صك الباب وألحقن
28-03-07, 01:04 AM
السلام عليكم ورحمة الله وبركاتة
أحب أقولكم قصة حقيقية وصارت لصديقي بالتحديد وانا أحلف لكم ان هذا اللي صار بالتفصيل الممل ..(qq79)
كان ثالث أيام عيد الفطر المبارك .......
كان محمد شخص عادي يعني مايفرق عن الشباب أي شي بس اللي معروف اكثر شي انه الشباب مستويات بالتعامل والأخلاق وغيره من هالأمور
المهم كاان محمد بثالث ايام العيد يتمشى هو وأخوياه
من بعد تعب المشاوري اللي بالعيد والأهل ومشاغلهم المهم
الله يسلمكم وهو كان يتمشى بالسوق إتصل عليه رقم
ومن طلع صاحب هالرقم بنت كلمته وقالت : سلام عليكم وطبعا هو رد بحيا وربكه وقال وووووووعليكم السسسسسلام
قالت : كيفك :قال تمام مين انتي ؟؟ قالت لا يكون انا غلطانه بالرقم قالها يمكن بس انتي مين ومن تبين قالت مو انت خالد قالها لا والله مو انا قالت آسفه اخوي مشكور ..
المهم قفلت الخط وخوينا بالله ضاعة علومة وهو بالسوق حس انه مخنوق وقال للعيال ياشباب مشينا الله يخليكم وانا كنت معهم بالسوق وطبعا سألناه بحكم اننا تونا داخلين السوق قلنا له وش فيك قال أبد والله بس حاس نفسي مخنوق شوي قلنا اوكيك مشينا أجل ... وركبنا السياره ووصلت الشباب لبيوتهم بقيت انا ومحمد وانا ومحمد اصحاب من الطفوله يعني لنا عمر مع بعض ( اشوى ان مابيننا عيال ) قمت انا وسألته غريب انت اليوم مو على بعضك قالي والله لو تدري وش صار يمكن تضحك علي بس هذا اللي انا احس فيه .قلت له وانا انشد انتباهي ؟ وش صار وانا اخوك مابيننا هالأمور انك تخبي علي ولا أنا اخبي عليك قال لا يارجال السالفه وما فيها .... تتتتر تتتر ويرن جواله وناظر هو جواله ولا رد انا استغربت قالي بالله ودني البيت بسرعه قلت له ابشر بس علمني وش فيك لا يكون انت بمشكله ولا شي قال لا أنا اعلمك بكره .. قلت له خير انشاء الله
وصلته لبيته ودخل ركض المهم بعد مادخل البيت ( انا عرفت السالفه وبعدين شرحتها لكم ) راح بعالم ثاني وبما اني مقرب منه اعرفه زين وأعرف انه مو راعي بنات ولا راعي اي علوم شينه يعني آخر طبلونه (طبلونه :اكبر شي يسويه ) انه يدخن
المهم رد على الجوال وطلعت نفس البنت اللي كلمته بالسوق وقالت له معليش انا آسف على الإزعاج : قال لها لا عاادي سمي
قالت انا انسانه الصراحه ارتحت لك من اول ماكلمتك وانعجبت فيك
الولد طبعا كبر رااااسه (q14) ومسوي نفسه بطل الغفله(qq74)
المهم قال لها طيب وش المطلوب مني ؟؟ <<<سؤال يدل على الدلاخه
قالت انت تعرف بنت او لك علاقه مع بنت قال هو لا والله ماأعرف شي بذي الأمور اخويااي يضحكون علي لأني ماأعرف بناات
قالت له طيب وش رايك تقهرهم . قال لها وش لون ؟ قالت انت بكره تروح عندهم وتكلمني وبعدها بيعرفون انك تعرف بنت صح ؟ قال ايه والله فكره بأقهر صك الباب وألحقني هو اللي قاهرني قالت له : لا ماعليك المهم وانتهت المكالمة وطبعا الرجال مو عارف بالأسلوب ولا عارف كيف يكلم البنت المهم عز لله مقامكم
جانا وقال عيااال ابشركم وطبعا انا كنت استناه علشان اعرف وش اللي صار له امس قلت له خير وش فيك انت يبو منهبل امس مكتم واليوم منهبل من الفرحه خير انشاء الله
قال ألحين تعرف انت وش السالفه وخرب طبعا علينا لعبت البلووت انا من خوفي عليه من ليلة امس ابي اعرف بس انت وش اللي فيك قالي تعال برى وتعرف وش السالفه
انا طارت اعيوني ؟؟ وطلعنا وقلت روعتني ترااك اخلص والله مافيني اعصاب اني اتحمل هبالك
قال لا لا تخاف تذكر الجوال اللي جاني امس بالسوق ؟ قلت ايه هو اللي انا ابي أسألك عنه منهو اللي متصل عليك ؟
قال لي انها بنت دقت عليه ( واللي قهرني اكثر انه يقولها وهو مستحي ) قلت له طيب وبعدين ؟وش صار قال ياخي انا من اول ماسمعت صوتها من جد شدتني لها بس ماأدري وش لون افهمك انت وش دراااك بالحب وبلاوية قلت له اخسسس ياللي معذب قلوب العذارى وش عندك قال اقول لا يكثر وأصبر خلين اشوف هي من النوع الخفيف ولا راسيه كأنها بي ام دبل يو (q84)
قلت له والله مالخفيف الظاهر إلا انت ووجهك اللي كنه بسطار رقيب اول بالحرس فرحاان انت ووجهك ان بنت متصله عليك طيب وش المشكله إلا وش الجديد قال لي الجديد ياطويل العمر انها تقول انها مرتاااحه لي من أول ماسمعت صوتي قلت له يمكن من صوتك بس هي يمكن ماشافت براطم الناقه اللي انت مركبها بوجهك هههههههااااااي قالي اقول اسكت وخلني اكلمها قلت طيب كلمها ياتوم كروز الغفله انت
دق عليها : ألو قال هلا والله وش لونتس قالت تماام انت كيفك قال والله الحمد لله تمام توني والله متعشي انا وش أبي احسن من تسذا (q41) انا لا شعوري حطيت يدي على وجهي من كلامه
المهم قاها ألحين انا بالإستراحه عند الشباب قالت له حلو طيب انت علمتهم انك تكلم بنت ؟ قال لا والله انا علمت خويي بس قالت منهو قال واااحد ثقيل دم المهم البنت فقت خشتها من الضحك وقالت والله انك خفيف دم قال : الله يسلمتس ويخليتس لي
المهم انا عرفت انهم الله بالخير كلهم ... طبعا انا ارتحت لمحمد لأنه ماصار شي له
انا نسيت الموضوع والقصه اللي صارت له مع البنت
بعدها بفتره سألته قلت له : اقول انت يالمروح بأسألك وش صار لك انت والبنت قال ابشرك انها تحبني ألحين وانا اموووووت فيه قلت ( غبر ياثور على قرنك ) قلت له انت وش لون حبيتها وهي اصلا اول بنت تمر عليك بالكون قال ياخي ماادري بس اني تعلقت فيها مرررره قلت الحمد لله والشكر ماتشوف شر قال : شر مايجيك .. طبعا هو يبي يستفزني
قلت له وانا اخوك انتبه لا تلعب عليك البنت وخصوصا انها هي اللي دقت عليك يعني بالعربي بتكون ملكعه وتعرف يمكن كذا واحدغيرك انت ماتدري عنها
قال لا ياأبن الحلال ماتعرف غيري قلت له بكيفك انت حرر
المهم تطورت العلاقه بين محمد وسلمى وجاء اليوم اللي انا ماتوقعته ولا توقعت انه 10%يصير هالشي .
جاني محمد وقالي اقول انا ابيك اليوم ضروري لحالك قلت له خير انشاء الله ابشر متى ؟ قال حاول خلنا ننحاش من العيال شوي
قلت اوكيك وطبعا انا تعذرت للعيال ومشينا ركبنا سيارتي
وطول الوقت ساكت قلت انت ألحين مطلعنا من العيال وشبت الحطب والفله وبالأخير ماكل تبن وساكت ؟ قالي ياخي اصبر علي خلني اهدى شوي
انا عرفت ان الموضوع فيه (إن) سكت وقمت ألفلف بالشوارع ومليت يعني من الدوران وبدأ يتكلم وش قال ...
قالي اسمع انا ابيك بالذا ت اليوم تتكلم معي بالعقل والتفاهم وانك ياتقنعني ياأقنعك اوكيك
انا قلت ؟اوكيك؟؟
اسمع انا ابي اخذ رايك بالبنت وناوي اخطبها من أهلها وانت عارف انها هي الوحيده اللي حبيتها واللي ارتحت لها ولا أرضى اي شي عليها .
انا عرفت أن محمد لعبت بعقله البنت وسألته انت لك كم معها ألحين ؟؟
قال لي ثلاث سنوات وشوي قلت له حلو طيب ماجاء يوم من الأيام وشكيت فيها ؟
قال لا والله ؟قلت له يامحمد انت وش تبي بعوار الراس انت اشتر راحتك وراحت بالك انت ترضي ان وحده عرفتها بالتليفون تكون ام عيالك ؟ قال ايه لأني متأكد انها تستاهل كل خير قلت له
:محمد انت ألحين مقتنع من هالموضوع ولا أحد يقدر يغير شي من اللي براسك صح ؟
قال ايه صح قلت له طيب ليش مجرجرني معك وناشب لي وتبيني اقنعك بي انا اشوفه غلط في غلط قال بس انا حبيت أتأكد ويعني اريح نفسي بأني افضفض لك
قلت له وألحين انت وش ناوي تسوي ؟
قالي زي ماقلت لك ناوي اخطبها قلت الله يوفقك ويسعدك واناوالله اتمنى لك كل خير والله بس انت الله يهاديك ماتبب تقتنع من كلامي . قال : الله يخليك تكفى لاتحاول بأي شي انك تغير اللي براس قلت له والله برااااحتك وانا اخوك سو اللي تبي قال لي اسمع ابي منك طلب قلت له لبيه امر؟
قال ابيك توقف معي بالموضوع
قلت له وي تبيني اوقف حارس مرمى ولا هجوم قالي بلا استهبال قلت له انت اللي تستهبل وش اللي اوقف معك وبوشواوقف
قال ابيك تعاوني على اهلها وتسهل الوضع علي شوي
قلت وش لون ؟؟
قال انا بأفهم البنت اني انا وأهلي جاين عن طريق واحد من الشباب ونعرفه زين وذكرنا لكم قلت له ايوووووه كمل قال وبس
قلت له لو درت امك خصوصا ان امك ماهي متفهمه بهالشي وبالذات انها قالت لك على انها تخطب لك بنت خالك قال انا اللي بأتزوج مو هي الله يهاديها بس
قلت والله يامحمد الموضوع صعب شوي ومعقد بس انا وش أسوي مالي غيرك خبل يؤؤؤؤ قصدي خوي قال المهم زي مافهمتك قلت الله يوفقك
ونزلنا من السياره وانا وقتها صكني صداااع من السالفه والموقف اللي انحطيت فيه وش اسوي وش اقول ولا وش اقول لمحمد الله يعين المهم انا وقتها مانمت وكان عندي دوام ( والله من الأزعاج اللي بالدوام خصوصا ان دوامي بمستشفى والله وكملت ) قعدت افكر واشوف واحاول انا وش بأسوي انا تقفل مخي من جد ماعاد عندي اي حل
المهم كلمني محمد وقاي ترااني جايك ول القهوه والشاهي قلت له الله يحييك ابشر تعال
المهم جاء وشربنا القهوه والشاهي وبدينا بالموضوع وسألني هااه بشر عسااك لقيت لي حل للموضوع قلت له والله مالقيت ل بس انا عندي فكره
قال تكفى واللي يرحم والديك قلها بسرررررررررعه
قلت له شف انت عطني اكلم البنت وانا افهمها هي وش تسوي
قال بدينا من ألحين ناوي على البنت انت ووجهك
قلت له لا والله بس انا عندي فكره لو اقنعتها تسويها كاان تماام
قال طيب
كلمتها وبعد طبعا ماسلمت عليها قلت لها سلمى انتي لك صديقه مقربه منك ؟
قالت ايوه ليش ؟
قلت هي تدري عن الموضوع اللي بينك وبين محمد قالت ايه تدري
قلت لها طيب قولي لها وفهميها بالوضع لأنه صعبه انا من ناحيتي اجيبها قالت خلاص اوكيك انا اكلمها ألحين وافهمها
وقفلت : المهم كنا انا ومحمد نستنى اتصالها علشان نعرف وش صار بالموضوع
دقت وقالت انها وافقت وانها بكره بتكلم امي علشان تقولها انه فيه ناس يبون يخطبون سلمى لولدهم قلت لها انا اوكيك حلو إلا ألحين قلت لها شوفي انتي ويااه بأقولكم شغلتين
الأولى : لا أحد يزعل او يتضايق إذا الله ماكتب نصيب بينكم
ثانيآ: لا تشكون ببعضكم ابد وكل واحد يثق بالثاني
قالوا اكيد هذا اللي بيصير ......
المهم كلمت البنت ام سلمى وقالت لها الموضوع وقالت يابنتي انا ماعندي مشكله بس نسأل عنه ونشوف وبأوصي ولدي علشان يسأل عنه قالت البنت خلاص خير انشاء الله :
المهم ان محمد قال خلاص اوكيك :
المهم أن الأثنين محمد وسلمى كانوا ينتظرون على أحر من الجمر وكااانوا يستنوا الرد بفارغ الصبر
وجاااء اليوم الحاسم اللي يستنونه واللي أسغلوني معهم فيه
المهم كلم اخو سلمى على محمد وقام طبعا يسأله أسأله عاديه زي منتوا عارفين العايله وشغلتك .....إلخ
المهم كل شي تم على مايراام
وقام اخو سلمى يسأل عن محمد ويدقق على اصغر التفاصيل
وسأل محمد على وظيفته : قاله انت قبيلي قال لا والله قال حنا اصلا مانزوج إلا قبائل ولا تحاول في هذا الموضوع
وتحطم طبعا الرجال وحاول انه ينسى الموضوع اللي صار
وسلاااااااااااااااااااامتكم(qq158)
أحب أقولكم قصة حقيقية وصارت لصديقي بالتحديد وانا أحلف لكم ان هذا اللي صار بالتفصيل الممل ..(qq79)
كان ثالث أيام عيد الفطر المبارك .......
كان محمد شخص عادي يعني مايفرق عن الشباب أي شي بس اللي معروف اكثر شي انه الشباب مستويات بالتعامل والأخلاق وغيره من هالأمور
المهم كاان محمد بثالث ايام العيد يتمشى هو وأخوياه
من بعد تعب المشاوري اللي بالعيد والأهل ومشاغلهم المهم
الله يسلمكم وهو كان يتمشى بالسوق إتصل عليه رقم
ومن طلع صاحب هالرقم بنت كلمته وقالت : سلام عليكم وطبعا هو رد بحيا وربكه وقال وووووووعليكم السسسسسلام
قالت : كيفك :قال تمام مين انتي ؟؟ قالت لا يكون انا غلطانه بالرقم قالها يمكن بس انتي مين ومن تبين قالت مو انت خالد قالها لا والله مو انا قالت آسفه اخوي مشكور ..
المهم قفلت الخط وخوينا بالله ضاعة علومة وهو بالسوق حس انه مخنوق وقال للعيال ياشباب مشينا الله يخليكم وانا كنت معهم بالسوق وطبعا سألناه بحكم اننا تونا داخلين السوق قلنا له وش فيك قال أبد والله بس حاس نفسي مخنوق شوي قلنا اوكيك مشينا أجل ... وركبنا السياره ووصلت الشباب لبيوتهم بقيت انا ومحمد وانا ومحمد اصحاب من الطفوله يعني لنا عمر مع بعض ( اشوى ان مابيننا عيال ) قمت انا وسألته غريب انت اليوم مو على بعضك قالي والله لو تدري وش صار يمكن تضحك علي بس هذا اللي انا احس فيه .قلت له وانا انشد انتباهي ؟ وش صار وانا اخوك مابيننا هالأمور انك تخبي علي ولا أنا اخبي عليك قال لا يارجال السالفه وما فيها .... تتتتر تتتر ويرن جواله وناظر هو جواله ولا رد انا استغربت قالي بالله ودني البيت بسرعه قلت له ابشر بس علمني وش فيك لا يكون انت بمشكله ولا شي قال لا أنا اعلمك بكره .. قلت له خير انشاء الله
وصلته لبيته ودخل ركض المهم بعد مادخل البيت ( انا عرفت السالفه وبعدين شرحتها لكم ) راح بعالم ثاني وبما اني مقرب منه اعرفه زين وأعرف انه مو راعي بنات ولا راعي اي علوم شينه يعني آخر طبلونه (طبلونه :اكبر شي يسويه ) انه يدخن
المهم رد على الجوال وطلعت نفس البنت اللي كلمته بالسوق وقالت له معليش انا آسف على الإزعاج : قال لها لا عاادي سمي
قالت انا انسانه الصراحه ارتحت لك من اول ماكلمتك وانعجبت فيك
الولد طبعا كبر رااااسه (q14) ومسوي نفسه بطل الغفله(qq74)
المهم قال لها طيب وش المطلوب مني ؟؟ <<<سؤال يدل على الدلاخه
قالت انت تعرف بنت او لك علاقه مع بنت قال هو لا والله ماأعرف شي بذي الأمور اخويااي يضحكون علي لأني ماأعرف بناات
قالت له طيب وش رايك تقهرهم . قال لها وش لون ؟ قالت انت بكره تروح عندهم وتكلمني وبعدها بيعرفون انك تعرف بنت صح ؟ قال ايه والله فكره بأقهر صك الباب وألحقني هو اللي قاهرني قالت له : لا ماعليك المهم وانتهت المكالمة وطبعا الرجال مو عارف بالأسلوب ولا عارف كيف يكلم البنت المهم عز لله مقامكم
جانا وقال عيااال ابشركم وطبعا انا كنت استناه علشان اعرف وش اللي صار له امس قلت له خير وش فيك انت يبو منهبل امس مكتم واليوم منهبل من الفرحه خير انشاء الله
قال ألحين تعرف انت وش السالفه وخرب طبعا علينا لعبت البلووت انا من خوفي عليه من ليلة امس ابي اعرف بس انت وش اللي فيك قالي تعال برى وتعرف وش السالفه
انا طارت اعيوني ؟؟ وطلعنا وقلت روعتني ترااك اخلص والله مافيني اعصاب اني اتحمل هبالك
قال لا لا تخاف تذكر الجوال اللي جاني امس بالسوق ؟ قلت ايه هو اللي انا ابي أسألك عنه منهو اللي متصل عليك ؟
قال لي انها بنت دقت عليه ( واللي قهرني اكثر انه يقولها وهو مستحي ) قلت له طيب وبعدين ؟وش صار قال ياخي انا من اول ماسمعت صوتها من جد شدتني لها بس ماأدري وش لون افهمك انت وش دراااك بالحب وبلاوية قلت له اخسسس ياللي معذب قلوب العذارى وش عندك قال اقول لا يكثر وأصبر خلين اشوف هي من النوع الخفيف ولا راسيه كأنها بي ام دبل يو (q84)
قلت له والله مالخفيف الظاهر إلا انت ووجهك اللي كنه بسطار رقيب اول بالحرس فرحاان انت ووجهك ان بنت متصله عليك طيب وش المشكله إلا وش الجديد قال لي الجديد ياطويل العمر انها تقول انها مرتاااحه لي من أول ماسمعت صوتي قلت له يمكن من صوتك بس هي يمكن ماشافت براطم الناقه اللي انت مركبها بوجهك هههههههااااااي قالي اقول اسكت وخلني اكلمها قلت طيب كلمها ياتوم كروز الغفله انت
دق عليها : ألو قال هلا والله وش لونتس قالت تماام انت كيفك قال والله الحمد لله تمام توني والله متعشي انا وش أبي احسن من تسذا (q41) انا لا شعوري حطيت يدي على وجهي من كلامه
المهم قاها ألحين انا بالإستراحه عند الشباب قالت له حلو طيب انت علمتهم انك تكلم بنت ؟ قال لا والله انا علمت خويي بس قالت منهو قال واااحد ثقيل دم المهم البنت فقت خشتها من الضحك وقالت والله انك خفيف دم قال : الله يسلمتس ويخليتس لي
المهم انا عرفت انهم الله بالخير كلهم ... طبعا انا ارتحت لمحمد لأنه ماصار شي له
انا نسيت الموضوع والقصه اللي صارت له مع البنت
بعدها بفتره سألته قلت له : اقول انت يالمروح بأسألك وش صار لك انت والبنت قال ابشرك انها تحبني ألحين وانا اموووووت فيه قلت ( غبر ياثور على قرنك ) قلت له انت وش لون حبيتها وهي اصلا اول بنت تمر عليك بالكون قال ياخي ماادري بس اني تعلقت فيها مرررره قلت الحمد لله والشكر ماتشوف شر قال : شر مايجيك .. طبعا هو يبي يستفزني
قلت له وانا اخوك انتبه لا تلعب عليك البنت وخصوصا انها هي اللي دقت عليك يعني بالعربي بتكون ملكعه وتعرف يمكن كذا واحدغيرك انت ماتدري عنها
قال لا ياأبن الحلال ماتعرف غيري قلت له بكيفك انت حرر
المهم تطورت العلاقه بين محمد وسلمى وجاء اليوم اللي انا ماتوقعته ولا توقعت انه 10%يصير هالشي .
جاني محمد وقالي اقول انا ابيك اليوم ضروري لحالك قلت له خير انشاء الله ابشر متى ؟ قال حاول خلنا ننحاش من العيال شوي
قلت اوكيك وطبعا انا تعذرت للعيال ومشينا ركبنا سيارتي
وطول الوقت ساكت قلت انت ألحين مطلعنا من العيال وشبت الحطب والفله وبالأخير ماكل تبن وساكت ؟ قالي ياخي اصبر علي خلني اهدى شوي
انا عرفت ان الموضوع فيه (إن) سكت وقمت ألفلف بالشوارع ومليت يعني من الدوران وبدأ يتكلم وش قال ...
قالي اسمع انا ابيك بالذا ت اليوم تتكلم معي بالعقل والتفاهم وانك ياتقنعني ياأقنعك اوكيك
انا قلت ؟اوكيك؟؟
اسمع انا ابي اخذ رايك بالبنت وناوي اخطبها من أهلها وانت عارف انها هي الوحيده اللي حبيتها واللي ارتحت لها ولا أرضى اي شي عليها .
انا عرفت أن محمد لعبت بعقله البنت وسألته انت لك كم معها ألحين ؟؟
قال لي ثلاث سنوات وشوي قلت له حلو طيب ماجاء يوم من الأيام وشكيت فيها ؟
قال لا والله ؟قلت له يامحمد انت وش تبي بعوار الراس انت اشتر راحتك وراحت بالك انت ترضي ان وحده عرفتها بالتليفون تكون ام عيالك ؟ قال ايه لأني متأكد انها تستاهل كل خير قلت له
:محمد انت ألحين مقتنع من هالموضوع ولا أحد يقدر يغير شي من اللي براسك صح ؟
قال ايه صح قلت له طيب ليش مجرجرني معك وناشب لي وتبيني اقنعك بي انا اشوفه غلط في غلط قال بس انا حبيت أتأكد ويعني اريح نفسي بأني افضفض لك
قلت له وألحين انت وش ناوي تسوي ؟
قالي زي ماقلت لك ناوي اخطبها قلت الله يوفقك ويسعدك واناوالله اتمنى لك كل خير والله بس انت الله يهاديك ماتبب تقتنع من كلامي . قال : الله يخليك تكفى لاتحاول بأي شي انك تغير اللي براس قلت له والله برااااحتك وانا اخوك سو اللي تبي قال لي اسمع ابي منك طلب قلت له لبيه امر؟
قال ابيك توقف معي بالموضوع
قلت له وي تبيني اوقف حارس مرمى ولا هجوم قالي بلا استهبال قلت له انت اللي تستهبل وش اللي اوقف معك وبوشواوقف
قال ابيك تعاوني على اهلها وتسهل الوضع علي شوي
قلت وش لون ؟؟
قال انا بأفهم البنت اني انا وأهلي جاين عن طريق واحد من الشباب ونعرفه زين وذكرنا لكم قلت له ايوووووه كمل قال وبس
قلت له لو درت امك خصوصا ان امك ماهي متفهمه بهالشي وبالذات انها قالت لك على انها تخطب لك بنت خالك قال انا اللي بأتزوج مو هي الله يهاديها بس
قلت والله يامحمد الموضوع صعب شوي ومعقد بس انا وش أسوي مالي غيرك خبل يؤؤؤؤ قصدي خوي قال المهم زي مافهمتك قلت الله يوفقك
ونزلنا من السياره وانا وقتها صكني صداااع من السالفه والموقف اللي انحطيت فيه وش اسوي وش اقول ولا وش اقول لمحمد الله يعين المهم انا وقتها مانمت وكان عندي دوام ( والله من الأزعاج اللي بالدوام خصوصا ان دوامي بمستشفى والله وكملت ) قعدت افكر واشوف واحاول انا وش بأسوي انا تقفل مخي من جد ماعاد عندي اي حل
المهم كلمني محمد وقاي ترااني جايك ول القهوه والشاهي قلت له الله يحييك ابشر تعال
المهم جاء وشربنا القهوه والشاهي وبدينا بالموضوع وسألني هااه بشر عسااك لقيت لي حل للموضوع قلت له والله مالقيت ل بس انا عندي فكره
قال تكفى واللي يرحم والديك قلها بسرررررررررعه
قلت له شف انت عطني اكلم البنت وانا افهمها هي وش تسوي
قال بدينا من ألحين ناوي على البنت انت ووجهك
قلت له لا والله بس انا عندي فكره لو اقنعتها تسويها كاان تماام
قال طيب
كلمتها وبعد طبعا ماسلمت عليها قلت لها سلمى انتي لك صديقه مقربه منك ؟
قالت ايوه ليش ؟
قلت هي تدري عن الموضوع اللي بينك وبين محمد قالت ايه تدري
قلت لها طيب قولي لها وفهميها بالوضع لأنه صعبه انا من ناحيتي اجيبها قالت خلاص اوكيك انا اكلمها ألحين وافهمها
وقفلت : المهم كنا انا ومحمد نستنى اتصالها علشان نعرف وش صار بالموضوع
دقت وقالت انها وافقت وانها بكره بتكلم امي علشان تقولها انه فيه ناس يبون يخطبون سلمى لولدهم قلت لها انا اوكيك حلو إلا ألحين قلت لها شوفي انتي ويااه بأقولكم شغلتين
الأولى : لا أحد يزعل او يتضايق إذا الله ماكتب نصيب بينكم
ثانيآ: لا تشكون ببعضكم ابد وكل واحد يثق بالثاني
قالوا اكيد هذا اللي بيصير ......
المهم كلمت البنت ام سلمى وقالت لها الموضوع وقالت يابنتي انا ماعندي مشكله بس نسأل عنه ونشوف وبأوصي ولدي علشان يسأل عنه قالت البنت خلاص خير انشاء الله :
المهم ان محمد قال خلاص اوكيك :
المهم أن الأثنين محمد وسلمى كانوا ينتظرون على أحر من الجمر وكااانوا يستنوا الرد بفارغ الصبر
وجاااء اليوم الحاسم اللي يستنونه واللي أسغلوني معهم فيه
المهم كلم اخو سلمى على محمد وقام طبعا يسأله أسأله عاديه زي منتوا عارفين العايله وشغلتك .....إلخ
المهم كل شي تم على مايراام
وقام اخو سلمى يسأل عن محمد ويدقق على اصغر التفاصيل
وسأل محمد على وظيفته : قاله انت قبيلي قال لا والله قال حنا اصلا مانزوج إلا قبائل ولا تحاول في هذا الموضوع
وتحطم طبعا الرجال وحاول انه ينسى الموضوع اللي صار
وسلاااااااااااااااااااامتكم(qq158)