لاصار همي باين في عيوني ... الفريق أول

[فريق أول]

بسم الله الرحمن الرحيم ،،



لاصار همي باين في عيوني
وش اللي يجبرني أضحك مع الناس

أجامل العالم وأخفي شجوني
ماينفع الكتمان في جرح الإحساس

إن جيت أتصبر وأتحمل طعوني
تفضحني العبره وأنا بين جلاس

وإن جيت أمسح دمعتي سائلوني
وش فيك تنثر دمعة مالها ساس

ضافت بي الدنيا يوم انشدوني
وهلت سحابه مدمعي بغير مقياس

قالوا لي انس حب ذيك العيوني
قلت البلا نسيانها قطع الانفاس

هذي نهاية حبنا يا فتوني
ترضى لي امشي بحبكم حاني الراس

إن كان هذا قصدكم اعذروني
الكرامه ماالله ومر إنها تنداس





الفريق أول

[أم أديم]

إن جيت أتصبر وأتحمل طعوني
.................................تفضحني العبره وأنا بين جلاس
وإن جيت أمسح دمعتي سائلوني
.................................وش فيك تنثر دمعة مالها ساس


(kk) (kk) (kk)

صح لسانك يالقائد الاعلى

[مهــــــــــا]

صح لسانك

[محروم من قربك]

ضافت بي الدنيا يوم انشدوني
وهلت سحابه مدمعي بغير مقياس


تسلملي على النقل الرائع:rolleyes:

[بونواف]

رائعه ماشاء الله :)

من جد ابداع:rolleyes:

[روح الحوووت]

فريق اول تسلم يمناك وصح لسانك

[المياسه]

سيدي الفاضل فريق اول.


هلابك ومرحبا ..كم اسعدني ان ارى مشاركه لك بعد طول غيابك..

اتمنى لا تحرمنا من هذه الرواائع تسلم يمناك ولا عدمنااك..

[فريق أول]

قصيميه ،،،

مهـا ،،

المحروم ،،

بو نواف ،،

روح الحوت ،،

المياسه ،،


الله يسلمكم ،، وألف شكر على مروركم ،،

للمعلوميه القصيده منقوله ،،


تحياتي


الفريق أول

[هبه]

القصيده منقوله يعني مو انت الي كاتبه صح كذا

اهم شي انها جازت لي بالحيل بالرغم من الحزن الي تحمله معاني القصيده

هذي نهاية حبنا يا فتوني
ترضى لي امشي بحبكم حاني الراس

إن كان هذا قصدكم اعذروني
الكرامه ماالله ومر إنها تنداس

تأثرت مره بالهبيتين

[سكري]

وش اللي يجبرني أضحك مع الناس ------------->
المفروض يقول ------(يا ويش يجبرني ابضحك مع الناس)
إن جيت أتصبر وأتحمل طعوني ------------->
المفروض يقول ------ (وجيت اتصبر واتحمل طعوني)

الكرامه ماالله ومر إنها تنداس --------------->
المفروض يقول ------(و الله امر ان الكرامة ماتنداس)

اخي العزيز فريق اول
ممكن تكون كذا احسن
ممكن ولا الا يافريقنا العزيز
من غير ليه ولا زعل
بكل رحابة صدر
تكون كذا


لاصار همي باين في عيوني
الضحك ماله يمة القلب جلاس

أجامل العالم وأخفي شجوني
ماينفع الكتمان في جرح الإحساس

وجيت أتصبر وأتحمل طعوني
تفضحني العبره وأنا بين جلاس

وإن جيت أمسح دمعتي سائلوني
وش فيك تنثر دمعة مالها ساس

ضافت بي الدنيا يوم انشدوني
وهلت سحابه مدمعي بغير مقياس

قالوا لي انس حب ذيك العيوني
قلت البلا نسيانها قطع الانفاس

هذي نهاية حبنا يا فتوني
ترضى لي امشي بحبكم حاني الراس

إن كان هذا قصدكم اعذروني
و الله امر ان الكرامة ماتنداس
فريق اول
متحقدش علية

[سكري]

تكرر جلاس مرتين يفسد الذائقة الشعريه بس خلونا نقول الثانيه
تفضحني العبرة وانا بين جلاس

تفضحني العبره وأنا بيـن هالناس
هالناس حلووووه
على كيفك ياسكريوه
قم بس قم
باند باند باند

[ابو رزيق]

لو اعلم لم تموت الفرحه وليده في العيون

وتحتضر البسمه على الشفاه الحزينه


قصيدة جميلة جدااااااا


والله لا يجيب الهم للمسلمين

شكرا لك اخي فريق اول

[فريق أول]

الأخت الفاضله هبه
صح .
ويهمني أن يكون اختياري نال اعجابكم

تحياتي

الفريق أول

[فريق أول]

حبيب ألبي سكري
وين الناس يا حول
قاطع مالك شوف :)


الغالي سكري
اللي أنت تقوله صح
بس اذا عرف السبب بطل العجب (aqwa)

اخوي سكري
خلنا ( نشوتك ) :)
لا تقطع ، ترى ( أبكوِّش ) عليك (aqwa)


تحياتي يا غالي


الفريق أول

[فريق أول]

الغالي أبو رزيق

ألف شكر على تشريفك

لك تحياتي


الفريق أول

[فريق أول]

0
0
0

قصيده أهديها للي في بالي ،،،


ما عاد باقي في حياتي موده
ولا عاد باقي في الزمن شيء أرجيه

حلمي كبير ورمح الأقدار هده
وقلب تحطم كيف تجبر هقاويه

مليت جزر الأيام مليت مده
مليت حتى ثوبي اللي أنا فيه

وين أنت ياللي بحر الأيام لده
وين أنت ياللي بح صوتي أناديه

ليت البحر عينك وأنا أصير جده
وأسكن على موجك واضمه واداريه

وليتك سألت الجفن عن حال خده
وإلا سألت الحال عن سكته التيه

إلحق على قلب تحبه وتوده
قبل الشقي لا يدفن ثياب راعيه



الفريق أول