المساعد الشخصي الرقمي

مشاهدة النسخة كاملة : مرور الرياض .. واللي درى يعلم اللي مادرى


هدة الطير
04-04-07, 11:29 AM
السلام عليكم ورحمة الله وبركاته



صبحكم الله بالخير



(( مرور الرياض ))



من المخالفات المسجله لديهم


تحميل الركاب
(( وللمعلوميه المنطقه الغربيه مسموح فيها تحميل الركاب ))


وتدرون اللي يمسكونه فــ الرياض وهو يحمل ركاب شيسون فيه


1- سحب السياره ويذبونها بحجز للبن .وعاد حجز للبن موضوعه ثاني

2- مخالفة مدري كم ..
3- يمكن يذبون السواق السعودي بحجز الناصريه


يعاملونه كأنه مسوي جريمه



طيب انا بسألكم الحين ؟؟؟؟؟


االشاب السعودي هذا اللي ماعنده وظيفه .. ويحمل ركاب بسيارته الخاصه

وش الخطء اللي ارتكبه .. وش الضرر اللي سببه
طيب وش تبغونه يسوي يسرق ولايطر ..



( بتقولي النظام )



طيب لليش النظام مايتطبق على
البكستانيه والبنقاليين (( المخالفين )) ؟؟ << النظام يدعم البنقالي راحت عليك ياولد الديره




ماتدري انا اعلمك ..



السعودي اذا مسكته الحكومه وقطت سيارته بالحجز وقطته بالناصريه

اكيد راح يدفع القسيمه $

حتى لوكان طفران وماعنده

جماعته مايخلونه
هذا هو السبب اللي اتوقعه والله اعلم

اما الباكستاني لو مسكته الحكومه وطبقت عليه النظام

ماراح تستفيد منه شي

بيقعد في السجن .. آكل شارب .. عاله عليهم

وبلعكس الحكومه بتخسر .. اذا مسكته بتسفره على حسابها

لأن الباكستاني ماعنده فلوس .. وماراح يفيدها بشي


لاكن السعودي بتستفيد منه وبيجيب الدراهم وهذا اللي يبونه

عشان كذا هم شادين حيلهم ويمسكون هاالشباب اللي يكدون


(( ويجمعون فلوس بأسم تطبيق النظام ))



حط حيلك بالضعوف وغض عينك عن قممها

** عابر سبيل **
04-04-07, 07:27 PM
يعطيك العافية .. بصراحة مشكلة يواجهها الشباب السعودي العاطل بس ما اقول غير ربك يحلها ان شاءالله على يدين ابو متعب .
تقبل تحياتي عابر سبيل

بارعه
21-04-07, 03:04 PM
(( ويجمعون فلوس بأسم تطبيق النظام ))

يعني هم ناقصهم فلوس؟
ماندري ايش نهاية هالفوضى والتضييق والتفقير؟

حمد الحمد
22-04-07, 09:00 AM
صراحة أنا ماني معلم أحد أعوذ بالله من كلمة أنا ... تعرفون ليش قبل حوالي تقريباً 18 سنه حصل لي موقف مع دورية المرور في أحدى شوارع الرياض وإتهامي بقطع إشارة وتم أخذي مع خشتي لتوقيف المرور وأثناء توقيفي في الحجز كان هنا ك رجل كبير في السن وعند سؤالي له وشفيك موقف قال أني أكد على ونيت غمارتين أترزق الله ومسكني المرور ونا هنا قدامك موقف سبحان الله رجل كبير في السن وموقف دون إحترام لكبر سنه هو ماسوى جريمة قتل و لاسرقة اللهم مخالفة بسيطة أذا كان المرور يعتبرها مخالفة يتحدث الرجل الله يذكرة بالخير حي أو ميت يقول عندي أطفال أكد عليهم هل أنا أسرق لايعلم الله أنني أقوم أصلي الفجر وأرجع للمنزل في وقت متأخر وأطفالي نيام هل أنا غلطان طبعاُ مارديت عليه وتمنيت أني أنا مكانه أخذ العقوبة والغرامة واحتسبها عند الله ولاكن أنا متوهق بنفسي ويليت قطعة الإشارة فعلاُ ولاكن حسبي الله ونعم الوكيل تم تسديد الغرامة وتم إخراجي بواسطة والله أني طلعة بواسطة بعد التسديد والشايب خليته في التوقيف وقبلة رأسه قبل خروجي وأنا أفكر فية معليش على التطويل لكن هذا ماحصل (( تحياتي لكاتب الموضوع وللجميع ))(q73) (q73) (q73)

بندر الايداء
22-04-07, 10:22 AM
سبحان الله
حتى تطبيق النظام والتنظيم صار سرقة فلوس
اضحك الله سنك:D

شبيـه الريـح
22-04-07, 11:23 AM
ياليت يرتقون شوي بالأفراد العاملين في المرور ..ويعطونهم دورات تثقيفيه في فن التعامل مع الأخرين

وشلون مغليك
22-04-07, 11:37 AM
بسم الله الرحمن الرحيم


اوزل شي يعطيكك العافيه

وثاني شي والله انا واحد من اللي انقطيت بالحجز وتبهذلت وجلست خمس ايام في حجز الناصريه وسيارتي جرجروها وبهذلها وكسروها .
واخر شي دفعت 900 تسعميه ريال وطلعت واللي طلعت في شهر طلعت في يوم واحد

وزاللحين والله حولت على الغربيه والله اني احمل ما احد يقوولك وين انت رايح

من جده ومكه والطائف واقسم بالله ما عمر احد وقفني الا اذا كان من العسكر اللملقف .

لكن وش نقوول عسى الله يرزقنا من واسع فضله .


تقبل تحياتي هدة الطير

اخوووك //// وشلوون مغليك

العنـــود
22-04-07, 11:42 AM
عندي سؤال..
اللي يبغى ينقل ركاب مايقدر ياخذ اذن نقل ركاب من المرور ويسلم
ولا ممنوع البته البتيته؟!!

وشلون مغليك
22-04-07, 11:46 AM
الاجحابه عندي

يقوولك رح اقطع رخصه عمومي وطلع لموزين وصف سرا بموقف اللموزيناات وتسلم من المرمطه.

طيب انا عندي رخصه عمومي او اقدر اطلع رخصه ولوحاات صفرا

بس غير ما عنده يادووب يحصل اللي يكفي حاجته او انه يصرف على بيت كامل فهل هذا يعقل ؟؟؟؟؟؟؟؟؟

تحياتي
وشلووون مغليك

اللطيفة
22-04-07, 04:12 PM
لاحول ولاقوة الابالله00
اللطيفة00