المساعد الشخصي الرقمي

مشاهدة النسخة كاملة : هل أنت مرجوج ؟ هل انت مرجوجه؟اختبر نفسك


الدلوعه*
08-01-07, 03:33 PM
السلام عليكم جميعا...

هل أنت مرجوج ؟ هل انت مرجوجه؟


وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذا الاختبار النفسي ..


السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تضحك ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .

2- توخر النملة عن وجهك و تنتفها وانت تشتمها .

3 - تخلي النملة تدخل خشمك .

----------------------------

السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تسوي بكرة إذا بغت تسير في الضحى على أم صويلح .. ماذا تفعل : 1



1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الكورنيش.. حب ورثته من الجدوووود
هع هااااااااااااااااااي والله تسحيبة يمة .

2- تجي بشويش من ورى أمك وهي سرحااانة وتصرخ في أذنها وتقول : مساااااج الله بالخير .. وطبعاً هي بتنفجع وبتقول.. وجع.. الله يمسيك بعصا إن شاء الله .

3- تطلع غرفتك وماتسوي شيء.

---------------------------

السؤال الثالث :

انت توك مقيل وماخذ لك قيلولة على كيف كيف مرت جيرانكم... ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :



1- تجي يعنني تكنس وتغطي عليهم التليفزيون <<< أحلى يا أليسا

2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .

-3 - تقعد تتفرج معهم.
-----------------------------------------

السؤال الرابع والأخير :
بعد العشاء اشتهيت لبن ونزلت تشتريه من البقالة ولقيت سيارةربيعك عند باب البقالة :


1- تنسم كفراته الأربعة .

2- تسلم عليه وتلزم عليه يعزمك على العشاء .

3- تشتري له لبن معك.
---------------------


النتيجة :

أعط نفسك لكل اجابة رقم واحد 3 درجات

ولك اجابة رقم 2 درجتين

ولكل اجابة رقم 3 درجة وحدة
--------------------------------------
9 - 12 :
أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

-------------------------------

5 -8
أنت مرجوج بس على بدفاشة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك الدفاشة.. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .
-----------------------------------

4 - 5
يا أخي انت مب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.




منقوووووووووووووووووول..

الدبدوبة
09-01-07, 05:15 AM
يوووووووووه ياطولها برجع بعدين

ملقاط
09-01-07, 06:22 AM
4 - 5
يا أخي انت مب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون


ههههههههههه هذا انا سبحان الخالق
والسفره صاره معاي

المدفعجي
09-01-07, 06:38 AM
السلام عليكم جميعا...


5 -8
أنت مرجوج بس على بدفاشة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك الدفاشة.. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .

.

هذا انا ههههههههههههههههههه الله يستر من الدلاخه (qq15)

مشكوره اختي الدلوعه

المُهرة
09-01-07, 06:54 AM
وعليكم السلام ورحمة الله
الموضوع موكرر خيتوووو
لذلك يوووزلج


:)