المكالمات قبل الدخلة .. هل تؤيدونها ( ولماذا )

[اعد حساباتك]

يا جماعة .. وش رايكم بالمكالمات الهاتفية بعد فترة الملكه ( قبل الزواج ) بشهر ونصف تقريبا هل تؤيدونها ... لا اخفيكم بانني اجد ارتياح اثناء المكالمة وكل مرة اكلم اعرف امورك اكثر عن شريكة حياتي....

امس بدت تتكلم عن الانجاب بعد ان كانت تستحي في البداية من الخوض باي شي يقرب للزواج وهذا يرجع لحالة القلق والتوتر التي تعيشها كما تقول...

ابغى منكم ( اذا انتم بتخدمونن ) هل تؤيدون او ترفضون ( ولماذا ) وفي حال التاييد .. هل يكون الكلام عام ومفتوح او محدد وكم مدة المكالمة تقريبا ...

( رجااااااااااااااااااااء الاخوة والاخوات المجربيييييييييييييين ) فقط

[ولد لطيفة]

( رجااااااااااااااااااااء الاخوة والاخوات المجربيييييييييييييين ) فقط


اللسام عليكم
صلو على محمد

ما جربت

بس حبيت ابارك لك

الف الف مبروك والله يجمع بينكم بخير
و انشاء الله تكون السعادة ملازمتكم
مع السلامة

[نص ونص]

اول شي مبروك الزواج والله يوفقك ويسعدك
اسمع وانا اخوك
انا اؤيد وبشده بعد . واحس ان شهر ونصف قليله بعد
انت لازم تريح زوجتك وتعلمها وشفي خاطرك وبالك وش تبي وش ماتبي وتقولها عن اللبس الي تحبه والقمصان وجميع تفصايل الي في بالك وهي بعد اذا شافتك بطريقه هاذا راح تبادلك نفس الشعور
وبعدين وانا اخوك اهم شي انك تخليها تتجراء عليك شوي شوي علشان ماتلخم او يوم في العرس ماتدري وش السالفه
نصحيه مجرب

[ابوسلطان777]

بعد الملكه يعني صارت زوجتك يعني انت زوجها ياخي الكريم بس مكالمه اطلع انت ويها ياملا الغنيمه واختر معها اثاث بيتكم وديكورات واكسسوارات منزلكم ولاتنسى تعزمها على مطعم فخم بنهاية المطاف من صدقك مستكثر على نفسك مكالمه اخوي احنا في الواحد وعشرين بالختام اتمنى لك حياة زوجيه سعيده ومبروك مقدمآ

[عاشقه الليل]

بما انه للمجربين فقط

انا بالنسبه لي اؤيد
وزي ما قال نص ونص شهر ونص قليله

بالنسبه لي الفتره بين الملكه والدخله تقريبا سنه وكنت اكلمه ويجي للبيت عندي وبالعكس احس صرنا قريبين من بعض اكثر
وصرنا نفهم بعض اكثر وراح شوي شوي فقط من الخجل الزايد
ويكفي ان هالايام ما تتعوض وخلاص هم صارو ازواج وش اللي يمنع ..

[الكر]

طلبت المجربين وانا واحد منهم انا مؤيد جدآ جدآ للمكالمات الهاتفيه بعد الملكه وقبل ليلة الدخله ولكن ضمن شروط فهي مريحه للطرفين وتسهل الحياة بعد الزواج وتبقى احلى وامتع الذكريات والكسبان الاتصالات ههههههه.. اما الشروط فهي الاكتفاء بالدردشه من دون الخوض في تفاصيل الحياة اي كانت فانت في هذه المرحله مندفع وتقدم التنازلات لتبرهن انك الفارس بس انتبه لالالالالالالالاتكذب وتجيب العيد بعد الزواج ترى البنت ماتنسى ابدا كلام المرحله هذي واخينا في الله ينسى عشاه ثم رقع يامرقع ههههههههه... المهم والاهم اترك عنك الي يقول انك لازم تفهمها وش تبي وش ماتبي عشان تكون حياتكم مرتبه الخخخخ وعيشوا يومكم واحلامكم.. وبعد الزواج هي تبي تعلمك وش اللي تبي ووش اللي ماتبي هههههههه الله يوفقك يارب ويتمم عليكم بخير ويجمع بينكم ويهدي سركم ويحببكم ببعض ويكفيكم شر الحساد ويرزقم الذريه الصالحه .... اكمل دعاء العجزوالشيبان والا يكفي ..

[اعد حساباتك]

ولد لطيفة ..... شكرا لمرورك وان شاء الله تجرب وتسعد بالدنيا والآخرة.............

نص ونص ..... شكرا لتوجيهاتك ومرورك وكل يوم تتجرأ على شوي شوي.... يا حبي لك

ابو سلطان 777 ..... انا ما استكثر لكن تعرف مرحلة اول مرة يعيشه الواحد ولا تنسان من الدعاء ... وبالنسبة للتسوق معها فهذا صعب شوي علي وعليها ..... شكرا لمرورك

عاشقة الليل .... انا ما اشوف انها قليلة شهر ونصف لكن ارى ان سنة ونصف حقتكم كثيرة مرة ومملة ..... شكرا لمرورك

الكر .... شكرا لمرورك وتوجيهاتك يا خبير .....


لازلت بانتظار تجاربكم ........ ودمتم

[xnaifx]

انا مانيب اؤيدها ابدااا ..... صحيح انه بعد الملكة هي حرمته ومافيه اي اشكال
لكن الي بقوله انها بتصير مجاملات وكل واحد لابس قناع قدام الثاني ومن الكلام الحلو وهات يمدح وكل واحد يخفي عيوبة عن الثاني
بصراحه مااؤيدها اضف الى ذلك ان لليلة الدخله لها رهبه توتر فرحه ... اذا صرت تكلم المدام وتشوفها وتطلع معها راح تختفي هالاشياء
من رايي انه مايكلمها واذا اظطر على شان ياخذ رايها في شيء يخصهم سفر بيت مافيه اشكال لكن مكالمات على شان يتعرفون على بعض ماتصلح

[&& قصيمية كول &&]

يا جماعة .. وش رايكم بالمكالمات الهاتفية بعد فترة الملكه ( قبل الزواج ) بشهر ونصف تقريبا هل تؤيدونها ...

اؤيد اؤيد وبقووووووووه كمان وعن تجربه والتجربه خير برهان 00
الف الف مبرووووك موفق ان شاءالله 00

[مطنشه]

بالعكس أؤيدها ونص وحتى الطلعة اؤيدها

الله اكبر يعني كم مره الواحد بيتزوج هي مره وحده الواحد يمتع نفسه قدر الامكان دامه حلااااااااال الحمد لله ......

[مقراط]

اعد حساباتك

السلام عليكم ورحمه الله وبركاته

اخوي الله يسلمك اعد حساباتك في موضوع المكالمات والطالعات مع الزوجه

وخلك ثقيل شوي واقطع المكالمات والطالعات

الحين لايطلع عضو ويقول هي زوجته

نعم اعرف انها زوجته بس الثقل تراه زين

[شيخة الزين كله]

السلام عليكم اخوي

مبروووك ربي ايهنيك ان شاء الله ويرزققك بالذريه الصالحه

انه تر نفس الفتره الي انت فيهه

اما عن المكالمه الصراحه من حقكم انتو الاثنين عشان تتجربون حق بعض كل واحد ايقول حق الثاني شنو في خاطره بدون قيود لان في هاذي الفتره كل واحد منكم يتعرف على شخصيت الثاني وعواطفه

ما يضر انك بعد تطلع معاه لان حتى الطلعه تر بعد له طعم ثاني << احم احم مجربه
في هاذي الطلعه ممكن انت بتعرف شلون اسلوبه اكثر واهي بتعرف انت من اي نوع

وبث

تحياتي :)

[معشوقة الجماهير]

انا مجربه واؤيد وهي فتره رائعه ولها ذكريات حلوه مافيها شي مدامها زوجتك على سنه الله ورسوله كلمها وقول الي في خاطرك ولاتتردد

[النــــــــــــــــاصر]

http://www.qassimy.com/vb/showthread.php?t=41520

[مقراط]

بالعكس أؤيدها ونص وحتى الطلعة اؤيدها

الله اكبر يعني كم مره الواحد بيتزوج هي مره وحده الواحد يمتع نفسه قدر الامكان دامه حلااااااااال الحمد لله ......

الغير

السلام عليكم ورحمه الله وبركاته

؟؟؟؟؟؟؟؟؟؟

[وردة ندية]

اخي.. الف الف مبروك.... تشوف كل الخير ان شاء الله

أما رأي بالموضوع:
طبعا اؤيدها... وهي مطلوبة وبشدة...
والا لماذا شرع الله فترة الخطوبة..؟؟؟؟!!!!
الخطوبة هي فترة هكذا امور... حتى يصير تعارف...
والا لكان الشرع جعل الدخلة مباشرة...

[مطنشه]

الغير

السلام عليكم ورحمه الله وبركاته

؟؟؟؟؟؟؟؟؟؟


مقراط

وعليكم السلام ورحمة الله وبركاته

!!!!!!!!!!!!!!!!!!!!!!

[مقراط]

يا جماعة .. وش رايكم بالمكالمات الهاتفية بعد فترة الملكه ( قبل الزواج ) بشهر ونصف تقريبا هل تؤيدونها ...

اؤيد اؤيد وبقووووووووه كمان وعن تجربه والتجربه خير برهان 00
الف الف مبرووووك موفق ان شاءالله 00

كول

السلام عليكم ورحمه الله وبركاته

يقولون ان غلطة الشاطر بعشره

وقاعدتي الله يسلمك ويطول بعمرك

تقول

ان غلطه الشاطر بألف

[&& قصيمية كول &&]

كول

السلام عليكم ورحمه الله وبركاته

يقولون ان غلطة الشاطر بعشره

وقاعدتي الله يسلمك ويطول بعمرك

تقول

ان غلطه الشاطر بألف

مقراط
وعليكم السلام ورحمة الله وبركاته
خير ان شاءالله يامقراط وش اللي غلطه وماغلطه
ايه نعم اؤيد واؤيد واؤيد واؤيد بشده وبقوووووووه كمان (vv) وعن تجربه شخصيه ما أروع تلك المكالمات تلك الفتره من أجمل الذكريات (a21)
هي حلاله وهو حلالها والحمدلله 00
مقراط الله يبلغك ونفرح فيك قريب 00(vv)
سي يو مقراطوه 00(vv)

[دلوعة بندر]

الف مبروك
اؤايد المكالمات ما قبل الزواج بعد الملكه
وبنسبه للمواضيع اللي تتكلمو فيها فخلها مثل ما تجي مو لازم تلتزم بمواضيع معينه خل حياتك طبيعيه ولا تعطي الموضوع اكبر من حجمه وتبالغ في التزامك بالرجل المثالي من شان ما تحس زوجتك بتغيرك بعد الزواج

[نايف المنصور]

انا اؤيد اخوى ابو سلطان 777 ولكن اذا طلعتوا لامانع انكم تاخذون اخوها الصغير معكم

[سيطي]

مؤيد وبشده

لانها تخفف من هيبة يوم الزواج لدى الزوج والزوجه
وايضاً تعطي جو حلو قبل الزواج ... اثنين يتغازلون وبالحلال (a24) وش فيه احلا من هيك حكي

[قطعـــ حلىـــة]

مؤيده وبقووووووووووووووووووووه احلى ايام العمر اللي مرت علي وبين فتره وفتره نتذكرها انا وزوجي ويسلالالالام
انصحك فيها وبقوه ولا تفوتك وبعد لو تسير عليها وتاخذ معك ورد والا هديه كان احلى
بس من ناحيه انها تخرج معك ما انصح لانها تخرب هيبتها يوم الدخله
والله يوفقكم ان شاء الله

[اصرار الرياض]

اعتقد فتره 3 اسابيع كافيه
او اسبوعين

لكن لا تطول في المكالمات
ترا بعدين تخلص سواليفكم

ولايصير لكم سواليف بعد الزواج او في شهرالعسل

عموما ترا المكالمات راح تضرك انت
ربما تسبب لك التهاب في البروستات


وقبل الزواج بكم يوم
حاول تلطف الاجواء معها
وتعلمها وش راح يحصل بينكم
باسلوب راقي
عشان تشيل التوترمعاها


تحياتي ,,,

[فتاةمن زمن الحب]

اولا الف مبروك وان شاء الله جميع العزابيات والعزابين.
اخي بما انها حلالك فما المانع تكلموا زي ما تحبوا وكما اخرجوا مع بعض انتو محسوبين زوجين يعني ما باقي الا العرس اما شرعا فانتو متزوجين يعني اتكلموا اخرجوا جهزوا بيتكم كما قال احد الاخوة من وجهة نظري ما في مانع.

[عيون الغزلان]

طبعا اؤييييييييييييييييييد

[raian]

انا اؤيد واصرررررررر من واقع تجربة . بخفف من خجل البنت و يزيد من معرفه الطرفين لبعضهما و بخفف من رهبة يوم العرس . و كتير حلو لو بيطلعوسوا و بيتمشو او بروحو على مطعم ..... ايام لا تنسى لا يفوتك .... ومبروك سلفا
اختك raian

[سادس جيم]

كلم

بس جس نبض ابوه بالطلعه لا تبزع تقول أبطلع

همن عاد تجيك لا سمح الله دلة قهوة ولا زبيريه والكرامه لك وللموجودين

:) :) :)

[(تميميه)]

اول شي مبروووك والله يوفق مابينكم بحكم التجربه والله لها طعم غير وايام ماتنسى يعني لي 3 سنوات ولحد الان نتذكرها
خلك على راحتك ولاتشحط فوق والا تبزع بشي وانت موعليه خليها تجي بالبركه سواليفك ومزوحك خلك طبيعي
والطلعه مافيها شي جهز معها بيتك وسير تقهوى معها وانبسط حلالك والله يتمم لك بخير ان شاء الله

[من بقايا الامس]

المشكلة بعض الرجال موسوسين
بمعنى لو انها
كلمته بحنان واستخفت دمها
قال ذي مخفة
وباين عليها عندها تجارب سابقة ,,

ونصيحتي لكل انثى
لاتندفعي
وحاسبي لكلامك
ولا تفحشي في القول
فيفهمها غلط
ويسرحك بيت اهلك
يقول هذي من اوله شلق
وش عاد تاليها .