كسيرة القلب
23-06-04, 12:03 PM
السلام عليكم ورحمة الله وبركاته
هلا وغلا بكل خواتي اللي دخلوووا
اول شي وقبل لا ابدأ بالموضوع عندي شرط <<<<<< داخله تتشرط
شرطي اهو ان اي وحده تقرا موضوعي ماتطلع قبل لا ترد لاني الصراحه ماحب التطنيش خاصه اذا كتبت موضوع وانا متحمسه وجاني تطنيش احس بحباط
أتفقنـــــــــــــا
الصراحه بنات انا قبل كنت البس عباية كتف ونقاب لحظه لايروح تفكيركم بعيد العبايه اللي كنت البسها مسكره بالكامل وواسعه يعني لا شفافه ولا مخصره ولا من ها الخرابيط اللي يسونها بعض البنات ماعلينا المهم ما كنت ادري انها حرام الا بعد ما سمعت بعض المشايخ يحرمونها ومره شريت اشرطه دينيه وحطلي البايع بطاقات دعويه وفيها تحريم لبس عباية الكتف تبون الصراحه في داخلي اقتنعت انها فعلا حرام بس الشيطان اعوذ بالله منه كان دايما يوسوس لي ويطلعلي اعذار يعني مره يقولي اذا لبستيها الكل بيظحك عليج لان كل بنات عايلتنا يلبسون عباية الكتف حتى امهاتهم الا بعض الامهات للحين متمسكين بعباية الراس فكنت اتخيل شكلي وانا لابستها وهم يطالعوني ويظحكون علي ومره يقولي طيب عباتج مال الكتف مافيها شي واسعه مسكره ولا فيها زينه وماتلفت الانظار ليش ترمينها وتلبسين عباية راس ومره يقولي عباية الكتف عمليه اكثر من عباية الراس يعني اذا لبستي عباية الراس ما بتاخذين راحتج واذا لبستيها مع الغشوه لمسكره ما بتقدرين تشوفين عدل عكس النقاب بالنقاب تشوفين كل شي الصراحه كنت في صراع مع نفسي وكنت دايما ادعي ان الله يحبب عباية الراس الى قلبي لاني كنت مقتنعه فيها حتى مره حلمت اني لابسه عباية الراس وويهي زايد جماله المهم خبرت خواتي وحاولت اني اقنعهم بعباية الراس لانهم قبل ما كانوا مقتنعين وكنت اذا لبستها اجربها يظحكون علي المهم اختي اللي اصغر مني اقتنعت مع انها كانت قبل رافضه تلبسها وبشده بس الحمدالله الله هداها والبستها معاي الصراحه اختي ارفعت من معنوياتي
والله يا بنات اني بعد ما لبستها حسيت براحه نفسيه كبيـــــــــــــــــــــــــره وسعاده و صدري انشرح لاني كنت دايما اقول ربي اشرح لي صدري ويسرلي امري وحسيت ان هاذي فعلا العبايه اللي تستر المرأه مب عباية الكتف والله العظيم احس وانا لابستها اني مثل الجوهره الثمينه اللي محطوطه بصندوق ومسكر عليهاو محد يقدر يوصل لها
نصيحه بنات اي وحده مقتنعه بعباية الراس بس الشيطان يوسوس لها تتعوذ منه وتدعي الله يشرح صدرها وتلبسها حتى لو تلبسها اتجربها والله صدقوني راح تحسون براحه نفسيه وسعاده احساس ماينوصف والله يابنات حسيت اني صرت قريبه من الله اكثر لا تخلون الشيطان يسيطر عليكم لان اهم شي رضى الله سبحانه وترا عباية الراس حلوه والله اتزيد من جمال البنت والله يوم لبستها وشافتها علي زوجة اخوي قالتلي صايره وايد حلوه حتى لما رحت مره للدكتوه وكشفت عن ويهي وشافتني صارت عيونها جذيه والله يابنات ماصدقت ان عمري في العشرينات على بالها اني اصغر بوووووووووووايد ^_^
حتى امي الله يرحمها قبل كانت دايما تقولنا لو تلبسون عباية الراس احسن من عباية الكتف فديت روحها الله يسكنها جنات الفردوس اللهم آمين.
آسفه بنات طولت عليكم اعذروني
انتظر ردودكم
(w99)
هلا وغلا بكل خواتي اللي دخلوووا
اول شي وقبل لا ابدأ بالموضوع عندي شرط <<<<<< داخله تتشرط
شرطي اهو ان اي وحده تقرا موضوعي ماتطلع قبل لا ترد لاني الصراحه ماحب التطنيش خاصه اذا كتبت موضوع وانا متحمسه وجاني تطنيش احس بحباط
أتفقنـــــــــــــا
الصراحه بنات انا قبل كنت البس عباية كتف ونقاب لحظه لايروح تفكيركم بعيد العبايه اللي كنت البسها مسكره بالكامل وواسعه يعني لا شفافه ولا مخصره ولا من ها الخرابيط اللي يسونها بعض البنات ماعلينا المهم ما كنت ادري انها حرام الا بعد ما سمعت بعض المشايخ يحرمونها ومره شريت اشرطه دينيه وحطلي البايع بطاقات دعويه وفيها تحريم لبس عباية الكتف تبون الصراحه في داخلي اقتنعت انها فعلا حرام بس الشيطان اعوذ بالله منه كان دايما يوسوس لي ويطلعلي اعذار يعني مره يقولي اذا لبستيها الكل بيظحك عليج لان كل بنات عايلتنا يلبسون عباية الكتف حتى امهاتهم الا بعض الامهات للحين متمسكين بعباية الراس فكنت اتخيل شكلي وانا لابستها وهم يطالعوني ويظحكون علي ومره يقولي طيب عباتج مال الكتف مافيها شي واسعه مسكره ولا فيها زينه وماتلفت الانظار ليش ترمينها وتلبسين عباية راس ومره يقولي عباية الكتف عمليه اكثر من عباية الراس يعني اذا لبستي عباية الراس ما بتاخذين راحتج واذا لبستيها مع الغشوه لمسكره ما بتقدرين تشوفين عدل عكس النقاب بالنقاب تشوفين كل شي الصراحه كنت في صراع مع نفسي وكنت دايما ادعي ان الله يحبب عباية الراس الى قلبي لاني كنت مقتنعه فيها حتى مره حلمت اني لابسه عباية الراس وويهي زايد جماله المهم خبرت خواتي وحاولت اني اقنعهم بعباية الراس لانهم قبل ما كانوا مقتنعين وكنت اذا لبستها اجربها يظحكون علي المهم اختي اللي اصغر مني اقتنعت مع انها كانت قبل رافضه تلبسها وبشده بس الحمدالله الله هداها والبستها معاي الصراحه اختي ارفعت من معنوياتي
والله يا بنات اني بعد ما لبستها حسيت براحه نفسيه كبيـــــــــــــــــــــــــره وسعاده و صدري انشرح لاني كنت دايما اقول ربي اشرح لي صدري ويسرلي امري وحسيت ان هاذي فعلا العبايه اللي تستر المرأه مب عباية الكتف والله العظيم احس وانا لابستها اني مثل الجوهره الثمينه اللي محطوطه بصندوق ومسكر عليهاو محد يقدر يوصل لها
نصيحه بنات اي وحده مقتنعه بعباية الراس بس الشيطان يوسوس لها تتعوذ منه وتدعي الله يشرح صدرها وتلبسها حتى لو تلبسها اتجربها والله صدقوني راح تحسون براحه نفسيه وسعاده احساس ماينوصف والله يابنات حسيت اني صرت قريبه من الله اكثر لا تخلون الشيطان يسيطر عليكم لان اهم شي رضى الله سبحانه وترا عباية الراس حلوه والله اتزيد من جمال البنت والله يوم لبستها وشافتها علي زوجة اخوي قالتلي صايره وايد حلوه حتى لما رحت مره للدكتوه وكشفت عن ويهي وشافتني صارت عيونها جذيه والله يابنات ماصدقت ان عمري في العشرينات على بالها اني اصغر بوووووووووووايد ^_^
حتى امي الله يرحمها قبل كانت دايما تقولنا لو تلبسون عباية الراس احسن من عباية الكتف فديت روحها الله يسكنها جنات الفردوس اللهم آمين.
آسفه بنات طولت عليكم اعذروني
انتظر ردودكم
(w99)