حمدان العنزي
19-01-07, 01:13 AM
ياعبيد (درهش) للمعز والشويهات = وإترك علومٍ تاليتها حسافة
خلّك (بأحامر ) (والمرا ) والبحيرات = وين إنت وعيون المها والرصافة
أبْكْ إنثبر واشبع من الخبز باسكات = ياشين لاتجني عليك اللقافة
إنْ طعتني شفّر جميع المحطات = إنت بدوي وش عرّفَك للثقافة
بعض الطواري يالبناخي خطيرات = وبعض الحكي مثلك لزومٍ يخافه
مادام ضلعك هش والعيشة فْتات = ياعبيد حاسب ماانت ناقص كسافة
وش فطَّنََك بأمجادنا والفتوحات = وتندب على سيفٍ غزيرٍ رعافه !
مدام مالك ذنب بالإنكسارات = ومدام فارس عبس صاخن لحافه
والعرش سالم والدراهم رهيّات = وسلاحنا يلمع بريق ونظافة
لاتندهش لاشفتنا بعض الأوقات = نبلع مذلة و إنتحمّل سخافة
من أبجديات السياسة وباثبات = إن القوي مشهود له بالحصافة
لو صنّف الجربوع ضمن النباتات = يجوز له وإنْ ضاف معه الزرافة
ياخبيل وش يدريك هذي سياسات = وإنت إتْحَسبها مسكنة أومخافة !
لاعاد تسأل ليه صرنا دويلات = يكفي توحِّدنا صحون الكنافة
ابلش بورعانك وأد الصلاوات = مرفوعةٍ ياالقرم عنك الكلافة
ماهو قصورٍ فيك ياناكر الذات = إلاّ القصور بمدِّعين العرافة
هذازمان المصلحة والذهانات = ومن الصدف تلقى المشاعر مضافة
ياعبيد أنا أدري فيك راعي مروّات = وفي قلبك الطاهر بياض وصخافة
تنهيدتك فيها علوم وحكايات = فيها من الرقة بقدر الصلافة !
ترى النخاوي في زمنّا جنايات = لاتنشد الإحساس مامن رهافة !
وتصبح ( خبر عاجل ) بكل القناوات = ويصير ذنبك هو حديث الصحافة
وتصير من اهل الفتن والجماعات = وتصير ماانت (عبيد ) يابوسلافة
وإنْ كنت تنشد عن عراق الحضارات = بدال آفة صابته الف آفة
ماكن ثوّر فيه عج البطولات = كفّ الطمع متولّمه لاختطافه
أدري طعن قلبك صياح العفيفات = ينخن غلامٍ ماتحدِّه مسافة
يطيح نجم ويختنق حلم الأصوات = وغلامنا ماحدٍ سمع به وشافه !
الله وأكبر كيف تسبى الشريفات = عند العلوج أهل الخنى والجيافة
ياالله دخيلك كيف صارن رقيقات = عقب حياة عامرة باللطافة
ياناس هذا سابع المستحيلات = ياناس هذا فوق فوق الخرافة !
ياحرقة النهرين والله ( حرامات )= تسرح جيوش الشرك بأرض الخلافة
وحنّا نزايد بالخطب والشعارات = أبطال مسرح مارضينا الوصافة
شبابنا تشبّهوا بالبنيّات = همومهم بين السفر والقيافة
وخيولنا ياعبيد ماهن جديرات= إلاَّ بميدان الحلا والنحافة
ماادري ردى فرسان وإلاّ رديّات = سؤال مشبع بالألم والطرافة
ماعاد باقي غير عدل السموات = ياأمّتي وين الرَّحَم والصخافة !
شعر \ حمدان سالم العنزي
** (أحامر ) و (المرا ) و (البحيرات ) مناطق بريّة شمال السعودية .
doPoem(0)
خلّك (بأحامر ) (والمرا ) والبحيرات = وين إنت وعيون المها والرصافة
أبْكْ إنثبر واشبع من الخبز باسكات = ياشين لاتجني عليك اللقافة
إنْ طعتني شفّر جميع المحطات = إنت بدوي وش عرّفَك للثقافة
بعض الطواري يالبناخي خطيرات = وبعض الحكي مثلك لزومٍ يخافه
مادام ضلعك هش والعيشة فْتات = ياعبيد حاسب ماانت ناقص كسافة
وش فطَّنََك بأمجادنا والفتوحات = وتندب على سيفٍ غزيرٍ رعافه !
مدام مالك ذنب بالإنكسارات = ومدام فارس عبس صاخن لحافه
والعرش سالم والدراهم رهيّات = وسلاحنا يلمع بريق ونظافة
لاتندهش لاشفتنا بعض الأوقات = نبلع مذلة و إنتحمّل سخافة
من أبجديات السياسة وباثبات = إن القوي مشهود له بالحصافة
لو صنّف الجربوع ضمن النباتات = يجوز له وإنْ ضاف معه الزرافة
ياخبيل وش يدريك هذي سياسات = وإنت إتْحَسبها مسكنة أومخافة !
لاعاد تسأل ليه صرنا دويلات = يكفي توحِّدنا صحون الكنافة
ابلش بورعانك وأد الصلاوات = مرفوعةٍ ياالقرم عنك الكلافة
ماهو قصورٍ فيك ياناكر الذات = إلاّ القصور بمدِّعين العرافة
هذازمان المصلحة والذهانات = ومن الصدف تلقى المشاعر مضافة
ياعبيد أنا أدري فيك راعي مروّات = وفي قلبك الطاهر بياض وصخافة
تنهيدتك فيها علوم وحكايات = فيها من الرقة بقدر الصلافة !
ترى النخاوي في زمنّا جنايات = لاتنشد الإحساس مامن رهافة !
وتصبح ( خبر عاجل ) بكل القناوات = ويصير ذنبك هو حديث الصحافة
وتصير من اهل الفتن والجماعات = وتصير ماانت (عبيد ) يابوسلافة
وإنْ كنت تنشد عن عراق الحضارات = بدال آفة صابته الف آفة
ماكن ثوّر فيه عج البطولات = كفّ الطمع متولّمه لاختطافه
أدري طعن قلبك صياح العفيفات = ينخن غلامٍ ماتحدِّه مسافة
يطيح نجم ويختنق حلم الأصوات = وغلامنا ماحدٍ سمع به وشافه !
الله وأكبر كيف تسبى الشريفات = عند العلوج أهل الخنى والجيافة
ياالله دخيلك كيف صارن رقيقات = عقب حياة عامرة باللطافة
ياناس هذا سابع المستحيلات = ياناس هذا فوق فوق الخرافة !
ياحرقة النهرين والله ( حرامات )= تسرح جيوش الشرك بأرض الخلافة
وحنّا نزايد بالخطب والشعارات = أبطال مسرح مارضينا الوصافة
شبابنا تشبّهوا بالبنيّات = همومهم بين السفر والقيافة
وخيولنا ياعبيد ماهن جديرات= إلاَّ بميدان الحلا والنحافة
ماادري ردى فرسان وإلاّ رديّات = سؤال مشبع بالألم والطرافة
ماعاد باقي غير عدل السموات = ياأمّتي وين الرَّحَم والصخافة !
شعر \ حمدان سالم العنزي
** (أحامر ) و (المرا ) و (البحيرات ) مناطق بريّة شمال السعودية .
doPoem(0)