليت ماتنبت على دربه من الاشجار لينه
والسراب اللي وردته من ظماي ولا سقاني = ليت ماهو بالعوض ليه عن العد وقطينه
ياجماعة خير جاني من عذابي ماكفاني = أفزعوا لي مابقى بالقلب صبر ولا سكينه
لا نويتوا للسفر لديار من حبه سباني = أحملوا من خاطري ورد الحنين وياسمينه
علموه بحالتي واليا سألكم عن مكاني = في ديار الحزن يالأجواد قولوا خابرينه
يبست أحلامه ظما بعدك وجفن السواني = وبير صبره من رداة الحظ مابه غير طينه
له ثلاث سنين يزرع وسط عينه حلم ثاني = طالت الفرقى عليه ومات حلمه وسط عينه
وكان ماحرك شعوره هالكلام ولا بكاني = علموني لجل اجر الصوت وأعلنها غبينه
لجل اطلع قلبي المجروح من بين المحاني = واطعنه في خنجر النسيان والمولى يعينه
وكان قلبي ماسمع عذلي عن الحب وعصاني = ومد كفه يتبع المقفين لاقطع له يدينه
ومن يقول انه على عهده مقيم ولانساني = يكسب المعروف في قلبي ويبشر بالثمينه
من سما الأشعار لاهدي له مجرات المعاني = واهدي الجوزا على يسرا ه وسهيل ليمينه
واترك احزاني ولو هي لي مثل حسبة اخواني = لو يقولون العرب كيف الرجل يترك قرينه
وابتدي وارجع أعد من الزمن حتى الثواني = وانتظر لو ان عمر فراقنا طالت سنينه
شعر /محمد الجهني