قصيدتي الترحيبيه في أمسيتي الشعريه بمهرجان بريده

[عبدالعزيزالعنزي]

مشيـت لديـار الـوفـا والحمـيـه
اللي لهم مع ماضي الوقـت جـولات
ووجهت للقبلـه وانـا ارفـع ايديـه
الله يعـز اهـل العلـوم الجزيـلات
بضـلال مـن بالعـز مافيـه زيـه
فيصل بن بنـدر وريـث الزعامـات
وعضيده اللـي نفتخـر بـه سميـه
فيصل بن مشعل وقـف للصعيبـات
هـم عزنـا أهـل النفـوس الأبيـه
والطيب فيهم واصلن لـه مسافـات
واهـل بريـده نارهـم دوم حـيـه
واللـي نسـى أذكـره بالعقـيـلات
واليـوم شوفتنـا لهـم هـي هديـه
واكبـر هديـه والليالـي طويـلات
هم عزنـا فـي كـل موقـف وهيـه
والعـز يبغالـه مـع العـز وقفـات
الـلـي سوالفـهـم ورودن نـديـه
واليا احتمى الموقف مع الوقت جزلات
جينا لهم فـي يومنـا مـن عشيـه
وقمنا نتسابـق بالفـرح والمسـرات
لاهل العطا واهـل النفـوس القويـه
اللـي يحبـون الكـرم والـمـروات
وعزومهـم للضيـف ماهـي رديـه
ياما وياما قيـل فيهـم مـن ابيـات
ورد الثنـا والطيـب واجـب عليـه
واجـب عليـه والليالـي عسيـرات
يا اهل الشجاعه والنفـوس النقيـه
يا اهل الصخى والطيب بايام عسرات
انتم أسـاس العلـم والعلـم ضيـه
واهل العلـوم الحاضـره والقديمـات
الله يجنـبـكـم دروب الأذيــــه
ودروبكـم ياجعلـهـا بالسـهـالات
قلتـه بناسـن مـاتـرد العطـيـه
اهـل النوايـا الطيبـه والجمـالات
وانـا عزيـز وعـزوتـي وايلـيـه
اللي يهـدون الضـروف الشديـدات
صغيرهـم يرفـى خطايـا خـويـه
وكبيرهم يرقـى شموخـه مقامـات
انقـل لكـم منهـم سـلام وتحيـه
وازكـى سلامـن ينتهـي بالتحيـات
وختامهـا فـي كـل روحـه وجيـه
اخص انـا بريـده بكـل السلامـات
هـذا كلامـي مانطـقـت بخطـيـه
والمدح فيها ما يبـي لـه مـراوات

[الجهجاه]

صح لسانك وعلا شانك

ابيات من كريم لمستحق .. جزله

بيض الله وجهك

[عبْث]

صح إلســــــــــــــانك

يا عبدالعـــــــــــــزيز


ونعم بأهل القصيــم كلـــــه

ونعم بحيــــــك

[شيهانة]

قصيدة رائعة
ومعاني جزلة
والنعم بأهل بريدة
صح لسانك .. وسلم بنانك

[كاتم الونة]

الله الله الله

انعم واكرم بالجمييع

صح لسانك وعلا شانك يالغلاااااا

رائعة كـ روعة قلبك

جزلة

وافية

ابدااااااااع

لاهنت ولاهان غاليك

وافر التحايا

[منصور الجلعود]

وأنا عزيز وعزوتي وايليه

كفو والله يالبناخي
صح لسانك ياعبد العزيز
لاعدمناك

.

[ŘǻŶąŅ~ •●∫]

صح لسانك

وعلا شانك

[عبدالله المعزي]

صح السانك يا عبدالعزيز

مبدع في كل حالاتك وتتبع الابداع


والتميز الله يوفقك ونشوفك بأكثر من امسية

تقبل تحياتي

[عبدالعزيز الطلوحي]

صح لسانك يالسمي


كريم وهم يستاهلون



لاهنت يالذيب



تحيتي لك

[المهاجر]

صح لسانك اخوي عبدالعزيز