حمدان العنزي
11-03-07, 02:26 AM
خالد سأل عن ذلك الامام = ذاك النحيل الأسمر القصير
ذاك الذي في طلعته سلام = وفي صوته ايشدك ندى التكبير
ذاك الهزيل اللي شمخ قدام = والجمع من خلفه غدا غفير
بعيون خالد ألمح استفهام = يبي يعرف اش صار وش يصير
( يبه ! يبه! ) يقول باهتمام = يبه هو الامام هو الأمير؟!!
ضحكت رغم الناس والزحام = سؤال مضحك بس هو خطير
مشيت أنا واياه بالظلام = وكأن خالد مايبي يسير
في خطوته بداية احتدام = أفسِّره فضوله المثير
كنت أتوقع لاحمى الكلام = يعيد لي سؤاله الكبير
لكنها مرت كما الكرام = مدري نسى أو صار مستخير
أو هو فهم رسالة الإحجام = أو مل من رتابة التأخير
أو اكتفى في عضة الإبهام = أو إن أصلا مايبي تفسير
خالد تركني شدِّه المنام = وبقى سؤاله سيِّد التفكير
مرات أجاوب : إنه النظام = لكن بعد هذا يبي تبرير !
ومرات أقول المجد بالاسلام = بس أشعر إن المسألة تنظير
ومرات أقول المجد للحكام = لكن أفضِّل موقع الوزير
وأحيان أساند موقف الخدّام = وأرجع أقول الموت للكسير
ومرات أقول إن الحياة إقدام = وأحيان أقول إن الجبان بخير
ومرات أحس بقيمة الأقلام = رغم الجهل به للعقل توفير
وفي يوم أقول المال ماينظام = وساعات أقول النوم للفقير
وفجأة أقول إن العقل أوهام = وأقوم أردد : العقل تنوير
فليل أحس بلذة الطعام = وكثير أحن لخبزة الخمير !
مرات أحس بريشة الرسام = ومرات أفضِّل لقطة التصوير
دايم أقول إن الشعر إلهام = لكن بعد ماأنكر التزوير !
لاجيت أحس بسجعة الحمام = تجيني أصوات الرعد نذير
لو هم يقولون الطرب حرام = أنا أقول المسألة تقدير !!
أحيان أحس الليل ابو الأيتام = ومرات أحسِّه للأحبه بير
أوربما يكون أبو الإجرام = والفجر ماهو دائماً تشهير
مرات أخص الورد باحترام = وساعات أشوفه فاقد التأثير
ومرات أحس الجوع للأيتام = ومرات أقول إنه لهم تطهير
لو جيت أصدِّق فكرة الأحلام = من وين أبلقى صادق التفسير ؟!
ولا جيت أصدِّق قصة الأفلام = وش لون أبقنع في حروب الزير ؟!
ومرات أصدِّق كذبة الإعلام = ومرات أكذِّب واقعٍ مرير
ومرات أشك إن الفضا هدَّام = ومرات أشوفه للبشر نصير
ومرات أقول أحوالنا تمام = رغم الألم والذل والتقصير
أيام أقول إن الأمل قدّام = وأيام أقول إن الأمل تخدير
سؤال من خالد وقبل العام = من حرقته سوّى علي إعْصَير
بريء لكنه يزيح لْثام = ويمكن يسبب صحوة الضمير
شعر \ حمدان بن سالم العنزي
doPoem(0)
ذاك الذي في طلعته سلام = وفي صوته ايشدك ندى التكبير
ذاك الهزيل اللي شمخ قدام = والجمع من خلفه غدا غفير
بعيون خالد ألمح استفهام = يبي يعرف اش صار وش يصير
( يبه ! يبه! ) يقول باهتمام = يبه هو الامام هو الأمير؟!!
ضحكت رغم الناس والزحام = سؤال مضحك بس هو خطير
مشيت أنا واياه بالظلام = وكأن خالد مايبي يسير
في خطوته بداية احتدام = أفسِّره فضوله المثير
كنت أتوقع لاحمى الكلام = يعيد لي سؤاله الكبير
لكنها مرت كما الكرام = مدري نسى أو صار مستخير
أو هو فهم رسالة الإحجام = أو مل من رتابة التأخير
أو اكتفى في عضة الإبهام = أو إن أصلا مايبي تفسير
خالد تركني شدِّه المنام = وبقى سؤاله سيِّد التفكير
مرات أجاوب : إنه النظام = لكن بعد هذا يبي تبرير !
ومرات أقول المجد بالاسلام = بس أشعر إن المسألة تنظير
ومرات أقول المجد للحكام = لكن أفضِّل موقع الوزير
وأحيان أساند موقف الخدّام = وأرجع أقول الموت للكسير
ومرات أقول إن الحياة إقدام = وأحيان أقول إن الجبان بخير
ومرات أحس بقيمة الأقلام = رغم الجهل به للعقل توفير
وفي يوم أقول المال ماينظام = وساعات أقول النوم للفقير
وفجأة أقول إن العقل أوهام = وأقوم أردد : العقل تنوير
فليل أحس بلذة الطعام = وكثير أحن لخبزة الخمير !
مرات أحس بريشة الرسام = ومرات أفضِّل لقطة التصوير
دايم أقول إن الشعر إلهام = لكن بعد ماأنكر التزوير !
لاجيت أحس بسجعة الحمام = تجيني أصوات الرعد نذير
لو هم يقولون الطرب حرام = أنا أقول المسألة تقدير !!
أحيان أحس الليل ابو الأيتام = ومرات أحسِّه للأحبه بير
أوربما يكون أبو الإجرام = والفجر ماهو دائماً تشهير
مرات أخص الورد باحترام = وساعات أشوفه فاقد التأثير
ومرات أحس الجوع للأيتام = ومرات أقول إنه لهم تطهير
لو جيت أصدِّق فكرة الأحلام = من وين أبلقى صادق التفسير ؟!
ولا جيت أصدِّق قصة الأفلام = وش لون أبقنع في حروب الزير ؟!
ومرات أصدِّق كذبة الإعلام = ومرات أكذِّب واقعٍ مرير
ومرات أشك إن الفضا هدَّام = ومرات أشوفه للبشر نصير
ومرات أقول أحوالنا تمام = رغم الألم والذل والتقصير
أيام أقول إن الأمل قدّام = وأيام أقول إن الأمل تخدير
سؤال من خالد وقبل العام = من حرقته سوّى علي إعْصَير
بريء لكنه يزيح لْثام = ويمكن يسبب صحوة الضمير
شعر \ حمدان بن سالم العنزي
doPoem(0)