روحي لخلانك ..

[حمود المزيني]

ياللي على غير الخطا تحاسبيني = وشلون لو اني معك ملت واخطيت
ان كان قصدك مزح لاتمازحيني = تلقين من يرغب مزوح وتناكيت
انا عطيتك قلب ودموع عيني = ياما على شانك بها الصدر بلـّيت
وانا عطيتك حب بينـك وبيني = وحرمت غيرك يوم جاني ولا اعطيت
وانا نسيت بحبك اغلى سنيني = غصب(ن) علي نسيانها ماتناسيت
شفتك على طحتي هقيتك تبيني = رغم اني اخذت الحذر منـْك وابطيت
ومن كثر ماشفتك لي اتطارديني = وقفت لك شلتك ولا عـنـّك اقفيت
ماادري هواك احلام وتخادعيني ؟ = والا انـّي بليـن النواعم تهقويت
واليوم اشوفك ودك تعذبيـني = كثـْـر الغلط يابنت انا منـْـه ملـيت
قولي بامان الله ماتحصلـيني = امشي على جرحي وانا ان رحت ماجيت
وش مقصدك يوم انك تعاتبيني = وتفتتين القلب باللوم تفتيت
روحي لخلانك وانا فارقيني = وابكي عليهم واكثري بالتناهيت
اللي ليا زادوا بهجرك تجيني = ولكان جيتي رغم مايصير فزيت
وامزح معك وارتاح وتجادليني = وانسج بك الاشعار بيت(ن) ورا بيت
لكن لكان انك تبي ترحليني = مانا ( رجل ) كاني لحقتك وناديت
بالرغم من حبي لو اقطع وتيني = مااقول لك يابنت الاجواد : ياليت
واقطع شروك الحب انا في يديني = يالعنبو حب(ن) بتاليه عانيت
عانيت الا يالله طلبتك تعيني = على قلوب(ن) رغبته بس تشتيت
واكوي جروح القلب واكتم حنيني = والعن هواك اللي علي به تجـنيت
غنوا فرح وليطرب السامعيني = لا صار بعض اموركم به تفاليت
بس الرجا يابنت لاتذكريني = انسين واعتبرين بين الملا ميت

[عناد الجروح]

بـس الرجـا يابـنـت لاتذكريـنـي
انسين واعتبريـن بيـن المـلا ميـت
صح لسانك وعلا شانك
كلمات تحمل معاني قويه عزه حب ألم
قصيده رائعه جدا جدا
يعطيك العافيه دمت بخير
عناد الجروح

[حمود المزيني]

الأخ المشرف

أرجو تعديل هذا البيت وهو الثاني من القصيدة :

ان قـصـدك مــزح لاتمازحـيـنـي ** تلقين مـن يرغـب مـزوح وتناكيـت

ليكون هكذا :

ان كان قصدك مزح لاتمازحيني ** تلقين مـن يرغـب مـزوح وتناكيت

بزيادة كلمة كان

كتبت القصيدة بدون مراجعة ولم انتبه لولا تنبيه أحد الإخوة


شاكرا ومقدرا

حمود المزيني

[النجديه]

بالرغم من حبـي لـو اقطـع وتينـي
مااقول لك يابنـت الاجـواد : ياليـت

الـــلـــه الــلـــه

على هالشموووووووخ

تسلم يمينك على هالقصيده

ويسلم هالنــــزف المميز

يعطيك العافيه يارب

[دلــوعــة الهيـــلا]

ياللي علـى غيـر الخطـا تحاسبينـي
وشلون لو اني معـك ملـت واخطيـت
ان قـصـدك مــزح لاتمازحـيـنـي
تلقين مـن يرغـب مـزوح وتناكيـت



حـمـــود الـمــزيــنـــي

قصيــدهـ في قمـــــــة الـرووعـــه ...

الــف شكــر لـكـِ على هالقصيـــــدهـ الـرائعـــه ..

لاااتحرمنـــا من جـديــدكـ أخــوي

دمــت بمحبـــه

عااشقه صقور الوله

[كاتم الونة]

الله الله الله الله

صح لسانك وعلاشانك يالغلااااااا

ابدااااااااع من مبدع

وافر التحايا

[حمود المزيني]

عناد الجروح

أهلا بك

تأثير ردك أقوى وأهم

شكرا

[راع ألاوله]

صح لسانك وعلا شأنك
قصيده رائعه

تقبل تحياتى

[ولـــــه]

الله الله عليك أخوي حمود ..

كعادتــك قالرائــع لايــأتــي ال برائــع ..


صح لسانك وعلا شانك يارب ..

وبإنتظار المزيد من الابداع ..

لاعدمناك ..:)

[حمود المزيني]

الشكر مني لكل من مر هنا وترك حرفا