إذا كنت خبير فادخل هنا لتساعدني من فضلك

[ابن المجمعه]

السلام عليكم ورحمة الله وبركاته
أحبائي أطلب منكم المشورة وخاصة أهل الخبرة في المشروعات التجارية الناجحه ,فأنا فكرت كثيرا فوجدت أن أفضل مشروع هو (مغاسل الملابس ).
وش رايكم في هالمشروع ,وأبغى اللي عنده خبره فيها يعلمني بكل شي ء عنها كيف أبدأ ووش أسوي وتكاليفها من وإلى وتكفون أبي الرد بأسرع وقت لأني متحمس كثير لهالمشروع .
رجاء من اهل الخبرة مساعدتي الله لايهينهم خاصة أني أيضا أبغاها مغسلة متميزة وعلى مستوى بسبب كثرة المغاسل وجزاكم الله خير.

[النجديه]

السلام عليكم ورحمة الله

بصراحه ياخوي التجاره ربح وخساره ..

والتجار تعتمد على الحظ اذا حضك زين توكل على الله وافتح واذا حضك شين انصحك اصرف النظر عن اي مشروع

اخوي فتح مغسله تقريبا من سنه ونص وخسر فيها وان شاء الله مو فالك لك ياخوي بس ما جابت حتى ولا راس مالها يوم بغا يبيعها

اتمنى احد من الاخوان يفيدك اكثر مني من ناحيه التجارة والاعمال

واتمنى لك التوفيق في اي مشروع

[انت عمري وبس]

زوجي فتح مغاسل ملابس والحين متوهق وخسران

[سيطي]

صاحبي فتح مغسله صغيرهـ وجاب عاملين نيباليين

وصافي الربح الشهري من المغسله 3000 ريال

بس الرجال مراقب عماله مراقبه شديدهـ

ومركب كاميرا مراقبه

لأن قبل تركيب الكاميرا كان الربح 1000 ريال تقريبا
لكن بعد تركيب الكاميرا صار الربح ما يقل عن 3000 ريال

وعلى العموم مشروع جيد
بالتوفيق اخوي
لا تسنى تستخير

[وحيد جده]

عليكم السلام ورحمة الله وبركاته

اعتقد بأن قيمة المكوى البخار 40000 ريال مع التركيب

من غير المغسلة والنشافة زد عليها بالكثير 5000

مع بعض الضروريات للمغسلة يكون طلعة عليك باكثر من 500000

في اعتقادي لو تضمن الموقع السنع راح تدر عليك بالخير

بس الرجال مراقب عماله مراقبه شديدهـ

ومركب كاميرا مراقبه

تصدق عاد انك جبتها والله عانيت مع هالعمالة الزفت

اكلوني بالحيا

ماخطر على بالي الكيمرات على شان اراقبهم بيض الله وجهك

ــ ــ ــ ــ ــ ــ ــ ــ

وقبل كل شي المسلم يستخير ويتوكل على الله

[وحيد جده]

زوجي فتح مغاسل ملابس والحين متوهق وخسران

الله يعوضة بخير ان شاءالله

فيه طريقة يسترجع خسايرة وعليها ارباح بعد

برخصة المحل يقدر يستخرج فيز من مكتب العمل واقل مايعطوة فيزتين

يبيع الواحدة بـ 12000 على الاقل وبكذا يعوض خسارتة

[مجمـ إنسان ـوعة]

مغسلة الملابس نعطيك أرباح ولكن ليست كبيرة

واستحالة أن تكبدك خسائر أيضا

المهم هو الموقع

[انت عمري وبس]

الله يعوضة بخير ان شاءالله


فيه طريقة يسترجع خسايرة وعليها ارباح بعد

برخصة المحل يقدر يستخرج فيز من مكتب العمل واقل مايعطوة فيزتين


يبيع الواحدة بـ 12000 على الاقل وبكذا يعوض خسارتة



الله يعطيك العافيه يارب

راح اقوله على الطريقه

بارك الله فيك

[saadnmmm]

صاله رائعه للمشاركه بريده/القصيم

تحيه طيبه

لدي صاله بمساحة 360ارضي
180ملحق علوي تصلح للكماليات وقريبا سوف تصدر الرخصه
المطلوب شريك براس المال والاداره 00وان تعذر العثور على شريك من عيال نجد
فلا مانع من الخبرة اليمني gnral2@hotmail.com (gnral2@hotmail.com)

[الفراشه الملونه]

في موقع اسمه موقع المشروعات الصغيره كله اشخاص عندهم خبره وان شاءالله يفيدونك


بالتوفيق يااخي الكريم

عسى الله يرزقك ويوفقك وتصير تاجر كبير ولك اسمك ياااااارب
وكل اللي نفسهم بالهالشي

[مســـافر]

أخي أنا ما اقول لك عندي الخبره الكافيه
لكن كل واحد فتح مغسله مبتلش في عمره
والقضيه تكمن في الموقع وعدد السنين يعني الربح ما يجي الابعد سنه وفي مواسم بس
لكن أنا تجربتي في محلات الجوالات
وكانت ناجحه والحمد لله
راس مالك ست الاف انت تدخل في الشهر ست الاف
راس مالك اكثر دخلت اكثر
لكن فقط في البرامج والاجهزه المستعمله

ولا يخلو ربح من تعب
وما جاء بالماء راح بالماء

لك ودي وتقديري