تعالوا قولوا لي الحق على مين ...

[لميا]

أخواتي وأخواني ....

أقدم لكم أول موضوع قد يكون عفوي ....

ومن خلال تجربة شخصية ....

عبارة عن مواقف زوجية حدثت بطريق الصدفة ولكن نتيجتها زعل الطرفين ....

نبدأ بالموقف الأول :

كان زوجي يلبس في الغرفة ثوبة وشماغة ويتعطر ويكلمني عن اجازته بكرة ووده يطلعنا للبر وكان يطالع في المراية ويشخص ثم طلع من الغرفة وقال لي وهو في السيب ... وش رايك يأم فهد أمر أمي وأخواتي بكرة ونطلعهم معنا ؟ ...... ( مارديت ) .... ؟ أقول أم فهد ماتسمعيني ؟ ( كان في السيب ولا يشوفني ) .. وقال هذا أنتي إذا الموضوع لأهلي وأمي وأخواتي ما تردين (qq136) طالعة على أبوك يجمد الواحد واذا ماجازت له الحتسوة يرد ويهين الواحد ... ( الرجال قام يحش أبوي وأهلي لأني مارديت عليه )

تدرون ليه ما رديت عليه ؟
أول ماطلع من الغرفة كبرت أصلي العصر ... وجلس يسألني وهو في السيب وانا أصفق واطقطق ولا أنتبه .. ويحسبني مارديت لأني زعلة مابي أهله (qq89) ..

عاد أنا بصراحة .... من تكلم في أبوي وأهلي وقام يحش فيهم .... خلصت من صلاتي وقلت له وشفيك نشبت بحلقي وأنا من طلعت من الغرفة كبرت أصلي !!! تبيني أقطع صلاتي وأرد عليك ؟ :( .. وبعدين ليه تحش في أبوي وأهلي ............ ( إلى هنا والباقي معروف )

من المسئول عن هالموقف ؟ رغم أنه بدأ بدون سبب !!! وأنتهى الموقف بنومتي عند أهلي ولا طلعنا للبر




الموقف الثاني :

بنروح نتغدى عند أهله يوم الجمعة .. وكان مستعجل لأن أخوه بعد الغداء بيسافر ...
المهم نزل وقال ترى إذا تأخرتي عن خمس دقايق أبمشي بلحالي .. وأنا قلت يارجال تعوذ من بليس أنا خلصت دقيقة بس .
نزل وشغل السيارة وأنا خذت ولدي فهد ونزلنا مع الدرج وأنا ملبسته ومجهزته .... وحنا في نص الدرجة قالي فهد : يمه فيني بوله
قلت يالله للحمام بسرعة لا يبلشنا أبوك
فصخت ملابسة ودخل الحمام الله يخليه لنا وطول الولد ماصارت بولة طلعت كبيرة (hjh)

والرجال في السيارة يضرب بوري ومعصب وانا وش أسوي بعمري طيب ؟
وشوي ويمشي لحالة ويتركني انا وفهد ... وأتصل عليه ولا يرد .. أبيه بس يعرف سبب تأخري أنه مثل الموقف الأول خارج عن الإرادة ... ولكن أنتهى الموقف .......... بنومة عند أهلي (qq79)

بصراحة عندي كثير بس ماودي أطول عليكم ............ (q41)


وأهم شي من هالمواقف .... أصبروا وأعرفوا يا رجال سبب الشي قبل لا تعصبون وإلا تمشون وتخلونا
(hjh)


ماسبق كان على لسان كاتبة الموضوع << يعني منقول (a21)
انا الحين ابغاكم وبكل تجرد
وبدون تعصب
تقولون رائكم في الموقفين
انا اعتبرهم من الماذا موكواقف الاكثر شيوعا في بيوتنا (q20)


والحق على مين ؟؟؟ (qq167)














اذا موكرر الموضوع تراه يدل الدرب (a26)

[المهاجر]

الرجال غلطان

وشكله ياكل عشاه بقدره!

[لميا]

الرجال غلطان



وشكله ياكل عشاه بقدره!



هذي اول اجابه لاشهب
اللي بعده (q30)

[(بلاحدود)]

هي الغلطانه واللى قالت والله قدامك ابوك اللي مورث فيك التسرع اللي ماله داعي , وإذا زعل تسأله ليش زعلت ابوي مو مثل ابوك ؟ وشفيك طاير !!! اشوي اشوي وتدخله بموضوع وتنزله بموضوع ثاني إلا ان يتم تلافي الموقف ببساطه ، ومثل هذي الحركات هذي اتسمى محارشه عندنا إحنا بس بالنهاية بيسير إعجاب من ردها وإقناعة لازم تضعه في نفس موقفها ، وبهذه الحاله تثبت وجودها امامه وينعكس الموقف إيجابي ، حسب ما انا ارى

[مجرد حلم]

الرجال غلطاان وستين غلطان وعجووول وما عنده صبرر >>>>>>>>>>>>>>>> تعلميني فيهم هالرجاجيل
اقول خليني ساكته بس لجيب العيد ورمضان السنه الجايه هههههههههههههههههههههههههههههههه
>>>>>>>>>>>>>>>>>>>>>>>>>>>
بس انتي الله يهديتس لو انك مشيتيهاا وما زعلتي يعني كل ما قالتس كلمه اخذتي عباتس وطيراان لهلتس يا مره اعقلي الركااده زينه >>>>>>>>>>>>>>>>> شكلهاا بتلحقتس خخخخخخخخخخخخخخخخخخخ
>>>>>>>>>>>
الله يخارجنااا >>>>>> عاجبتهاا هالكلمه هههههههههههههههههههههههه

[فتاةمن زمن الحب]

والله حبيبتي الرجل غلطان في الحالتين.
مواقف بسيطة ولو ما تاعملوا معاها الطرفين بتعقل بتصير مشاكل كبرى.
مشكورة الزين ديالي على الموضوع.

[اساير الوقت]

لميــــــــاء

كيفك .... اول شي الرجال غلطااان لان التسرررع مااهو زين ... وتبقى الاخلاااق وسعة البااااال من سماات الرجااال الطيبين ......... تحيااااااااااااتي

[عزيز رحال]

لميا

الرجال غلطان في الحالتين الرجال لابد أن يكون حليم مهو على طول يجيب اقصاه

* الحرارة و العصبية بالتعامل بعض الأحيان مفيدة خصوصاً للباردين بس مع المرآة ما تنفع العصبية
و الأولين قالوا بالكلام اللين تأخذ الحق البين.

شكراً لميا

[الساير]

زوجك واضح من كلامك انه عصبي الى حد الجنون


وها النوع من الرجال عادة يكون قلبه طيب بالمرة



انصحك تمتصين غضبه كلما عصب



ولا تقابلين الصياح بالصياح


لأنه ما يقدر يمسك نفسه



اما انتي فممكن تمسكين اعصابك



والعصبية بلوى من الله لا زم ترضين بها



ودائما خليك اغقل منه


بعد مدة راح تتغير معاملته معاك


وقولي ما قاله الساير



وربي يوفقكم

[ابودانه الحايلي]

اختي لميا...
السلام عليكم ورحمة الله وبركاته..........تحيه طيبه............وبعد
اختي سأذكر لك الموقفين بالتفصيل ولكن..دعيني اقول شيء قبل ذلك..وهو
انه والله مايجعل مشاكلنا تستمر ولانجد لها حلا هو انتظار من يعترف ومن هو الغلطان منا انا اوهو
وبهذه الصورة تغيب الحكمة والتنازل الذي قرأنا عنهما كثيرا في هذا القسم الرائع...نحن نقرأ ولكننا لانستفيد ولانطبق......محاولة الضغط على النفس والسيطرة على الاعصاب في مثل هذه الامور هي بداية نهاية المشكلة..لنتفق انا وهي انه عندما يبدأ اي منا بتصرف خاطيء فعلى الاخر التماسك وتهوين الامر والا لو فقد كل منا اعصابه فأن الامور ستخرج عن السيطرة وهذا مالا نريدة...
اختي في الموقف الاول هو مخطيء مما لاشك فيه وهذا دليل على عصبيته ولكن ليس الطموح ان نثبت من هو المخطيء ولكن لماذا غابت عنك الحكمة اين التنازل الذي حفظناه وتردد علينا كثيرا..اين امتصاص الغضب لانه سيعتذر لك مباشرة وتصيبه الغرابه والصدمة من ردة فعلك الباردة تجاه الموقف..
الموقف الثاني هو ايضا مخطيء..وانا قلت انه عصبي ممايعني انه لايتحمل شيء ولكن بأستطاعتك ترويض اعصابه من خلال حكمتك وردات فعلك الباردة تجاه العصبية والسمع والطاعة....
اختي لميا منقولك رائع....واشكرك عليه...
وعذرا للاطاله...هذا ماجادت به النفس على عجاله.....
تقبلي شكري مع فائق الاحترام....
ابو دانه الحــــايلي....

[ولد لطيفة]

افا و الله ما توقعتك كذا :)
صراحة مواقف بسيطة وما تستلهل تسمى مشكلة و ما تستاهل الزعل و النوم عند اهلك

صحيح ان زوجك استعجل شوي في ردة فعلة
بس اكيد اكيد اكيد حتى انتي تصير معك مواقف مثلها

قصدي تنازلي و مشي زلاته زمي ما هو لازم يتنازل عن زلاتك

الحين و انتي اللي قلتي ان الحياة الزوجية فيها مشاكل تجين تقولين هالكلام

قولي امين

الله يخلي لك فهودي و يطول عمرة و تشوفي عيالة و عيال عياله(تخيلي نفسك و انتي عجوز و يسمونك جدة لمياء)

[تعبت اشكي]

السلام عليكم

واسعد الله مساءكم

لميا يمكن رايي يعجبك ويمكن مايعجبك <<< ولكن يبقى رايي خاااص فيني

الموقف الاول

انا اشوف مافيه دخان من غير نار واذا زوجتي ماتبي اهلي بدون سبب يخليها تكرهم اشوف بيت اهلها احسن لها

امي اغلا شي عندي واعتقد ان الموقف كان له مشاكل سابقه ولا كان ما عصب وبدا يسب

والنقطه الثانيه

انا اشوف ان سب اهل الزوج او الزوجه فيه نقيصه واحترام الاخرين واجب على الجميع ومشكلتنا اننا دايما نشوف انفسنا احسن من الاخرين ..

اتمنى وضح رايي

الموقف الثاني

الصراحه خطا على الرجال ..

وخصوصا ان التاخير بسبب فهد ولد ام فهد


شاكر مقدر لميا

[لميا]

بلا حدود ....
يسلمو على المرور وعلى الاضافه (qq115)


مجرد حلم
يمه منتس ما تشبعين قرقه << مزحه برزحه (vv)
بس مرورك كان عسل
وشوي شوي على الشهبان ترى يبي لهم تعامل خاص


فتاة من زمن الحب
يسلمو الحلوين على المرور اللي ينئط عئل ورزانه (qq115)


اساير الوقت
تسالني كيفي ؟؟
انا الحمدالله مزيانه برشه
من ناحية غلطان فهو الغلط راكبه من راسو لساسو (qq167)
وزي ما قلت

وتبقى الاخلاااق وسعة البااااال من سماات الرجااال الطيبين .........




عزيز رحال
صدقت والله بلكلام اللين تاخذ الحق البين
سرني مرورك واضافتك الرائعه (qq115)


الساير
كلام كله حكم
اذا قال السايرفاسمعوه0000 فلب القول ما قال الساير :ro258es:


ابودانه

لنتفق انا وهي انه عندما يبدأ اي منا بتصرف خاطيء فعلى الاخر التماسك وتهوين الامر

كلامك ولا اروع
احنا بس يبغا لنا شوية ضبط اعصاب
واختيار الاسلوب الامثل لامتصاص غضب وعصبية الطرف الثاني
هذا شي يفرضه الحب والاحترام الموجود بين الزوجين
سرني مرورك ابو دانه (qq115)

[لميا]

افا و الله ما توقعتك كذا :)
صراحة مواقف بسيطة وما تستلهل تسمى مشكلة و ما تستاهل الزعل و النوم عند اهلك

صحيح ان زوجك استعجل شوي في ردة فعلة
بس اكيد اكيد اكيد حتى انتي تصير معك مواقف مثلها

قصدي تنازلي و مشي زلاته زمي ما هو لازم يتنازل عن زلاتك

الحين و انتي اللي قلتي ان الحياة الزوجية فيها مشاكل تجين تقولين هالكلام

قولي امين

الله يخلي لك فهودي و يطول عمرة و تشوفي عيالة و عيال عياله(تخيلي نفسك و انتي عجوز و يسمونك جدة لمياء)

يا ولد لطيفه شكلك تقرا الموضوع
وانت عين على باب المكتب وعين على الجهاز كل ذي خرعه من المدير (qq15)

ولا يمكن تفكر في العرس (qq89)

كمل قراية الموضوع للنهايه يا ولد
لكي تكتشف حل اللغز لكلامي آنف الذكر (gfp)


ترى الموضوع منقول :(

[مقراط]

لميا

السلام عليكم ورحمه الله وبركاته

الموقف الاول000 الزوجه ماعندك احد

الموقف الثاني000 الزوجه هامله

[لميا]

السلام عليكم

واسعد الله مساءكم

لميا يمكن رايي يعجبك ويمكن مايعجبك <<< ولكن يبقى رايي خاااص فيني

الموقف الاول

انا اشوف مافيه دخان من غير نار واذا زوجتي ماتبي اهلي بدون سبب يخليها تكرهم اشوف بيت اهلها احسن لها

امي اغلا شي عندي واعتقد ان الموقف كان له مشاكل سابقه ولا كان ما عصب وبدا يسب

والنقطه الثانيه

انا اشوف ان سب اهل الزوج او الزوجه فيه نقيصه واحترام الاخرين واجب على الجميع ومشكلتنا اننا دايما نشوف انفسنا احسن من الاخرين ..

اتمنى وضح رايي

الموقف الثاني

الصراحه خطا على الرجال ..

وخصوصا ان التاخير بسبب فهد ولد ام فهد


شاكر مقدر لميا

رائي تعبت اشكي ما يعجبني ... مو معئول
كلامك كله عين العقل :)

[لميا]

لميا

السلام عليكم ورحمه الله وبركاته

الموقف الاول000 الزوجه ماعندك احد

الموقف الثاني000 الزوجه هامله

مقراط
وعليكم السلام ورحمة الله وبركاته
مقراط وضح اكثر
كلامك احسه لغز يبغا من يرمع له (vv)

[مراويح الطيور]

اول شي الله يصبرك على مابلاك
المواقف هذاي تصيركثير
سيد الموقف من يتمالك نفسه عند الغضب
يعني لازم تاخذين الموضوع بروح رياضيه
مالك الا الحل هذا لن الحار ماله حل
وبيني وبينك انا تصير معي كثيرمن هل مواقف
لكن
عندي حلين
1- الوعد اذا ركبو (طيران والمفتش العام) ومساقط وهبال زايد(qq168)
واذا قالو لاتسرع(g) !!!قلت (qq167) لاكيف مااسرع وانتم متأخرين على الناس لالا لازم نكون هناك بنفس الوقت.

2-اذا رحت اجيبهم من نفس المشوار قبل الموعد بنص ساعه وانا شاب عليهم و............الخ عاد انت افهموها(q33)

يعني القصد مطلع حرتي مطلعها بس بدون هواش وزعل لان الموضوع مايستاهل النكد

[لميا]

اول شي الله يصبرك على مابلاك

المواقف هذاي تصيركثير
سيد الموقف من يتمالك نفسه عند الغضب
يعني لازم تاخذين الموضوع بروح رياضيه
مالك الا الحل هذا لن الحار ماله حل
وبيني وبينك انا تصير معي كثيرمن هل مواقف
لكن
عندي حلين
1- الوعد اذا ركبو (طيران والمفتش العام) ومساقط وهبال زايد(qq168)
واذا قالو لاتسرع(g) !!!قلت (qq167) لاكيف مااسرع وانتم متأخرين على الناس لالا لازم نكون هناك بنفس الوقت.

2-اذا رحت اجيبهم من نفس المشوار قبل الموعد بنص ساعه وانا شاب عليهم و............الخ عاد انت افهموها(q33)


يعني القصد مطلع حرتي مطلعها بس بدون هواش وزعل لان الموضوع مايستاهل النكد


كل ذا اللي سويته يا اشهب لا يدخل تحت طائلة النكد !!(qq50)
ومسوي نفسك من من يتماسك نفسه عند الغضب (qq6)

[مراويح الطيور]

كل ذا اللي سويته يا اشهب لا يدخل تحت طائلة النكد !!(qq50)


ومسوي نفسك من من يتماسك نفسه عند الغضب (qq6)



انا لله وانا اليه لراجعون
ام اشهب قويه ههههههههههههههههههه
لكن اهبلبهم وخلاص احسن من اني اطول السالفه
انتم وراكم(mm) وانتم ليش وانتم سويتو وانتم وانتم
الجزاء من جنس العمل(qq168)

[ولد لطيفة]

يا ولد لطيفه شكلك تقرا الموضوع

وانت عين على باب المكتب وعين على الجهاز كل ذي خرعه من المدير (qq15)

ولا يمكن تفكر في العرس (qq89)

كمل قراية الموضوع للنهايه يا ولد
لكي تكتشف حل اللغز لكلامي آنف الذكر (gfp)


ترى الموضوع منقول :(


يا حبك تفشليني و تبينين لهم اني مضيع
طيب عادي وش فيها اذ ضيعت و صرت غبي
لكل جواد كبوة

اسف يا مفشلتني(qq22)

[مقراط]

مقراط
وعليكم السلام ورحمة الله وبركاته
مقراط وضح اكثر
كلامك احسه لغز يبغا من يرمع له (vv)


لميا

السلام عليكم ورحمه الله وبركاته

كل عضو مر على الموضوع وبدأ يتميلح برده

مادرى عن اللغز

نهاية موضوعك

الزوجه هامله

[EMPRIO ARMANI]

مساء الخير لمياء
اتمنى ان تكوني بصحه جيده

الموقف الاول :
المتسبب الزوجه
والسبب ليش تترك فرضها يعني ما أذن المذن
الا بعد كلاو زوجها!!
يعني اخرت فرضها ومن ضيقة الصدر قالت مانيب
راده عليه وذكرت انها ماصلت ...!!! ماشاءالله تبارك الله عليها!!
كل هذا عشان اهله ...


الموقف الثاني :
ودي اقول الزوجه وولدها!! بس ماتجي !!!
يعني المتسبب الزوج لأنه في هذه اللحظه
لم يكن لديه (حلم) ولم يحسن التصرف في مثل
هذه الأمور
لأن الموقف بصراحه (عارض) ولم يكن بالحسبان
فعليه عدم الانفعال والاستعجال
وأن يعي ان في العجله دائمآ ندامه
اذن المتسبب الزوج ( خلاص درينا!!)


تقبلي مروري هكذا سيدتي ............. محب للجميع

[لميا]

مساء الخير لمياء
اتمنى ان تكوني بصحه جيده

الموقف الاول :
المتسبب الزوجه
والسبب ليش تترك فرضها يعني ما أذن المذن
الا بعد كلاو زوجها!!
يعني اخرت فرضها ومن ضيقة الصدر قالت مانيب
راده عليه وذكرت انها ماصلت ...!!! ماشاءالله تبارك الله عليها!!
كل هذا عشان اهله ...


الموقف الثاني :
ودي اقول الزوجه وولدها!! بس ماتجي !!!
يعني المتسبب الزوج لأنه في هذه اللحظه
لم يكن لديه (حلم) ولم يحسن التصرف في مثل
هذه الأمور
لأن الموقف بصراحه (عارض) ولم يكن بالحسبان
فعليه عدم الانفعال والاستعجال
وأن يعي ان في العجله دائمآ ندامه
اذن المتسبب الزوج ( خلاص درينا!!)


تقبلي مروري هكذا سيدتي ............. محب للجميع

armani

وين ايامك يا اشهب (qq115)
اشتقنا لمجاملاتك الارنوبيه (vv)
طيب يمكن المره قبل الصلاه انشغلت بشي اخرها ..
والغايب عذره معه (ask)

[وردة ندية]

لميا

السلام عليكم ورحمه الله وبركاته

الموقف الاول000 الزوجه ماعندك احد

الموقف الثاني000 الزوجه هامله



مقراط

وعليكم السلام ورحمة الله وبركاته
مقراط وضح اكثر
كلامك احسه لغز يبغا من يرمع له (vv)


لميا حبيبتي..... ماله داعي يوضح.... عند مقراط المرأة دائما غلطانه وهي سبب كل المشاكل....
يمكن المرأة ايضا هي سبب الحرب على العراق وسبب كل البلاوي الي بالعالم (d)

[وردة ندية]

شوفي لميا....
الموقف الاول,, الزوجة غلطانة, ما كان عليها تبدا بالصلاة وزوجها بعد ما خلص كلامه.... خليها تنتظر شوية الى ان ينتهي الموضوع....

اما الموقف الثاني فالزوج مخطيء وبقوة.... يعني وش تسوي المسكينة اذا الولد جا على باله يدخل الحمام بهاللحظة....
وهذا بالذات اريد عليه توضيح من مقراط...
شلون هي مهملة...؟؟؟!!!!!!
والا لازم المراة يكون عندها علم الغيب علشان تعرف ان ابنها بذيك اللحظة سيريد يدخل الحمام....
استغفر الله

مشكورة حبي ليومة على موضوعك

[رؤمنسي منسي؟؟؟]

بالنسبة لك يا الهامله { علي ذمة مقراط} (q84)

الموقف الاول :
تستهلين هذي عقوبة تآخير الصلاه...

الموقف الثاني :
بعد تستهلين علي تاخيرك الصلاه في الموقف الاول....

بالنسبه لشهوبك (q60):
الموقف الاول تحسف يبي يطلع مع الشلة (qq168) ....



الموقف الثاني :

:o2222h:تذكر انك بتصدعين راسه اذا رجعتوا من عند اهله { شفت

امك كيف تناظرني !!! واختك كيف تكلمني !!!! وزوجتة اخوك طريقة سلامها علي ما عجبتني!!!!

واخوك (qq156) جاب لزوجته كذا وكذا ....يعني جب !!!!!!!!! وعيال اخوك ما خلونا نرتاح يعني فهودي عاقل(cj)!!! وبنت ااختك دلوعه علي ايش ماآدري!!!! وحتي ابوه ما يسلم منك!!!


بالنسبه لفهودي (qq70)الله يحفظة بحفظة...... اشكت انه لك رجل في الموضوع


والكلام هذا لكل زوجة علشان تراجع نفسها؟؟؟؟؟؟؟؟؟

[لميا]

شوفي لميا....
الموقف الاول,, الزوجة غلطانة, ما كان عليها تبدا بالصلاة وزوجها بعد ما خلص كلامه.... خليها تنتظر شوية الى ان ينتهي الموضوع....

اما الموقف الثاني فالزوج مخطيء وبقوة.... يعني وش تسوي المسكينة اذا الولد جا على باله يدخل الحمام بهاللحظة....
وهذا بالذات اريد عليه توضيح من مقراط...
شلون هي مهملة...؟؟؟!!!!!!
والا لازم المراة يكون عندها علم الغيب علشان تعرف ان ابنها بذيك اللحظة سيريد يدخل الحمام....
استغفر الله

مشكورة حبي ليومة على موضوعك

يسلمووو وردتنا على المرور
انا اشوف انو في الموقفين الحق على الرجل (qq136)
المره بدت الصلاه وهي مو عارفه انو جنابه راح تتفتق قريحته وينطلق لسانه مع اول تكبيره (qq11)
وبعدين هو اساسا لو رجل شجـــاع ما يجلس يتكلم عليها من وراء جدران الغرف (q47)
المفروض دور عليها قبل ان ينبس ببنت شفه (q79)
وهو لو شافها تصلي عذرها ولا كان فيه مشكله

عارفه الرجال ايش ينطبق عليهم المثل اللي يقول
سكت دهرا ونطق كفرا (qq115)

[لميا]

بالنسبة لك يا الهامله { علي ذمة مقراط} (q84)

الموقف الاول :
تستهلين هذي عقوبة تآخير الصلاه...

الموقف الثاني :
بعد تستهلين علي تاخيرك الصلاه في الموقف الاول....

بالنسبه لشهوبك (q60):
الموقف الاول تحسف يبي يطلع مع الشلة (qq168) ....



الموقف الثاني :

:o2222h:تذكر انك بتصدعين راسه اذا رجعتوا من عند اهله { شفت

امك كيف تناظرني !!! واختك كيف تكلمني !!!! وزوجتة اخوك طريقة سلامها علي ما عجبتني!!!!

واخوك (qq156) جاب لزوجته كذا وكذا ....يعني جب !!!!!!!!! وعيال اخوك ما خلونا نرتاح يعني فهودي عاقل(cj)!!! وبنت ااختك دلوعه علي ايش ماآدري!!!! وحتي ابوه ما يسلم منك!!!


بالنسبه لفهودي (qq70)الله يحفظة بحفظة...... اشكت انه لك رجل في الموضوع


والكلام هذا لكل زوجة علشان تراجع نفسها؟؟؟؟؟؟؟؟؟






مو انا يا فـــــــــــــــــــاغر :gg4mpup: << على ذمة لميــــا (qq15)

هذي ام فهد اللي يقول عنها مقراط الهامله (qq11)

[نص ونص]

الموقف الاول الرجال غلطان بحكم انه استعجل لاكن في الموقف الثاني الحرمه هي الي غلطانه كان ودت ولدها للحمام من بدري علشان ماتتاخر على زوجها وهي عارفه انه مستعجل !!!!!

[لميا]

الموقف الاول الرجال غلطان بحكم انه استعجل لاكن في الموقف الثاني الحرمه هي الي غلطانه كان ودت ولدها للحمام من بدري علشان ماتتاخر على زوجها وهي عارفه انه مستعجل !!!!!

امور الحمام يا نص ونص
ما احد يقدر يتحكم فيها وخاصه مع الاطفال (qq115)
تصير لي كثير
ما يحبك الحمام عندهم الا اول ما يوصل باص الروضه(qq50)
حكمك على الموقف الثاني كان نص ونص (q33)

[نص ونص]

هههههههههههههههههههههههههه حلوه نص ونص
بس صدقيني انا اشوف اذا جا احد من اخواتي بيطلعون الى اي محل اول شي يسونه يودون عيالهم للحمام علشان ما ياخرون ازواجهم وصدقيني سويها دائما حتى لو ماطلب منك شي ولدك . ووراح ترتاحين وتريحين

[xnaifx]

هو غلطان لكن هي كل ماطق عود راحت لبيت اهلها
وتكبر راسها دام ان زوجها عصبي تعرف كيف تمتص غضبه

[رؤمنسي منسي؟؟؟]

مو انا يا فـــــــــــــــــــاغر :gg4mpup: << على ذمة لميــــا (qq15)



هذي ام فهد اللي يقول عنها مقراط الهامله (qq11)




اههههههههههههههههههههههه

كاد المذنب ان يقول خذوني!!!!!!!!!!!!!!!!!!

الكلام الي انا كتبته موجه لام فهودي ...
لا تستعجلي بارك الله فيك يا ......... (qq91)

[لميا]

رومنسي منسي
بلا مريب بل مذنب تبغى تجنني (hjh)
انت كنت موجه الكلام لي يا ......:D
ان كنت ناسي افكرك
بعدين شعور جميل تشوف اللي قدامك يسحب كلامه (qq122)
يمكن خفت مني عادي لا تستحي (ern)

[رؤمنسي منسي؟؟؟]

رومنسي منسي

بلا مريب بل مذنب تبغى تجنني (hjh)
انت كنت موجه الكلام لي يا ......:D
ان كنت ناسي افكرك
بعدين شعور جميل تشوف اللي قدامك يسحب كلامه (qq122)

يمكن خفت مني عادي لا تستحي (ern)



اهههههههههههههههههههههههههههههههه

اختي لميا بارك الله فيك انت من بعد موضوع سندريلا الاندونسيه وانت معصبه!!!


واذا اعتذاري يسعدك انا أسف واسحب كلامي علي خشته.....


الله يقدرنا علي فعل الخير(q84) !!!!!!!!!!!!!!

[لميا]

اهههههههههههههههههههههههههههههههه

اختي لميا بارك الله فيك انت من بعد موضوع سندريلا الاندونسيه وانت معصبه!!!


واذا اعتذاري يسعدك انا أسف واسحب كلامي علي خشته.....


الله يقدرنا علي فعل الخير(q84) !!!!!!!!!!!!!!


وراك دالع لسانك (a26)
قلبي يقول اكيد وراها سر (qq1)
بعدين مين قالك انو انا معصبه
انا بس شوي واصيح (g)

[رؤمنسي منسي؟؟؟]

وراك دالع لسانك (a26)
قلبي يقول اكيد وراها سر (qq1)
بعدين مين قالك انو انا معصبه

انا بس شوي واصيح (g)




اسآل الله العظيم ان يبدل حزنك بفرح وسرور وان يخليلك شهبانك ويديم عليكم السعادة

[ابو جهاد الهذلي]

غلطان في الحالتين

[عالي المستوى]

الظاهر ام فهيد تحب النوم عند الاهل لا واذا صارن الخوات مجتمعات شي ثاني