سوال- كيف بدات في منتديات (قصيمي نت).. وما الذي جعلك تكمل .

[** عابر سبيل **]

سألني واحد بعد ما شاف تعلقي بالمنتدى وشدة إهتمامي به , لدرجة إنه في الأسابيع الماضيه كان أشغال لرآسي ومع ذلك يجيني الرجال ويلقاني عالنت
فهو إستغرب هذا الإهتمام , وسألني سؤال حلو , هو ماهو سؤال هي عدة أسئله , وبأوجها لكم :
كيف عرفت المنتدى و وش اللي شدك له عشان تسجل به ؟
طيب فيه عضو راح ولا عاد جا و إفتقدته ؟
طيب فهو عضو يهمك إنه ما يترك المنتدى ,؟
تذكر أول مشاركه لك مين أول واحد رد عليها , وليش شاركت من الأساس ؟

أسئله كثيره وجها لي , وفكرت فيها قلت اللي بالمنتدى ما جو من كوكب ثاني أكيد لهم قصه مع منتديات (قصيمي نت) , راح أقص قصتي وكل واحد يقص قصته وأسمع أنت وياه أقول فيه عضو واحد يهمك أكتب عضو واحد , مالها داعي تكتب عشره أو تقول جميع الأعضاء ترى ما فيها شي ولا راح أحد يزعل من أحد جاوبوا خلوا عندكم جراءه لمواجة الآخرين .


ياليت كل عضو يشارك وأهم شي الأعضاء القدامى اللي صكوا خمس آلاف وستة الآف مشاركه اللهم لاحسد ما ني حاسدكم , وأهم شي أبو عشر آلآف الله يزيده , لأن هذولا اللي تلقاهم مليانين مواقف .


صح كيف تعلموت تسوون تواقيع , وكيف كان أول توقيع زين شين مش حالك
, أبغى كل شي تكتبونه , نبغ نضحك شوي , ونتذكر اللي راحوا ولا ردوا .

[** عابر سبيل **]

بدايتي بصراحة في النت كانت اجراء (بحث في مادة الكيمياء) وتطور الامر من بحث -->> شات-->> منتديات كثيرة . لكن بصراحة على كثر المنتديات اللي زرتها ما وجدت مثل اللي وجدتة في قصيمي نت من حيث الشمولية وتميز المواضيع . اما الاعضاء اللي
فقدتهم بصراحة ( ما فقدت احد) لا ني (عضو جديد)هههههههههههه .
وتقبلوا تحياتي------->>> عابر سبيل .

[علوووش]

هي عدة أسئله , وبأوجها لكم :كيف عرفت المنتدى و وش اللي شدك له عشان تسجل به ؟

تسد قلت الجواب بحوار سابق

ومايمنع نعيده لعيونك يالبراده

كنت ابسجل بموقع قصمان غير هذا وكان التسجيل مغلق عندهم

وقصيمي نت كان محجوب قبل سنه

وطبيت على هالموقع عقب ماركبت ستالايت

لأن الستالايت مايوقف بوجه اي موقع محجوب

وكملت مع هالوجيه السفره الى يومك هذا

طيب فيه عضو راح ولا عاد جا و إفتقدته ؟

عنتره وفهد السعوديه

هالثنين تحفه ومنسمين واتمنى عودتهم اليوم قبل باتسر

طيب عضو يهمك إنه ما يترك المنتدى؟

واجدين الأخوان والأخوات اللي مانبيهم يتركون قصيمي نت

وصعبه نترك ناس عرفناهم مده طويله ونحدد واحد بينهم بس

ونبخس حق الباقين

تذكر أول مشاركه لك مين أول واحد رد عليها ,

لا والله ما أذكر

الوكاد إني من أول يوم لي هنا وأنا أمشي وأحارش الأعضاء

بس بحدود الأدب

وليش شاركت من الأساس ؟

كمخه أنت ؟

هالسؤال نفس أول سؤال (vv)

أسئله كثيره وجها لي , وفكرت فيها قلت اللي بالمنتدى ما جو من كوكب ثاني أكيد لهم قصه مع منتديات (قصيمي نت) , راح أقص قصتي وكل واحد يقص قصته وأسمع أنت وياه أقول فيه عضو واحد يهمك أكتب عضو واحد , مالها داعي تكتب عشره أو تقول جميع الأعضاء ترى ما فيها شي ولا راح أحد يزعل من أحد جاوبوا خلوا عندكم جراءه لمواجة الآخرين .

يسد اللي كتبت من اسئله

وقلت لك يابعدي منب محدد واحد

وأترك هالطيبين اللي عرفناهم من سنه وزود كلهم

صعبه أوي

ياليت كل عضو يشارك وأهم شي الأعضاء القدامى اللي صكوا خمس آلاف وستة الآف مشاركه اللهم لاحسد ما ني حاسدكم , وأهم شي أبو عشر آلآف الله يزيده , لأن هذولا اللي تلقاهم مليانين مواقف .

لاعاد اشوفك كاتبن بأزرق غير هالنوبه

مواقف << داخلن بالعثيم انت



صح كيف تعلموت تسوون تواقيع , وكيف كان أول توقيع زين شين مش حالك

, أبغى كل شي تكتبونه , نبغ نضحك شوي , ونتذكر اللي راحوا ولا ردوا .


أول توقيع لي وهو سبب المصايب والمعايير كلهن

هالمملوح ذا (q33)

http://www.abuein.com/images/images/807ensaaaan.jpg

[الـمـصـمـم]

:) رجعتني للوراء

كانت بدايتي مع قصيمي في اول يوم من انطلاقته كان اسم الموقع ( فحط مع السعلو ) ثم تغير إلى (قصيمي نت )

انطلق الموقع في بداية عام 2002 طبعا ما كان فيه منتديات وقتها فقط روابط تشعبيه وبعض البرامج والمقالات الساخره و قسم الحياة الزوجية وملحقاتها :)
لما افتتح المنتدى في شهر عشرة عام 2003 سجلت فيه وشاركت في بدايته وكان معي مجموعة من عمالقة المنتديات القدامى من ضمنهم

الحبيب ناصر صاحب الموقع وصفر سبعة ونجم وابو فارس والحر والمدمرة واعضاء لا تحضرني اسمائهم ..كنت في ذلك الوقت مواظب على دخولي المنتدى

لكن بعد اول هجوم على المنتدى من قبل هكرز قطري الله لا يوفقه انقطعت عن قصيمي وعن النت بشكل عام لعام كامل طبعا مشاركاتي طارت ما بقى منها الا 63 مشاركة ههههههههههههه تدبرت وضعي فيها من رجعت لقصيمي والان ماشي زي الحلاوة بدون انقطاع لكن مشاركاتي قليلة لاني احب اطّلع واتصفح اكثر من اني اكتب واشارك

[سارة هالزمن]

ذكرياات (qq172)

كنت اعرف قصيمي منذو مبطي بس جيتي له كعضوه
لها موال ثاني
اول من رد علي ستار وابو شدق وعلوش ومهرة وشيهانه بموضوعي الملغم (q79)
الاعضاء اللي مانسيتهم
الدلوووعه ام التنبيش وعنتررة وفهد السعودية ومجنون فيها والحمد لله الاخير رجع (qq172)

,

سعيده يوم قريت رد المصمم
معلومات جديدة عن السعلو خخخخخخخ

والقطري ماندري وينه يمكن ربي هداه !

[سكروب 14]

كيف عرفت المنتدى و وش اللي شدك له عشان تسجل به ؟




الإجابة على السعال الأول : تعرفت على المنتدى زي مايتعرف كل رجل على مراتوه .. خطبنا همن اعرسنا وصلى الله وبارك (a14)

خخخخخ .. أمزح < لا وذي به صدز يالذهين ؟؟

تعرفت على المنتدى ببحثي على قوقل .. كنت أبحث عن قصص في موضوع بحث بالمدرسه .. ومن ضمن المواقع الي شاهدته كان قصيمي نت .. وقصيمي نت كان معروف عندي بمقاطع ياسر التويجري .. الي من ضمنهن : ينام السيف << هذي معجبتن بقوه

أهم شي أنا مادخلت المنتدى على طول بتلت أتردد على الصفحة الرئيسية إلين ماقدر الله ودخلت لم المنتدى .. والتقيت بالشهبان الملحان .. << يكفي


طيب فيه عضو راح ولا عاد جا و إفتقدته ؟


عضو راح ولا عاد جاء .. امممممم صراحة العيال ذكروه .. (فهد السعودية) عجل الله فرجه


طيب فهو عضو يهمك إنه ما يترك المنتدى ,؟



عضو يهمن إنه مايترك المنتدى .. انا طبعا لانهم راح يفقدونن (a14)

عندي عضوين مهمين بالمنتطى الي هم ( جنط السفينه & علوووش )

لو راحوا راح أتأثر وابكي لفراقهم ..


تذكر أول مشاركه لك مين أول واحد رد عليها , وليش شاركت من الأساس ؟


أول مشاركة لي كانت .. الأصمعي والعاشق ..

قصة قريته بكتاب وجيت وكتبته عند الشهبان .. أذكر ثاني رد على هالموضوع : كان من المهره ..

[علوووش]

^^

^

تحبن يابو مفك

[ابو شدق]

كيف عرفت المنتدى و وش اللي شدك له عشان تسجل به ؟

عرفته عن طريق سي دي اخذته محتاج برامج ولقيت الموقع وطبيت بالموقع وبعدين المنتدى ولزقت بوه

طيب فيه عضو راح ولا عاد جا و إفتقدته ؟

اي عضو راح فاقدينه

طيب فهو عضو يهمك إنه ما يترك المنتدى ,؟

كل الاعضاء مابيهم يتركون المنتدى << وش فرقه عن السؤال الاول

تذكر أول مشاركه لك مين أول واحد رد عليها , وليش شاركت من الأساس ؟

والله من قل ماتذكرت اول مشاركه (q31)



حتى اول توقيع ماذكره

عافاك يالسبيل

[المتحد]

كيف عرفت المنتدى و وش اللي شدك له عشان تسجل به ؟
كح كح تصدق ماأدري (qq152)



طيب فيه عضو راح ولا عاد جا و إفتقدته ؟

اللي راحوا ولا جوا وافتقدناهم كثير
واللي أنا افتقده واحد(z)


طيب فهو عضو يهمك إنه ما يترك المنتدى ,؟


شووور> ناوي ابعاد


تذكر أول مشاركه لك مين أول واحد رد عليها , وليش شاركت من الأساس ؟



خخخخخخخ شكلك مصري أنا عشاي قبل البارح مدري وشو
.

[المُهرة]

كيف عرفت المنتدى و وش اللي شدك له عشان تسجل به ؟
عن طريق سيد قوقل الله يخليه لكل عين ترجيه :o

طيب فيه عضو راح ولا عاد جا و إفتقدته ؟
كل من غاب اكيد راح نفقده
واخص بالذكر ( دلووووعة ، الجلكسي )

طيب فهو عضو يهمك إنه ما يترك المنتدى ,؟
الجميـع
يهموني أنهم مايتركونا ويروحون

تذكر أول مشاركه لك مين أول واحد رد عليها , وليش شاركت من الأساس ؟
لا والله ما اذكر
بس ليه سجلت الا عشان اشارك أنت وسؤالك يا البراده (vv) << حقوق اللقب لأبو كشيشه (q79)
وأول توقيع كان من الغلا الجلكسي
الله يسعد قلبها وين ماكانت

ويا ماااال الكلمووو خيوووو بقصيمي عامه
وبقسم توسعة الصدر خاصه :)

[** عابر سبيل **]

مشكورين على المرور الاكثر من رائع والله لا يجعلنا نفقد احد000
تقبلو تحياتي -------->> عابر سبيل 0

[مدرعمه]

كيف عرفت المنتدى و وش اللي شدك له عشان تسجل به ؟

عرفته من بنات خالاتي(شباصه وطايرتن بوهته) الله لايحرمن منهم


طيب فيه عضو راح ولا عاد جا و إفتقدته ؟

كل الاعضاااء اللي راحوا اكيد بنفقدهم

طيب فهو عضو يهمك إنه ما يترك المنتدى ,؟

كل الاعضاااء

تذكر أول مشاركه لك مين أول واحد رد عليها , وليش شاركت من الأساس ؟

والله فاقدين الذاكره مانذكر شي...