يايوه والله لو على الكيف ماغيب

[مخاوي الشعر]

لما سمع من اخيه / فايح قصيدته بامه فاضت قريحته وزاد اشتياقه لامه " حصة "ولم يلبث الا ان كتب هذه القصيدة التي بعنوان
--------------- ( يايوه ) -----------------

قال في قصيدته :

سر يا قلم رتب من القاف ترتيب ==
واسحب من اضلوعي صفوح وكتايب

والحبر من دمع غزير مصابيب ==
دمع حدر من غير عد وحسايب

غالي ويرخص لابدن المواجيب ==
تستاهله منهي تعز الجنايب

تستاهله حصة على العز والطيب ==
ام الرجال اللي برتها المصايب

سر ياقلم وليا كتبت المكاتيب ==
ارسل مع المندوب تيك الكتايب

بلغ سلامن من حشالجوف للذيب ==
واردف سلامي من لطيف العتايب

اشعلت يا " فايح "سعير اللواهيب ==
والهبت جوف ملهبته اللهايب

اسهرت عيني ظل دمعي سواكيب ==
وابديت هم غارز بالصلايب

هم يروب صافي الدم ترويب ==
يحرق معاليق الحشا والترايب

همك على امك مثل همي بتقريب ==
والكل منا سندته الركايب

يايوه والله لو على الكيف ماغيب ==
العذر يابرد الحشا والهبايب

يايوه مابعدي لدنيا وتغريب ==
ولا بدور ناعمات السلايب

ولا اشغلن عنكم صغير بتلعيب ==
ولا الكبير اللي تعلى النجايب

يايوه بعدك صلب القلب تصليب ==
وامسيت من بعد ازهر العود شايب


ماكنت اظن اني مع الوقت باشيب ==
ليما الحنين اكثر علي الطلايب

يايوه بعدي في سجون وسراديب ==
الله من كثر العنا والتعايب

يايوه والله ما وطيت العذاريب ==
ولا قربت من الدنس والمعايب

ولو قالو العدوان مخطي فانامصيب ==
ماشي على درب النبي والصحايب

كم واحد منا طوته الغياهيب ==
وكم واحد معنا جروحه عطايب

ياما اطرقتهم حاميات المشاعيب ==
مكبلين اقيودهم والعصايب

يا ميمتي راحوا اخواني تشاعيب ==
مسجنين مطردين ونهايب

احد على كوبا وثاني بتلبيب ==
واللي معي يايوه قرب الحبايب

تهمتهم التوحيد هز المحاريب ==
غيرة على اعراض تغصب غصايب

اطفال وشيوخ كبار محاديب ==
سالت دماهم بالسكك والثعايب

ارسل بعضهم البعضهم مناديب ==
هبوا لنصرة دينكم يالغرايب

يايوه دربي محتف بالمصاعيب ==
ويسهله منشي ثقيل السحايب

فالصبر يمه يوردك للمشاريب ==
والصبر يرخي لك دروب صعايب

يايوه نصر الدين يحتاج تطبيب ==
الدين يبغيله رجال صلايب

الشاعر المأسور/ أخو شاعر الثقلين

وننتظر رد الاخ فايح عليه


والسلام عليكم

[النجديه]

صح السان الشاعر

وتسلم يديك ياخوي على هالنقل الرائع

شرفتنا ونورتنا في هالحضور

يعطيك العافيه يارب

واحنا في انتظار جديدك القادم

ينقل الى قسم الاشعار المنقوله

[مخاوي الشعر]

وصح بدنك يانجدية

لحظة
لحظة
لحظة

كيف منقول ؟

هذا طازج

اول مرة تنزل القصيدة

هذه القصيدة مازالت طرية

افا عليك بس

مخاوي الشعر يجيب مثلجات او مبردات

اقلها يقول منقول

ماترين القصائد اللي اضعها هنا قليلة

لاني لا اجلب الا طريا

قويا

ذوا معاني مناسبة

وعواطف مؤثرة

خرجت من بين اضلاع كالقضبان

فبها ظهر حال الشاعر وبان

---------


اختنا راوية المنتدى

هل تعرفين شاعر الثقلين ؟

انتظر الرد

ولو بالرموز

ولعلنل بالجنة نفوز

والسلام عليكم

[مخاوي الشعر]

رسالة لأخت نجدية
اذا تكرمتي
ترجعينها حيث كانت
وماهو المكان المناسب الذي اضع فيه رد الأخ فايح على هذه القصيدة
شاكرا تعاونكم

[only one]

كم واحد منا طوته الغياهيب ==
وكم واحد معنا جروحه عطايب



قصيده معبره

صح لسان الشاعر

والله يبيض وجهك

[only one]

كم واحد منا طوته الغياهيب ==
وكم واحد معنا جروحه عطايب



قصيده معبره

صح لسان الشاعر

والله يبيض وجهك

[النجديه]

السلام عليكم ورحمة الله ..

اخوي مخاوي انا اقصد بكلمة منقول للقصيده وليست للموضوع وتسلم يديك على هالمشاركه

رسالة لأخت نجدية
اذا تكرمتي
ترجعينها حيث كانت
وماهو المكان المناسب الذي اضع فيه رد الأخ فايح على هذه القصيدة
شاكرا تعاونكم

المكان المناسبه لها ياخوي قسم الاشعار المنقول

وانا نقلتها من قسم قصه وقصيده الان الموضوع قصيده خاليه من قصه ..

تحياتي لك ياخوي

[مخاوي الشعر]

السلام عليكم
ماقصرتي
اشكرك على حسن الإعتناء
سوف اكتب الد قريبا
ان شاء الله

[مخاوي الشعر]

والان اليكم الرد من الاخ فايح

سأفرد له موضوع باسم :ياشيخ لو تكثر علي المطاليب

واترككم مع الرد