قصيدة رائعه لشاعر حرب سبيل بصوته

[خـــــزاز]

السلام عليكم

إهــــــدى هـــذه القصيدة لأعضاء منتديات قصيمي نت

قصيدة للشاعر // سبيل بن سند الحربي رحمه الله

للأستماع http://www.geocities.com/al_ziza005/sbelbensnad.ra

للحفظ // هــنـــا (http://www.geocities.com/al_ziza005/sbelbensnad.ra)

[انغام بدوية]

خزاز جهد تشكر عليه

[الزاحف]

يامير ياشين الخطا منك شيناه ** ياخوفتي عقلك هاك اليوم غايب

والف شكر ياخزاز

والله يرحم الشاعر سبيل الحربي

[أم أديم]

الله يعطيك العافيه

[hsn99]

ولكم القصيد كاملة 82 بيت بعد تنسيقها واسترو ماواجهتو...


سبيل بن سند الحصني المزيني شاعر حرب ولسانها ماسكت عن الظلم يوم غيره شافه وضحك ماحسب حساب سلطه ومشيخه وكبار قدام الاهانه شاف وقرا كتاب السديري وسبته لحرب فيه فرد عليه الرد الوافي
ورفع عنه اللوم فالله يرحمه ويغفر له ذنوبه قال قصيده ماقالها احد توارثها حرب جيل ورا جيل

1 يأمير يا شين الخطـأ منـك شينـاه
ياخوفتـي عقلـك هكاليـوم غايـب

2 يومٍ مثلـك تزعـل النـاس عوجـاه
رجّال عرف ومن حمولـه وشايـب

3 لاجاهل غي الجهـل فيـه وأغـواه
ولامسردٍ من كل الاطـراف خايـب

4 أنتـه تقـول القيـل وتجيـد معنـاه
شالك هوى نفسك على غير صايـب

5 لاكـان حنّـا مـن تحـدى أنتحـداه
من دون واجبنـا نجيـد الصوايـب

6 ياشايبٍ غي الجهـل تـوّ مـا جـاه
يبى يعيـب النـاس والعـود عايـب

7 يا ضريغط اللي شـال همـه بدنيـاه
ياذيـب بيـن معكرشـات الذوايـب

8 إن كـان عنـدك للفعايـل امجـازاه
حربٍ عمامك يـوم مـسّ الجنايـب

9 غصبٍ عليك وصامـل العلـم تلقـاه
ان طاب لك وإلا على غيـر طايـب

10 أبـوك معطينـا الأخـاوه بيمـنـاه
لـولا الأخـاوه راح مالـه نهايـب

11 يامـن سواليفـه توسّـخ شفـايـاه
ذيب العلوم ولا ذكـر لـك حرايـب

12 طوبى مقرّ اللي ولى الحكم وأرسـاه
يامآ رسى واليـوم حـدر النصايـب

13 ورّث حبيب الشعـب عقـب تـولاه
فيصل على كبد العـدو سـمٍ ذايـب

14 بظلال أخو نوره مشى الذيب والشـاه
خلّى الغنم والذيب تمشـي صحايـب

15 وخلاّك يالنمـرود تمشـي بحسنـاه
وتحط بالشعب السعـودي عصايـب

16 والله يالو يدري عن العلـم وأقصـاه
مالك شفاعـة لـو تشفّعـت تايـب

17 مغترّ فيـك الله علـى الخيـر يقـداه
وش عرّفه لك عند مطلـق حلايـب

18 ماشاف نـزلٍ لـك يـدق الخونـداه
بمعيلـه مثـل الخـزز واللعـايـب

19 نـزلٍ نشوفـه والمخاليـق تـدهـاه
نـزل البـلاوي كلهـا والمصايـب

20 عن روس خلق الله وأنـا أبـراي لله
عن ناس ترعى في طرفكـم حبايـب

21 لو فيك خير ووجهك الشيـن ينكـاه
ماتعتـرض لمكمّلـيـن النـوايـب

22 وأولاد وايل عـن سوالفـك مغنـاه
ماهـم بعـوزك يامـدوّه زرايــب

23 قطعانهم عشب الخضر غصب ترعاه
ترعاه أباعرهـم لـو الـدم رايـب

24 وحربٍ قواطيعٍ على الخيـل وأرمـاه
عوق الزعيـم مـورّدة كـل هايـب

25 وشريدة الفرسـان وشلـون تنسـاه
وشلون تنسى يـا طويـل الخبايـب

26 اللي على شيـل الجماهـي مضـرّاه
يمنـاه والفسقـان سيـف العطايـب

27 و(ابن نحيت) اللـي نهـار المثـاراه
كم كبـد حـيٍّ شـب فيهـا لهايـب

28 على أبلج خلّـى الظـواري تعشـاه
وبطوع اخو نـوره تعشـى كتايـب

29 و(ابن جزاء) يوم النضا جاه ينخـاه
وشلـون تنسـى يالعيـن الصلايـب

30 يومٍ يشيب الراس من حـس طريـاه
بيـن الحناكيـه وذيـك الجـذايـب

31 و(فيحان) أخو نوره تحت حد شلفـاه
كم فـارسٍ خـلاّ عظامـه حطايـب

32 اللي بجـاه يـوم زاره هـل الجـاه
رد الذويبي مال رايح كسايـب

33 ماخوذ غصب وضمّر الخيل تشعـاه
وشلون تنسـى ياعجيـب العجايـب

34 ونسيت(ابن ناحل) مع الضيف وقراه
هيف السمين اللي بها الدمّ سايـب

35 اللي يدسّم شـارب الضيـف لاجـاه
الخيل يعطيها وعطا البـل وهايـب

36 ونسيت(منور) ذيـب جمـعٍ سرايـاه
مثل الدبا الكتفـان ريـف القرايـب

37 حرز الذليـل اللـي يفـك المخـلاّه
نسيت(اخو حسنا)عطيـب الضرايـب

38 و(ذويخ) بالعربـان تكثـر رزايـاه
إليا شـان نطـق ميليـن العصايـب

39 كم هيّـةٍ زيزومهـا جـاب حسنـاه
و(سعود) من بعـده يفـك النشايـب

40 و(ابن جديع) اللـي بهيّـه ضحايـاه
فرسـان قـومٍ فـوق قـبٍ ربايـب

41 يبـون وضـحٍ بالأباهـر محـنّـاه
افتكهـا ووّهـل جبرهـم نكـايـب

42 ونسيت (مانع) حوض موت منايـاه
ماتأخـذ ألا محتمـيـن الدبـايـب

43 كم فارس قـرّب لـه أجلـه وغفّـاه
علـيـه خلاّللحـوايـم لـوايــب

44 من كف (اخو فزه) نواعيـه تنعـاه
عليـه هـلات العبايـر سكـايـب

45 و(نويشي) اللي بالخوي كـلٍ أوحـاه
بثـرأ خويـه عـن عوانيـه نايـب

46 قص أربعه وأثنين والسابـع أنجـاه
انهى الملام وخاطره ماهـو طايـب

47 وأبوك يالهيبـاد مـن فـك بحمـاه
يوم الرصاص بنوع وبل السحايـب

48 برّم عصب رجليـه وحنّـا احتمينـاه
دونـه فعلنـا معجـزاتٍ غـرايـب

49 واليوم عنـدك لـه محبـه وملجـاه
غوال ابوك وحايـبٍ بـك حوايـب

50 والا ما تنسى وطيتـه فـوق علبـاه
وميقافنـا لا دفلجـن بـك ركايـب

51 جينـاه وأربـاع المبانـي مـمـلاه
فـي كـل بيـت مكتفيـنٍ قضايـب

52 واللي نـزل عنـده ثلاثيـن جمهـاه
بين الذرا والنـار ضـم الحضايـب

53 من عرض من ربص هكاليوم بدمـاه
راع النقا والفـوز يـوم الغصايـب

54 راسه سبق كفه على عـرش مطـاه
من كف (اخو جوزاء) وابوك السبايب

55 فعلٍ على وضـح النقـا مأخترعنـاه
ماهـي سواليـف الوجيـه القلايـب

56 وأضحى جزاء ميقافنا اللـي وقفنـاه
شبهتنـا ضيـنٍ رثـع فيـه لايـب

57 ذيبٍ يرد مـن أول الضيـن لتـلاه
الشكـوى لله ياكبـيـر القطـايـب

58 والله والله واحـدٍ مــا أتمـهـزاه
بالكـذب..والله يالقلـوب اللبـايـب

59 لولا القمر وسهيـل والجـدي لـولاه
لأقـول قـولٍ ماتعقبـه طـلايـب

60 مير ابـذر العنبـر تركـت العلنّـداه
ياللي تبـي بالكـذب تأخـذ غلايـب

61 يالطايش اللي طيشـه كبـر مركـاه
ماهو هلا ياحـوش بيـض الترايـب

62 هذا جـداك وغيـب قلبـك عرفنـاه
مير الغلط مرجوع وانـس الحزايـب

63 أمـا تعـذّر عـن مقالـك ومنشـاه
عبر الأثيـر ولانبـي لـك نجايـب

64 يـوم المجلـد كـل حـيٍّ تـمـلاه
تراك مأنـت مـن الأذاعـه نعايـب

65 دفترك ما خصيت بـه يـوم نقـراه
قاريـه انـا ومسطراتـه عـرايـب

66 حتـى تعـذّر لـك لنـاس مسمـاه
كرّ النظر واحسب جميـع الحسايـب

67 كرّ النظر وأضرب علـى ماتـوراه
وعندك طريـق العافيـه والعقايـب

68 أمّا حفرت البير وأقطـن علـى مـاه
وألا تـدمـه دام مـيّـه سـرايـب

69 مـادام كـلٍ ماسـك مـاه بـلـزاه
والاتعرّضـت المحـن والصعايـب

70 يمـك ملاييـن المـدافـع معـبـاه
واقفالـهـا قيـادهـا بالـكـرايـب

71 والطيـش لايحرمـك لـذ المسـاواه
اعرف ترى للطيش غيـب وغبايـب

72 ألا عنـدك للخـزى ميـل مشهـاه
معجبك مالك مـن فعولـنٍ رهايـب

73 فالله خلق للداء دواء وأنـت مـن داه
ودواك للجـراح فـيـه الطـرايـب

74 يامـا لعينـك مـن مغثـه ومـاذاه
ياللـي بحركـم ميليـن الذهـايـب

75 بـه حصـةٍ بيضـا تـلالا مغطـاه
غيّم سماها بيـن خضـر الرطايـب

76 مأدري ركبها غبار شيول ومسحـاه
وألا بهـا زتـم اعـداد الجـلايـب

77 لاواقفيـن ولا بالأعـيـان شفـنـاه
حظـي بـري لله علينـا رقـايـب

78 حظي بـري ماقالـوا النـاس قلنـاه
وبحظ من جاب الخبـر لـي جايـب

79 ياطير ابن برمان مـأدري حلايـاه
ياللـي تبـي فينـا تحـط النقايـب

80 ماهو هلا يالمنتسـب عقـب عفنـاه
حنّا جبرنـا مـا يحـوش القشايـب

81 ولا عندنـا لـك يامحمـد مناجـاه
خبلٍ تومـي فـي شنبـك الهبايـب

82 تبي تمثـل عنتـر الخيـل جهجـاه
حشا وكلا لا لا مأنـت ثايـب

ابوعبدالرحمن

[عنيزاوي 2005]

لاكـان حنّـا مـن تحـدى أنتحـداه *** من دون واجبنـا نجيـد الصوايـب


تحـــــــــــدي وعزيمة قوية مشكور خزاز

[برنـامج]

ياليت يتم رفع الملف الصوتي من جديد
مع شكري وتقديري فقد كنت أبحث عن القصيدة بصوت الشاعر

[حــربـي]

سبيل مات وماقفه حي مامات وقفت شرف ماهي مزوح وتسلي

[بنت شقرا]

الله رااائعه - يعطيك العافيه اخوي

[joooory6]

رحم الله الشيخ بن سند الحربي

[الغامديss]

مشكوووووور والله يعطيك الف عافيه