المساعد الشخصي الرقمي

مشاهدة النسخة كاملة : جوع وفراغ..والحاجه ام الاختراع


عذب الكلاااااام
01-01-07, 11:54 PM
السلام عليكم


هذي سالفتن حصلت زمان اول كان فيه واحد ساكن له في بيت طين هو وحرمته وعييله الدبهرق<<< الدقرش (a26) وعنده في هالبيت حوش حاطن له فيه شاة وعنزين<<< وحده منهم كريمة عين.. يحلبونها وتفوح ام العيال الحليب في بريز الغضار الاحمر ويشربون منه الين تتفخوا وصاروا بزارينهم كل واحد تقل دبة غاز (d) ورانين في هالبيت ..قال ابوهم ورا ما اجيب لي كم دجاجه وديس واحطها في الحوش مع هالغنم .. ومنها لحم وبيض يعني تموين منزلي..<< الله يجيرك على الافكار الاقتصاديه..(qq152)

وجاب له من هالدجاج البلدي مع كم ديس من هالديسه اللي تقل رقبة الواحد منهم كنها سارية بيرق من كثر الاذان ونثرهم في الحوش مع هالغنم.. ومعد تسمع الا قوقات هالدجاج... ومسيان صرقعة اذان هالديسه الين تظهر النجوم..واحيانا من التحمس هالديس يذن بقوه خطرن عليه يزوع تسبده من زود التحمس والتشخيص على الدجاج..(d)

ويكتب الله ويسكن في البيت اللي جنبهم شباب عزوبيه ومتعافين كل واحد يدربي راسه من العافيه والعياره ويتحكك من الفراغ ..وخبركم زمان مهنا تدقيق وش الجار عزوبي والا متأهل.. ابد النيه طيبه وصافيه ..ومنول قل ومهنا شي والشي شفاقه ....المهم هالعزوبيه قال واحد منهم وش رايكم ننقز على حوش جارنا ونصيد لنا دجاجه وناكلها..وكان فيهم واحدن عيار وراعي افكار وتصاريف عجيبه <<< زعيم العصابه ابو كرشه منفوخه(q82) ..قال لا وشو له التعب ومطامر الجدران .. أنا عندي الراي ..قالوا وشو؟؟ قال راس مالها مصير من عند القصاب ..ابي واحدن منكم باتسر ينقز للقصاب ويجيب لنا مصير عنز والا شاة ..

من بكره قام واحدن منهم وجاب المطلوب ..قال هالعيار خلو الباقي علي..وعقد في طرف المصير عقده ثم نطله من فوق الجدار على هالدجاج ..وجاك هالدجاج مكيم صافقن طبلونه ( خبركم الدجاج عينه قويه وحار بطن ولا هنا دبره.. كل شي ياكلونه السعاود والسحابل والخنافس والقعران واحيانا الظواطير والضفادع ..يعني عمال نظافه الله يجيرك ) المهم ولا تسمع الا مكافخ هالدجاج على هالمصير يحسبونه ضاطور... وزقعه واحد من هالديسه المصافيق ..وصاحبنا يوم حس ان السناره غمزت قام وتفخ المصير بقوه ..وينتفخ حلق الديك ولاعد قدر يلفظ المصير نشبت العقده في حلقه <<< الله من السنع خل اللقافه تنفعك ..

المهم هالعيار قام وسحب المصير وجاب الديس معه ..ولاعاق معهم نتفوه وسووه مرقه... وصاروا على هالحال وهالمصير السحري معهم ..وعشاهم على الله ثم عليه..(d)

ارجو انها تعجبكم..(qq115)

أبونديم
02-01-07, 12:11 AM
وش المصير الله يدفع البلا كل هذا ولا انقطع صار مغاط مهوب مصير

على طاري مغاط احد منكم شاف ابوهتون

سارة هالزمن
02-01-07, 12:28 AM
موب بسيط هالدب

سالفتن رايقه ياعذب الهرررج

بس نسيت تشرح لبقية الجاليات العربية والاجنبيه
وش هو المصير (gfp)

فــزاع
02-01-07, 02:22 AM
حلوووووووووووووووووووه ويبغالها مترجم لراعين التميلح اللي ستنن مانعرف كلامكم اللي هو حنا ياالحلوين

عذب الكلاااااام
02-01-07, 11:11 PM
وش المصير الله يدفع البلا كل هذا ولا انقطع صار مغاط مهوب مصير

على طاري مغاط احد منكم شاف ابوهتون



احد ما يعرف المصير؟؟

فيه المصير المحتوم..
وفيه المصير القادم..
وفيه المصير المشترك:D

وفيه المصير اللي نتكلم عنه في هالقصه ...عاد مايحتاج شرح والمعروف لا يعرف(ern)

شكرا لمروك الكريم..

مدرعمه
02-01-07, 11:40 PM
هههههههههههههههههههه

صدق انهم عزوبيه ماعندهم احد يطبخ لهم.....

زماان
03-01-07, 01:01 AM
ههههههه
الله يوسع صدرك

وأنينو
03-01-07, 03:28 AM
ههههههههههههههههههههههههههههههه

سويت لي مشكله مع الديسه<<< قل ديتسه كودي افهم ههههههههههه استوعبت آخر شي

والله رهيب هالمصير فكرة زينة

شكرا لك على هالقصه الحللللللوه

موٍسيقىآ ..!!
03-01-07, 05:06 AM
هههههههههههههههههههههههههه
بس تراي تعبت وانا اترجم بالحتسي الله يهديك ..
اختك
دمووعه

"الواصل"
03-01-07, 10:59 AM
الله يقطع ابليسك ...

السبحانيه تهبل .... ويامال الثانكيو

عذب الكلاااااام
03-01-07, 11:39 PM
موب بسيط هالدب

سالفتن رايقه ياعذب الهرررج

بس نسيت تشرح لبقية الجاليات العربية والاجنبيه
وش هو المصير (gfp)



هلا بك..

المصير مشترك..وكلنا في الهم شرق..
مصيرنا واحد خليجنا واحد (vv)

شكرا لمرورك العذب..

عذب الكلاااااام
07-01-07, 12:25 AM
حلوووووووووووووووووووه ويبغالها مترجم لراعين التميلح اللي ستنن مانعرف كلامكم اللي هو حنا ياالحلوين



الله يملحك (vv)

شكرا لك..

النجديه
19-01-07, 07:13 PM
وصاروا بزارينهم كل واحد تقل دبة غاز

وصف دقيق (qq166) هههههههههههههههههههههههههه

والله انه ذهين راعي هالمصير :hgfyhg14k هههههههههههههههه

تسلم يديك ياخوي على هالموضوع

عذب الكلاااااام
20-01-07, 11:43 PM
هههههههههههههههههههه

صدق انهم عزوبيه ماعندهم احد يطبخ لهم.....

عزوبيه وفراغ وجوع..(gfp)

شكرا لمرورك..

عذب الكلاااااام
23-01-07, 10:37 PM
ههههههه
الله يوسع صدرك

ياهلا بك..

والله يديم الفرح على الجميع..

سيف عبدالله
24-01-07, 01:40 AM
الله يعافيك على ها السولآفه ابى احفظها واسولفها عند الربع

بخاء جمخاخو يعنى بالفرنسى لذيذه 00