المساعد الشخصي الرقمي

مشاهدة النسخة كاملة : النسيب الي يعوي تالي الليل


ابو رزيق
05-06-04, 02:32 PM
قصة قديمه جرت على بنت من الباديه عندما جاء أخوها في نصف الليل قصده يسرق إبل زوج أخته وعندما قرب من منزلهم قلد صوت الذيب وقام يعوي , سمعته أخته لكن ماتقدر تطلع عليه خايفه من حماتها إخت زوجها فقالت هذه الابيات :

ياذيب ياللي جر صوت عوى به
مدري طرب وإلا من الجوع ياذيب
ياذيب لاتقهرك عنها المهابـــه
يامجفل الغزلان حنا المعازيــــــب
البوش كله يم خشم اللهابـــه
في فيضة السرداح والبل عوازيب

سمعتها حماتها فظنت أنها تناجي عشيقا لها وأنشدت الحماه
يابنت ليا الذيب ينهشك نابه
يقذلك من بد البني الرعابيب
تراك مثل اللي جلب له جلابه
لادارها السّوام يلقى عذاريب

فردت البنت بهذه القصيدة موضحة الأمر لحماتها ...
وحياة جلاب المطر من سحابــــــه
إني عذيّه مادخل عرضي العيـــــــب
أنا كما عدٍ قليل شرابــــــــــــــــــه
مادوّجت عليه حرش العراقيــــــــــب
الذيب أخوي اللي يشيل الكسابه
يوم ان نجوم الليل مثل المشاهيب
واللي ظلمني جعلها في شبابه
وتحدّره من عايات المراقيــــــــــــب

أم أديم
06-06-04, 06:16 AM
وهنا القصيدة بالصوت

http://www.qassimy.com/sd/sounds.php?mqtaa=206