ساعدوني تكفون للقصيميات بس

[ساره]

للقصيميات سلام ارق من النسمه الى النسائم العطره ****
انا مسجله جديده ومثل ماتشوفون واضح اني اول مره ادخل او اسجل في منتدى لذلك سامحوني على التقصير مقدما(w99)(w99)(w99)

بس ابي خدمه تكفن ابي شنط سهره تكون حلوه وفيها شك بس مالقيت دلوني سواء ببريده ولاحولها زواج اخوي قررررررررررررب:eek:
مشكورات مقدما

[حنونه]

اذا كنتي تقصدين اسواق في العثيم محل عنده شنط حلوه مررررررره وللسهره بس للأسف ماعرف اسمه بس هو موجود بالدور الأول بجانب مصلى النساء ..

وفي سوق الصفرا لو كنتي تعرفين الصفرا محل اسمه يافا برضه عنده سنط حلوه وللسهره
اتمنى تتوفقين بهالمحلين ومبروم لأخوكي مقدماً

[بنت نجد]

بسم الله الرحمن الرحيم

السلام عليكم ورحمة الله وبركاته

هلاااااا ومليوووووووون غلااااااااا بسارتنا الحبيبة

نورتي المنتدى ...

بس ملكمتك بالرياض .. إذا تبين شي بالرياض تدللي ..:)

حفظكِ الله ياغاليتي ..

محبتكِ

بنت نجد

(j)

[مستغرب]

ممكن تروحين لقبة رشيد

فيه شايب عنده شنط حلوه

حبيت بس اساعد

[ساره]

سلام لاحلى ردود مشكورات يا الغاليه بنت نجد على هالمبادره وماتقصرين (w99)(w99)(w99)
وانتي عاد ياحن من الحنان وين المحل في القسم الجديد ولا القديم رحت ومالقيت وكفخني زوجي قال لعبوا عليك حقين النت(g)(g)(g)
وانت عاد لاتزودها يامستغرب بلا لكاعه وعلى العموم مشكور عالمرور والشرطه(oo)(oo):p:p

[حنونه]

اجل تكفختى معليش ضرب الحبيب احلى من الزبيب يمون ابو العيال المهم ياحبيبتي المحل اللي قلت لك عليه في العثيم القديم وطبعا انا قلت لك بجانب مصلى النساء والمصلى موجود في العثيم القديم عموما عندي شنط خيال مقشقشتها من اندونيسا اذا تامرين عليها تراها حلالك ....

[مستغرب]

صار فيه عثيم جديد وعثيم قديم .. أمداه يفتح

لا حول ولا قوة الا بالله .... شئ محزن

بعدين انا ما تلكعت حقيقه الشايب هذا عنده شنط سهره تهبل العقل تهبيل

وعلى خمستريل ... يا بلاش

أعان الله الرجال على مصاريف النساء

[شيخة الكعبي]

مستغرب هههههههههههههههههههههههههههههههههههههههههههههههههه هه

خمس ريال هذي حق اللعب مو سهرة

بقولك الحريم اذا بيشترون شنط ماركات وحق سهرات واعرااس ترا يوصل سعر الشنطة الوحده تقريبا 500 ريال عادي عادي لا اطير عيونك ههههههههههههههه

هذا هو ابو الاسراااف اما كذا والا بلااااش ، اقول يابنات اعقلن شووي تراكم فشلتونا

انا الصراحة لحد الان ماجربت شنطة بهالسعر وااي احس تبذير وحرام <<< اقول وخري بس

( شكلي بنشاات الحين ) لحظه لحظه ابطلع بكرامتي لووووووول


سلااااااااااااااااام حبيباتي