دعوة لجميع اخواتي ........... اللحقوني

[مستغرب]

صباحكم عسل وورد
او مسائكم عسل وورد
حسب التوقيت المحلي

اردة هنا فقط من الأخوات

ان تطرح هنا جميع الوصفات والروشتات للأكلات الطيبات لكي نعرضها على ازواجن الحبيبات بدل المطازيز والمعكرونات

فهل تفضلتن وتطرح كل واحده طريقه من آكلاتها التي تجديها لننقلها بدورنا الي بيوتنا ونتمتع بألذ الأطباق

ياليت نحصل من يستجيب لطلبنا هذا

[فريق أول]

مستغرب ،،

يا صباح الورد ،،

ليش ما تاخذ لك " فرّهـ " على القسم ،،

وصدقني راح تلاقي أكلات رهيبه ،،،

القسم هذا ماشاء الله فيه حركه غير طبيعيه ،،

غطى على قسم الثقافه الجنسيه ،،


وشيء أكيد يا مستغرب طلبك راح يستجاب من قبل العضوات الكرام ،،،

انتظر بس شوي ،، الين يطلع " أبو الشباب " للدوام ،،

وراح تشوف ،،


تحياتي لك ،،

الفريق أول

[ماء القمر]

االسلام عليكم ورحمه الله وبركاته


اخى قسم النساء مو مقصر


ومع ذالك انا فى خدمتك

بس ابغا اعرف انت تبغا اسم الاكلات ولا طريقتها معاها

انا الان بكتب لك اسماء واكيد الادميه راح تعرفها

واذا تبغا الطريقه قول وانا تحت امرك



ورق عنب

مكرونه بشمل

كوسا بشمل

صينه دجاج بلخضار

كباب مشوى فى الفرن

ارز ايرانى

رز بريانى

رز كابلى

رز بخارى


بريك

بوف



ايش الى تبغاه انا حاضره

توصيل للمنازل مجانا:p

تقبل تحياتى

[موت & ميلاد]

مستغرب

غالي والطلب رخيص

ابشررررررر بالي تبي


يجون ان شاء الله البنات ويعطونك ماتبي


>>>ماعدت روحها بنت :p





موت & ميلاد

[أم أديم]

:)


حياك الله مستغرب


في مطبخنا المتواضع


شف وانا اختك البنات ما قصرن الله يلبسهن العافيه


ما شاء الله مدهرات بهالقسم


وفيه كل ما لذ وطاب


عاد انت وانا اختك طب وتخير (qq)


واللي تبيه حنا حاضرين اخوي


لا عدمناك :rolleyes:

[شـــــاهه]

اخوي الفاضل والمحترم

مستغرب

غالي والطلب رخيص

حكتب لك طريقة عمل الملوخية الورق (موناعمه اقصد مفرومة)

والخوف ان تكون زوجتك تطبخها لكم

على كل حال الملوخية الورق تنطبخ بكذا طريقة

وانا حكتب الطريقة المفضلة عندي

المقادير
=====

* خمس حزم ملوخية تقطف وتغسل جيدا وتترك ليجف من الماء

* كيلو لحم شقف ( مثل لحمة الشوي )

* كزبرة خضراء حوالي ثلث حزمة مفرومة ومغسلة جيدا

* كزبرة ناشفة حوالي ملعقة صغيرة + ملعقة صغيرة فلفل اسود + ملح +قرن فلفل حار

* حصين ثوم

* عصير ليمونة

* بصلة مفرومة ناعم

* زيت زيتون حوالي بيالة


الطريقة
=====

1- يسلق اللحم ويضاف له ورق غار حوالي اربع ورقات وممكن بصلة كمان (وذلك لازالة زنخة اللحم)

2- يصفى اللحم من الماء بواسطة ملعقة ويحتفظ بمقدار من الماء

3- يوضع زيت الزيتون بقدر ( انا افضل مقلاة كبيرة وعميقة) ويوضع عليه البصل المفروم
ويقلب الى ان يصفر لونه ويضاف له اللحمة المسلوقة والكزبرة الناشفة والفلفل الاسود والفلفل الحار والملح

ويقلب جيدا

4- يضاف اليه الملوخية بالتدريج وتقلب وهكذا الى ان تخلص الكمية ثم يضاف الليمون

واهمية الليمون ليس بالطعم فقط لكن لكي تحافظ على خضار الملوخية

ويضاف حوالي كأس من ماء السلق

ملاحظة : لاتغطى الورقيات ابدا مثل الملوخية والسبانخ لانها ان اتغطت انقلب لونها لسواد

5-بمقلاة صغيرة يوضع قليل من زيت الزيتون وقليل من الثوم ويقلب ثم تضاف الكزبرة الخضراء وتقلب قلبتين ثم تضاف للملوخية


وصحتين وعافية

ودمتم بخير ان شاء الله


اختكم

شـــــــــــــاهه

[حنونه]

اخوي مستغرب مافيه اكثر من الطبخات بس انت امر وحدد اي نوع تحب بالضبط تبي اكلات سريعه يعني "" لو زوجتك موظفه او نوامه يمديها تسويها قبل تجي حضرتك من الشغل...""
او تحب الأكلات الدسمه او خفايف يعني سلطات بس حلوه مررره انت حدد واحنا بالخدمه

[هبه]

تحمست للموضوعك

<<<<<< تحب الفزعات :md:

شف بقولك طريقة سمك امي تصلحه (ابتكار الوالده)
توني اخذت منها الطريقه تقول لمين قلت لمنتدى :p

الهم بقولك الطريقه لانه المقادير على حسب كمية السمك

اولا بعد مانظف السمك نتبله بملح ( يفرك بالملح بلهجة الوالده الله يخليه لي :p )

بعدين نقليه بالزيت ماينضج لا بس مجرد تحمير .

والمفروض انا نكون محضرين خلطة الصلصه لسمك وهي ( طماطم مبشور ،

ثوم مبشور ، صلصله ، شوي ملح ، بهارات ، وشوية ماء لازم تكون الصلصه

غليظه مو خفيفه ، وحبحر حار مبشور اذا كان السمك كيلو يكون مقدار الحبحر 4

حبات )

ونكون بعد مقطعين بصل شرايح وفلفل رومي شرايح

بعد مانقلي السمك نروح راصين البصل بصينيه تيفال وبعدين نرص فوقه

الفلفل الرومي ونحط اربع حبات حبحر بكبره :o مانقطعه علشا تعرفون تاكلون

وبعدين نرص السمك وبالاخير نشرب السمك بالصلصه بملعقة

الأكل والزايد من الصلصه نصبه (نسكبه) على جوانب الصينيه بعدين نقوم

نحط الصينيه على العين الكبيره ( كذا امي تقول :p ) لا من جد نشغل عليه

الفرن من تحت على نار هاديه حتى يتشرب السمك المويه (الصلصه) و ينضج

وبعدين نحمره من فوق وانتبه لاتحترق الطبخه

وبالهناء والعافيه

على فكره كل من ذاقه انهبل عليه وكل ماجا احد من اخواني قلت لمي تصلحه

فيه طبخه ثانيه برضه من اختراع الوالده الله يحفظه صينية دجاج محشي لاتفوتك

اذا بغيت الطريقه قول لي وانزله :)

نسيت اقول لك لما تشري السمك اشري سمك فرش طازج

اذا كنت بالقصيم فاكيد تعرف عن مشرووع زراعة السمك

سمكهم خيال وماله ريحه مثل سمك البحر

[مستغرب]

بارك الله فيكن أخواتي والله ما قصرتن

وكان حقيقه هدفي من الموضوع ان نضع موضوع خاص يجمع جميع الطرق للطبخات بين كل فينه والأخرى

لكي يسهل على المتصفح للمنتدى جمع الطبخات وطباعتها

ومستغربه ماشاء الله عليها طباخه

تضبط صراحه المعلبات وعصير سنتوب

بس هي وعديتني لو اجيب لها طرق الطبخ راح تضبط كل طبخه

وكمان هي تتحدى

فريق اول والله انك صادق

بس انا سمعت انك تضبط طريقة الكوارع باللبن فممكن تشرح لنا

وعلى فكره ان طبعة طبخت شاهه وطبخة هبه

وراح اقول لكم عن التجربه

وشكرا للجميع

[دلع عيني دلع]

اخوي مستغرب000 حياك الله وابشر باللي تبي00

بس تصدق مستغربه رررررررررررررهيبه00 مريحه حاله

معلبااات00 وسنتوب000

لي عوده000 لاني مستعجله000

لك ارق تحيااااتي00

[دلع عيني دلع]

هلا بخوي مستغرب0000

بكتب لك طريقه برياااني بس شي000 خطير لوضبط مع مستغربه وان شاء الله

يضبط00000

ارز كاسين00 بصل00 نعناع طازج مقطع00 كزبره خضراء مقطعه00

بهارات البريااني00 ( 1 ملعقه وسط) 00 كاري ( 1 ملعقه صغيره)00 زنجبيل

طازج ( 1 ملعقه وسط)00 زبادي ( 1 كاس وسط)00 لحم قطع او دجاج00

ماجي او ملح 00 فلفل اخضر حار وبارد00 زيت00 زعفراان منقوع بماء ورد00

الحين بدا الشغل000

اول شي ننقع الرز ثلث او نصف ساعه00 بعدين نسلقه مو سلق كامل يعني يصير

بقى له شوي وينضج00 نسلق اللحمه او الدجاج000

نحط الزيت ونحط عليه البصل ونقلبه شوي 00 نضيف الفلفل والبهارات 00

نحط الزبادي بعد مانضيف له 2 ملعقه نشاء ونتركه خمس دقائق00 نضيف اللحمه

ونقلبها شوي 00 نحط الكزبره والنعناع00 ونتركهم شوي عالنار00

بجيب قدر ونحط فيه ثلاث ارباع كميه الارز ونحط عليه البصل واللحم ( الخليط)

ونضيف له بقيه الارز مع الضغط على الارز بالملعقه000 نرش الزعفراان على الوجه

ونتركه على ناار هادئه لمده ثلث ساعه تقريبااا ومستغربه ابخص0000

ثم يقدم00 اذا اضفت له فلفل حااار بيكون اطعم0000

وتقدم معه سلطه الزبااادي يالنعناع000 وهي سلطه هنديه000

زبادي + نعناع طازج+ فلفل اخضر حار+ملح00 تخلط بالخلاط وتقدم مع رش الوجه

بسمااااق00000

اخوي مستغرب اتمنى تجرب مستغربه الطريقه لانه رررررررررروعه

واي سؤال اضغط الكيبورد00000000

اشوى خلصت تعبت من الكتاااابه00000

لك ارق تحيااااتي0000

[هبه]

أنا الي بجربه ان شاء الله من اول

ادور طريقة البرياني زي الي قلتيه

وخصوصا ابي الي بكتب في المقادير بهارات البرياني :p

مشكوره دلع :p

بس المشكله اخوي راعي الصيد جا وهو مايكل الدجاج يسببه له حساسيه

شكلي بصبر لما يجي موسم صيد ثاني :o

وأنا مااكل اللحم ماينفع سمك :o

مستغرب لا تفوتك الطريقه وزي ماوعدتنا قل وش يصير معاكم
الله يوفق مستغربه وتتعلم تطبخ وتصير فنانة بالطبخ

[دلع عيني دلع]

هلا برفيقتي 00 هبه00

جربيه واي شي تحتاجين انا موجوده ياقلبي000

واذا على اخوك ممكن تسويين شوي لحم وشوي دجاج وتاكلون كلكم000

من جد لايفوتك وان شاء الله يضبط00 وعلميني بالنتيجه000

لك ارق تحياااتي 000

[سيف العداله]

يا عيني عليك يا مستغرب طلعت حاصل هالبنيات :p

بس فكره رهيبه وموضوع متجدد يستاهل من يتابعه ويشوف طبخ كل شيف عضوه (aqwa)