المساعد الشخصي الرقمي

مشاهدة النسخة كاملة : ياروحي يالتسبده .. !


مدمن شاهي
30-12-06, 10:14 PM
صباح الخير والكبده المقلقله ..
مساء الورد والفُل والياسمين مع عبقات هالعيد الجميل ... :)

تصافحت النفوس .. وتباهت إشراقاً مع نُسيمات وعبق الطاعه والإبتهال لله ..

ككُل سنه .. في بيتنا الصغير بآخر الديره وبين النخيل واحواش الحلال واقفاص الحمام استعديّنا للعيد بِكُل أشكاله ...

استعداد داخلي واستعداد خارجي ..

الاستعداد الداخلي أكيد راح يكون على ( البتاع النسائي ) ... يولمون السكاكين .. وكم سفره .. وكم قدر ..

والاستعداد الخارجي علينا يا ( الذيابه ) .. أنا والطاقم اللي معي .. أخوي : علي .. وباقي الشلّه !

استعدادنا بيكون طبعاً بانتقاء الطيّب من " الحلال والخرفان " .. وبعدها ننتقل إلى ( عزلها ) عن خواتها .. ومن ثمَّ إلى استخدام العُنف بِذَبحِها وسَلخِها و " علّق ياعلي الذبيحه وبلاش لحوسه ومطرسه مالها داعي " ! (q83)

ثلاثة أيام بدواليها .. وانا " رايح جاي " على حوش الغنم .. أشوف وش اللي يناسب من الخرفان وانتقي الأطيب منها .. وأخيراً طحت في " مملوح " وحسيّت من نظراته أنه " وَلَدن ذرب ويبيّض الوجه " ويستاهل من يقرّب السكين على رقبته المُتلألأه << مالها دخل " مُتلألأه " بس أحسّ نطقها على لساني حلوه !

وفي يوم العيد .. صلينا .. وعايدنا على بعض الجماعه في الجامع عشان نفتكّ من مشوار الزرقه على بيوتهم .. شفت " دحيّم " زي العاده وياليتني ماشفته .. سألني ( هاه بتذبحون هالسنه يامُدمن ) .. رديت عليه ( أيه بنذبح .. بس احتمال أني أنوّع هالمرّه واذبح لي آدمي ) ! .. فتّح عيونه المشرشره وقال بِكُل دلاخه ( التنويع مطلوب بس وانا اخوك تركّد ) !

سلمت على راشد .. وسالم المنزوي .. وحمد الاثول .. وابو ابراهيم الدثوي .. وأخيراً قُبله من فمّي على راس شايبنا ( عويس المنفهق ) يستاهل " ألف قُبله " -على رأسه طبعاً - أدامه مسلّفني 47 ريال وناسيها من زمان ! (qq18)

اجتمعنا في البيت .. رشفتين قهوه إلا والوالد ينادي بِكُل صوته ( قرّبوا القدور ياعيال .. وعطونا السكاكين ) .. ومن يوم قالها وانا قلبي فازّ .. وابدى اتراكض بين اخواني واغيّر ملابس العيد ... والبس ( قميص النوم ) << قميص نومي ذو استخدامات مُتعدده !

فتحت الحوش .. وغمزت للـ ( الضَحيه الاملح ) .. أن ( هلُمّ إليَّ فقد حان موتُك صريعاً بين يديّ ) !

جا يدربي راسه .. وكأنه ( حاسّ بالحقّ ) .. ساعدني أخوي علي على إيصاله لموقع الذبح بأسرع وقت مُمكن .. !

سدحناه بعد ماتعاركنا معه .. هو يتسلفط وانا وراه أعكرف له .. ياولد من هنا ومن هنا إلييين تمكّنا منه ( ومحطنا به ) على الأرض .. إلا والوالد يقول بصوته العذب << دلع على كيف كيفك .. : بسم الله وعلى بركة الله .. اللهم اجعل ثوابها عن أمي ( فاطمه ) ..

وهو يقولها وكنت ماسك رجل الذبيحه .. سرحت بتفكيري بشكل سريع [ من هي أمي فاطمه ذي ؟ ] ومن زود التفكير والتعمُقّ في ذلك ... فلتت رجل الخروف من يدي .. ومادريت إلا رجل الخروف في وجه الوالد !
الوالد وقتها كان ناوي يقول برقبة الخروف .. لكنّه مُجبر وقت " خمعة رجل الخروف بوجهه " أنّه يوقّف ويلتفت علي ويلمخني مع رقبتي .. التفت طويل العمر وعطاني وحده على رقبتي وصاح علي من بين اخواني ( أنت صاحي ؟ .. آلحين وراك تفكّ رجلها ! ) (z)

تعدّلت من جلستي وسألته ( من هي أمي فاطمه طيّب ؟ ) .. قال ( هذي جدّتك الثالثه من طَرَفي .. يوم انها كانت حيّه .. كنت انت ببطن أمّك حاطـ(ن) رجل على رجل ) ! .. ( قم وامسك رجلها جعلها ترفسك ... مابلا مشغلنا في الحوش .. ويوم جا وقت الجدّ قمت تتلحوس وتخربط ) !

رجعت لموقعي ومسكت رجل الخروف وأنا أسمع " قهقهات وضحكات الطاقم اللي جنبي بدءً من " علي " وأخيراً بآخر العنقود " صويلح " !
عوّد الوالد وسمّى بالله .. وقال برقبتها .. ويوم يطير الدمّ على قميصي اللي توّي مغسّله بثلاث ريال من مغسلة ( عُمر كرته وإخوانه الدشير ) .. حامت تسبدي والتفت علي أخوي وقال ( ترى ملح الذبح أنك تشوف الدم متناثر على قميصك .. عشان تحسّ أنك سويّت شي قدّام أمّك وخواتك ) (qq78)

رفعناها .. وسلخناها .. ثم نزّلناها في القدر .. واخوي الصغير طار بالكرشه لأنه اختصاص تقطيع ( كروش ) .. وانا عيني على ( التسبده ) !

اخذت ( التسبده ) << (( كبده )) للي ماعرف يقراها زين ولاهو قروي زيّنا .. وطرت بها للوالده .. وقلت لها في أذنها ( زوّدي فلفل ياقلبي ) .. عطتني ذيك الابتسامه وقالت ( أبشر .. بس رح عند اخوانك لين أسنّع فطوركم وتسبدتكُم )

ربع ساعه إلا والتسبده على " صحن مفَلفَل " .. اجتمعنا عليها .. وأكلنا من ( أضحية الجدّه اللي ماكنت أعرفها إلا إسماً ) .. أسأل الله أن يُسكنها الجنان .. آمين

أسأل الله أن يُعيد عيد المسرّات علينا وعليكم ونحنُ نرفُل بصحّه وعافيه .. آمين

* كالعاده .. أتمنى أن لايقوم حرامي " تزليل حيا " بِسَرِقَةِ الموضوع ونِسبَتُهُ له كما رأيت ذلك في مواضيع أُخرى !

:: مدمن شاهي :) ::

نواااااف_11
30-12-06, 10:32 PM
اللـــــه يعطيك العافيه
.....
صدس بخيل_ماقلت تفضلووووووو
كركركركركر
ــــــــــــــــــــــــــــــــــــــــــــــــــ
شكرا شكرا شكرا شكرا شكرا
شكرا شكراشكرا
شكرا
يسلمــــوا لااااعدمناااااك

أبونديم
30-12-06, 10:48 PM
مدمن التسبده
يالله حيوه كل عام وانت بخير
ليت الرفسه جت بوجهك مع الطراق اللي على العلبات تسان يصير عيدك عيدين

ابوهتون
31-12-06, 01:12 AM
ياعيني علي المواسم اللي كذا

الــنــوخــذة
31-12-06, 01:30 AM
يامال المر يامدمن ولا تعزمنا يالمشفوح

مدمن شاهي
31-12-06, 04:08 PM
اللـــــه يعطيك العافيه
.....
صدس بخيل_ماقلت تفضلووووووو
كركركركركر
ــــــــــــــــــــــــــــــــــــــــــــــــــ
شكرا شكرا شكرا شكرا شكرا
شكرا شكراشكرا
شكرا
يسلمــــوا لااااعدمناااااك

يارجال خلّها على ربّك بس .. أنا يالله لحقت على قطعتين من بين ثلاثه واربعين قطعه متبّله بالفلفل ! (qq15)

السنه الجايه أن الله احيانا فطوركم عندنا .. قل " تمْ " (q84)

الدب الرومانسي
31-12-06, 08:25 PM
سدد 47ريال قبل ماتموت والله من قله حللك الشايب , الله يعطيك العافيه

الـمـصـمـم
01-01-07, 12:28 AM
كل عام وانت بخير ..وعيد سعيد ..

حلاوة عيد الاضحى بالتسبدة ...

واللي ماتلحقه منها شي ان ضاع بزحمة الاوادم يمر عليه الحول ويلحق عليها ..

انا هالمرة اخذت التسبدة من بكرة ابي الخاروف وهجيت بها بمكان امين بعيد عن الاضواء واصوات السكاكين ..

ثم مردغدتها بثنايا الجمريات وعلى صفيح ساخن لين صارت نص استوا ثم سكبت الملح وقتحت علبة الزبادي ...

ابك ياهي تسبدة ولا كل التسبود ..تدري ليش ؟

ما قلط عليها الا انا وفيها ميزة ( استعمال لمرة واحد )

..........


بشرنا عن كتابك متى بينزل ؟

مدمن شاهي
01-01-07, 05:55 PM
مدمن التسبده
يالله حيوه كل عام وانت بخير
ليت الرفسه جت بوجهك مع الطراق اللي على العلبات تسان يصير عيدك عيدين

هلا وغلا بقلبي :)

آلحين يوم ان الرفسه تروح لطويل العمر تعوّد علي أنت ووجهك وتدعي علي (qq136) .. طيّب يالاخو : ربي كاتبن تسذا !

كل عام وانت بخير

مدمن شاهي
02-01-07, 09:32 PM
ياعيني علي المواسم اللي كذا

ياعيني عليك بعد ياحلو ،،،

مدمن شاهي
02-01-07, 09:33 PM
يامال المر يامدمن ولا تعزمنا يالمشفوح

هههههههه

حسبي الله على بليسك .. وانا اقرا ردّك بغيت أغصّ بقطعة تسبده (q85)

مدمن شاهي
03-01-07, 04:14 PM
سدد 47ريال قبل ماتموت والله من قله حللك الشايب , الله يعطيك العافيه

يادُب .. الشايب نسى .. وشّ دخّلك ياخي :) !

موٍسيقىآ ..!!
04-01-07, 08:58 AM
ههههههههههههههههههههههههههه
الله يرج تسبدك يابو تسبه
خطير .
بس عندي سعآل يطرح نفسه ..
ماتخرعت وانت تشوف الدم ..؟ << وجه يبتسي ..

مس موسيقىآ ..!!

مدمن شاهي
04-01-07, 04:00 PM
كل عام وانت بخير ..وعيد سعيد ..

حلاوة عيد الاضحى بالتسبدة ...

واللي ماتلحقه منها شي ان ضاع بزحمة الاوادم يمر عليه الحول ويلحق عليها ..

انا هالمرة اخذت التسبدة من بكرة ابي الخاروف وهجيت بها بمكان امين بعيد عن الاضواء واصوات السكاكين ..

ثم مردغدتها بثنايا الجمريات وعلى صفيح ساخن لين صارت نص استوا ثم سكبت الملح وقتحت علبة الزبادي ...

ابك ياهي تسبدة ولا كل التسبود ..تدري ليش ؟

ما قلط عليها الا انا وفيها ميزة ( استعمال لمرة واحد )

..........

بشرنا عن كتابك متى بينزل ؟

هلا قلبي :)

أزين شي الإستخدام لمرّه وحده ... تحسّ بطعمها باعلى الوريد <<< الوريد هذا وين مكانه .. أذكر أنه حول البلعوم << وش البلعوم ذا بعد ! (hjh)

الكتاب بينزل .. والنسخه المجانيه بتاصل لحد بيتك ... تامرني أمر بس أنت ياعيوني :)

مدمن شاهي
05-01-07, 07:56 PM
ههههههههههههههههههههههههههه
الله يرج تسبدك يابو تسبه
خطير .
بس عندي سعآل يطرح نفسه ..
ماتخرعت وانت تشوف الدم ..؟ << وجه يبتسي ..

مس موسيقىآ ..!!

لي ثلاث أيام ياحلو وانا جالس أتابع لي أفلام أكشن .. عشان يقوى القلب .. ويوم جا الصتزّ طلعت الافلام كلّها خراط في خراط ! (a26)

خلّها على ربك بس

موٍسيقىآ ..!!
05-01-07, 08:17 PM
ههههههههههههههههههه
اجل منتم اقوياء ولا عندكم سالفه ..
مشكوور مدمن ..
مس موسيقىآ .,.!!

مدمن شاهي
07-01-07, 03:43 PM
ههههههههههههههههههه
اجل منتم اقوياء ولا عندكم سالفه ..
مشكوور مدمن ..
مس موسيقىآ .,.!!

مانستغني ياعسل ،، :)