جبنا خبر الطشت ياجنط السفينة

[أبونديم]

السلام عليكم ورحمة الله وبركاته
الموضوع هذا امتداد للموضوع اللي على الرابط
http://www.qassimy.com/vb/showthread.php?t=81756

وتذكرون إني حطيت جايزة ثمينة عبارة عن جثيثه للي يجيب خبر الطشت
وبفضل من الله تحقق هدف أبونديم
وأنا الحين متشقق من الوناسه والضحتسه من الإذن إلى الإذن وبهذه المناسبة أزف التهاني لنفسي اولاً ولكل اللي تعاطفوا معي وحاولوا إنهم يفزعون لي
وتسني أشوف جنط السفينة يقول ادخل بالموضوع وعطنا السالفة
البارحة ليلة السبت ماشين ××× يم الطشت اللي بعيدة دياره
قصدي ليلة السبت كنا جالسين في الاستراحة واستراحتنا واستراحة الطشت بينهن جدار عازل مثل جدار الفصل العنصري الإسرائلي
على طاري الجدار مرة التفت علي واحد من الشباب وقال لي شف اليهود عيال التسلب حطوا الجدار
واجيك واطير عيوني واقرب اناظر الجدار قلت اخس عيال التسلب
قال شف الجدار يابونديم وش عرضه
قلت ايه اشوفه عندي ان البس يمشي مرتاح من عرض الجدار>> امحق تفكير
المهم نرجع للموضوع دخل علينا الطشت البارح بالاستراحة حالته حاله يمشي ويفاحج وساعة على ماوصل للجلسة >> صار مجلس الوزراء من طوله
قلت وش بك يالطشت عاد الطشت اقوله عادي بالموضوع اما عنده صعبة لأنه خبل ومتعافي
الطشت : لاعب كوره امس ومنشدات رجلين
قلت : عساهن للكسر زاد الى الحين عجزت القاء واحد ينحت ويطري على بالي واحد جالس معنا
من نفس الولاية قصيعاوي قح وبواردي جيد من الدرجة الثانية بس للأمانة الطشت اقوى منه رمي
قلت لرفيدزي فرصك تاخذ الجائزة وحقي من الطشت تراه جاهز بس يبي اللي يشوته
جلسنا نضحك ونذكر مواقف الطشت ورفيدزنا الضيف
يوم جاء يقوم الطشت ولاه مثل قومت الشيبان ايدينه بالارض ويالله يحرك رجليه علشان يمشي
والطشت مدزفي ( مقفي ) قال الضيف يابونديم ورى رجلينة تسنهن زرادية مجدوعه بدمال
والدمال الله يكرمكم معروف انه حار ويصدي بالحديد
ضحكنا ومن باتسر خمس وثلاثين اتصال من الطشت
اتصلت على الطشت قلت خير سبع ميه اتصال وش السالفة
الطشت : رجلي يابونديم انفركت بالدرجه وانا نازلن اصلي الفجر
قلت : هذي من رفالك بعدين منهو اللي قايلن لك اني العصر اشتغل دكتور
الطشت : تسان اقول رفاله بس الظاهر انه عين رفيدزك انا ابخص يابونديم
المهم جب لي ماء مقري بوه والا والله لا اعدم القصيعة ولا اخلي به مخلوق يمشي على الارض
قلت : تهدد انت وجهك ترى اللي انت شفت تجربه لصاروخ قصير المدى
خلك عاقل يالطشت لا تجيك صواريخ برؤوس نووية بعيدة المدى
الطشت : تراي صادز يابونديم رجلي شابه وحله عند رفيدزكم بعد الله
قلت : الحين اجي لمك ونروح للرجال
يوم وصلت ولا الطشت الله لا يوريكم حالته حالة الزرادية المصدية ازين منه
اخذته معي بالسيارة والجو بارد اليوم مهوب طبيعي ورحنا للأستراحة
الطشت وراك ماتروح لرفيدزك ناخذ منه ماء
قلت : مهيب زينه نروح لمه بالبيت يبي يستحي ويحلف انه مانحتك
واتصلت على رفيدزنا وقلت له السالفة
قال : تصدز يابونديم اني حسيت اني لحطته >> اشوى اعترف
قلت الله لا يبارتس بك وراك ماذكرت الله
قال : مامدان
قلت : المهم تعال للأستراحة العشاء اليوم على حسبابي نبيك تقراء على الرجال
قال : لا والله مانب جاي مستحي من الطشت بس ابجيب ماء خله يتوضى منه
جاء الرجال وجاب الماء حاولت انه يدخل وحلف انه مستعجل التسذوب
جبت جيك الماء للطشت وقبل اصل بديت اصب منه شوي على الارض
الطشت : حرام عليكم يابونديم لا يقضي الماء
قلت : وش دعوى والله لو هو زمزم
الطشت : تكفى يابونديم مهوب وقت مزح
قلت : اجل احلف انك تذكر الله كل مادخلت الاسترحة ولا عمره تكرر منك حركات نص الكم والنحاته والخرابيط
الطشت : خلاص اللي تبي اسويه بس الماء لا يقضي
قلت : عاهدن انك ماتدخل يالطشت ثاني مره >> صار جني
وبعد ماخذت عليه كل التعهدات وذليته على كل الي سواه بنا عطيته الماء وتوضى منه لصلاة المغرب
الساعة 11 ماشي الطشت يحلف يقول رجلي احسن من اول
قلت : الله واكبر رجل كاكا على غفله ياشين اندزلع
وقام الطشت يمشي حتى الشد اللي برجله خف

يوم شفت ان الدعوى تسذا واجيك افتح الخزان الارضي حق الاستراحة
ومن جاء يبي يدخل او يطلع من الشهبان قلت له اقر بالماء وكودنا نسلم

والسلام عليكم

[ابو شدق]

وشلون جدعتوه ذا

بس تراه صويب انتبهو له

باتسر يبراء صوابه ويجي يلحطك ويلحط رفيدزك والعلاقا كلهم

لايصير القزم الي نحته تراه مذكورن بالخير راعي هالقصيعه

ابونديم مبطين عن هالمواضيع ياشلختن من فؤادي

[ابو شدق]

ابونديم انت ماقلت هاك اليوم ان اسمه الطشت

وهالطشت من الطشوت الاوله الحديد البطران ذاك

ولا من طشوت هالوقت البلاستيك

[أبونديم]

وشلون جدعتوه ذا

بس تراه صويب انتبهو له

باتسر يبراء صوابه ويجي يلحطك ويلحط رفيدزك والعلاقا كلهم

لايصير القزم الي نحته تراه مذكورن بالخير راعي هالقصيعه

ابونديم مبطين عن هالمواضيع ياشلختن من فؤادي

خخخخخخخخخخخخخخ
هلا بجمارة قلبي ابوشدز انا وياه بالاستراحه تقل اطلع جني
وهدته ان نحت احد ابرميه
ولا تخاف به اقوى من العلاقا
القصيعة سلاحة النووي سلمي للدفاع عن النفس بس >> وهم اعدموا نص سوق البقر

[أبونديم]

ابونديم انت ماقلت هاك اليوم ان اسمه الطشت

وهالطشت من الطشوت الاوله الحديد البطران ذاك

ولا من طشوت هالوقت البلاستيك

صادز ماقلت
بس جنط السفينة يوم يبي يفزع لي سأل عن اسمه وعطيته المعيارة
لو تدري وراه سمي الطشت تسان تضحك الى باتسر
وتراه طشت حديد القصير اللي يطلع به شبا

[زهره بنفسجية]

والله وتجمعتوا عز الله اللي مافهمنا شئ .......

بس كل ماقلت الطشت تذكرت طشت الغسيل
خخخخخخخخخ >>> ودي اجرب هالضحكة ماعمري جربته

قال شف الجدار يابونديم وش عرضه
قلت ايه اشوفه عندي ان البس يمشي مرتاح من عرض الجدار>> امحق تفكير
خخخخخخخخخخخخخخخخ
هذي خطيرة

واتصلت على رفيدزنا وقلت له السالفة
قال : تصدز يابونديم اني حسيت اني لحطته >> اشوى اعترف
قلت الله لا يبارتس بك وراك ماذكرت الله
قال : مامدان
خخخخخخخخخخخخخخخخخخخ
هذي أخطر .

يوم شفت ان الدعوى تسذا واجيك افتح الخزان الارضي حق الاستراحة
ومن جاء يبي يدخل او يطلع من الشهبان قلت له اقر بالماء وكودنا نسلم
خخخخخخخخخخخخخخخخ >>> جازتلي الضحكة
هاللحين صدق هالحتسي
صدق هذولا عيونهم حارة
................
مرة انا جيت بجرب بشوف انا نحوتة
ولا لاء ......
وقبل مانطق اقول ماشاء الله
هاللحين تسيف هاللي ينحتون
ذولا ودي اجري معهم مقابلة الصراحة
واكتشف مواهبهم المدفونة >>> امحق مواهب

[د. جنط السفينة]

والله يا انت حظيظ

تصدق كنت داخل اخر دخول لي

لأني مشغول هالايام

مير يوم لقيت موضوعك اكيد ابنكس لو باتسر



اسمع

تساني مامت

وتسان ماحذفوا موضوعك

وتسان العمارة الي انا ساكنن به ماطاحت

وتسان ما اخترق قصيمي نت يهودي وخربه

وتسان ماتزاعلنا انا واياك

وتسان مامسكتن الاستخبارات

وتسان ما انتحرت انت

وتسان ما انقطع النت

وتسان ماقامت الحرب العالميه الثالثه

وتسان ماقطعت اشارة ومسكون المرور وحجزون ثلاثة ايام

وتسان ماتزوجت انا وجحدت ابوكم

وتسان ماثار البركان الي بالقصيعه وجرفكم

وتسان ماتهاوشت انا والمشرفين والمشرف العام همن عطون باند مع جبهتي

تسان ماصار شي من هذولي

فلي نكسه ان شاء الله



.



.

[زهره بنفسجية]

7
7
7
الله يغربل ابليسك ياجنط وش ذا

[Asatir]

وين أيام أبو نديـــــــــــــــم..
مرحبن بــــــــــــــوه..

بس ياكثر هذركم..
لي نكســـــــــــــــة..لأن وراي دوام الحين.

[الاميرة عنابة]

وحسااااافه كان على بالي بتعطين السكري بس ياالله خيرها بغيرها(a26)

طيب الطشت الحين بعد التعهد مايدخل استراحتكم(a14)

وآآآخر سؤال استاذ ابو نديم <<< على باله لقاْ صحفي(qq152)

هو يدري انكم تقولون عنه انه نحوت وإلا لا؟؟

ونسيت اقول حياك الله منذ مبطي ماشفناك:)

[خماش]

اللي مثل هذولا ما يتوب،وتراهم بعض الأوقات معذورين،
تطلع منه بليا كنترول<<<شفت كنترول ما أحلاها.(vv)
عندنا وعندك خير.
بس خذ حذرك لا تجيبه عندك الا هو لاعبً كوره.:gg4mpup:

[دمعــه قــمـر]

والله يا انت حظيظ

تصدق كنت داخل اخر دخول لي

لأني مشغول هالايام

مير يوم لقيت موضوعك اكيد ابنكس لو باتسر



اسمع

تساني مامت

وتسان ماحذفوا موضوعك

وتسان العمارة الي انا ساكنن به ماطاحت

وتسان ما اخترق قصيمي نت يهودي وخربه

وتسان ماتزاعلنا انا واياك

وتسان مامسكتن الاستخبارات

وتسان ما انتحرت انت

وتسان ما انقطع النت

وتسان ماقامت الحرب العالميه الثالثه

وتسان ماقطعت اشارة ومسكون المرور وحجزون ثلاثة ايام

وتسان ماتزوجت انا وجحدت ابوكم

وتسان ماثار البركان الي بالقصيعه وجرفكم

وتسان ماتهاوشت انا والمشرفين والمشرف العام همن عطون باند مع جبهتي

تسان ماصار شي من هذولي

فلي نكسه ان شاء الله



.



.
دخت انا من هالكلام (hjh) (hjh)

[مدرعمه]

هلا والله بابو نديم وينك مبطي مادخلت ؟

يوم شفت ان الدعوى تسذا واجيك افتح الخزان الارضي حق الاستراحة
ومن جاء يبي يدخل او يطلع من الشهبان قلت له اقر بالماء وكودنا نسلم

والسلام عليكم

ماشاء الله عليك ذكي

[طاقتن تسبدي]

قلت ايه اشوفه عندي ان البس يمشي مرتاح من عرض الجدار>> امحق تفكير

ابو نديم شايلن هم البس لهدرجه ههههههههههههههه ليكون خويك النحوت جادع له بس من فوق الجدار

ابوو نديم هههههههههههههه هذولا لاتماشيهم باتسر يجدعونك

صدز ياخي ولا القط فنجاله ولا عبس التمر خلهن عندك لاصار بك شي اعرف انه من تحت راس البليه ذا

ههههههههههههههههههههههه الله يعينك على مشاكله

هالمره جاك طشت صدقني باتسر بيجيك طشوت وغسالات بعد

خذ احتياطاتك هههههههههه

عندي سؤال يطرطع بقلبي

ليه سميتوه الطشت؟؟

ترى هالطشت عندي لها شفره زينه بس مدري اذا انت تعنيها ولالا

علمني وش قصدك بهالتسميه؟؟

<= مهيب ملقوفه ابببببببببببدن

[سارة هالزمن]

الله عليك ابو نديم مسوي فيها الشيخ الزاهد عليهم
الظاهر ان الرؤووس النووية تصدر من عيينتك (vv)

ياحول يالطشت ماتسوى عليه فقد كل اهليااته بسبب رشقة ماء متفوول فيها

إلا علمني
انت قريت بالخزان ولا لا
وجهن خاازن عينه بقووه

[ابو شدق]

خخخخخخخخخخخخخخ
هلا بجمارة قلبي ابوشدز انا وياه بالاستراحه تقل اطلع جني
وهدته ان نحت احد ابرميه
ولا تخاف به اقوى من العلاقا
القصيعة سلاحة النووي سلمي للدفاع عن النفس بس >> وهم اعدموا نص سوق البقر

هلا بسمة تسبدي

هههههههههههههههه

ولحقو على سوق البعارين بعد

وسلاحهم نبيطه بس دزديين الماخوذين (vv)

صادز ماقلت
بس جنط السفينة يوم يبي يفزع لي سأل عن اسمه وعطيته المعيارة
لو تدري وراه سمي الطشت تسان تضحك الى باتسر
وتراه طشت حديد القصير اللي يطلع به شبا

هذا الطشت السنع

ترا الشبا هو علامة التجاريه السنعه

وعلمن وراه سميتوه لو بالخاص تراه انتفخ راسي (ask)

[ابو شدق]

صفعة زمن حياك ماتعرف رد الله يفشلك

[بنت الماضي]

مسيك بالخير ياعمي ابونديم << صدقت(qq166)

والحمدلله خلصتوا من هالطشت وارتحتو(a14)

انا بصراحه كل هالمده كنت ادور لك حل ولقيته بس الحمدلله انحلت >> ياشين التسذب(qq15)

ولييييييه سميتوه الطشت لازم القصه تكون كامله ولاتفقد شي من اساسياتها(qq168) >> مسويه مدرسة عربي(asj)

[صفعةزمن]

ياكبر اشدوقك كبرااااه ،،، بس ماهب اكبر من قل صبرك يا العليقه ،،، معلقن بك بسعف الله يدفع البلاء ،، اصبر اشوي

بعدين خلن أول اسدي الدرب

[صفعةزمن]

اقول : ابو نديم وشلونك ترا الذيب ابو شدق هو اللي اجدعن عليك جدع علشان اقول اللي بخاطري فوجب عليك انك تفل حجرك جاك الرد
انا اقول اذا تبي رايي ،،، اعزمه على عشاء يحبه قلبك يجيب البس من العراق مو من طلعة الخليج اللي اهجرنه البساسة ،،،


شفت يا بعدهم ،، واذا عزمته كثر الببس ،،، و حط بالعشاء سم فار ،،، واذا اصبح تعال لفعن زين ،


بس انتبه تعزمن معه؟!!! والله لافضحك عنده


وبهذا تكون عطيته صفعةزمن ،، وفتحت في حياتك صفحة زمانك؟؟؟؟
وياخوفي ان كل الاستراحة يبون لهم سم فار ،،، و المشكلة اذا كل اقصيعة يبون لهم سم فار عز الله ارتفع سعر السم ،،، و على اثره سيرتفع سعر البقر في سوق البقر
أو وش رايك ابو شدق ماني صاج
هههههههههههههههههههههههههههههههههه
ههههههههههههههه
ههههه

[باقي فرح]

ابو نديم

اقطع علاقتك بالطشت .....>> الا وشلونه ؟

مدري وش مصبرك على النضولين

ياصبر الارض

[باقي فرح]

اسمع

تساني مامت

وتسان ماحذفوا موضوعك

وتسان العمارة الي انا ساكنن به ماطاحت

وتسان ما اخترق قصيمي نت يهودي وخربه

وتسان ماتزاعلنا انا واياك

وتسان مامسكتن الاستخبارات

وتسان ما انتحرت انت

وتسان ما انقطع النت

وتسان ماقامت الحرب العالميه الثالثه

وتسان ماقطعت اشارة ومسكون المرور وحجزون ثلاثة ايام

وتسان ماتزوجت انا وجحدت ابوكم

وتسان ماثار البركان الي بالقصيعه وجرفكم

وتسان ماتهاوشت انا والمشرفين والمشرف العام همن عطون باند مع جبهتي

تسان ماصار شي من هذولي

فلي نكسه ان شاء الله



جنط

يقطع العدو

قريت كلامك بنفس واحد...ماخلصت الا وانا ادور الهوا

وه

[أبونديم]

والله وتجمعتوا عز الله اللي مافهمنا شئ .......


وانتي متى فهمتي (ask)


بس كل ماقلت الطشت تذكرت طشت الغسيل
خخخخخخخخخ >>> ودي اجرب هالضحكة ماعمري جربته

يعني مختس مافكر الا بطشت الغسالة
ويبي يساوون المرأة بالرجل


خخخخخخخخخخخخخخخخ >>> جازتلي الضحكة
هاللحين صدق هالحتسي
صدق هذولا عيونهم حارة

اذا لمست اعيونهم لقيته بارد بس مادري من وين تجي الحرارة(qq171)

................
مرة انا جيت بجرب بشوف انا نحوتة
ولا لاء ......
وقبل مانطق اقول ماشاء الله
هاللحين تسيف هاللي ينحتون
ذولا ودي اجري معهم مقابلة الصراحة
واكتشف مواهبهم المدفونة >>> امحق مواهب

خخخخخخخخخخخخخ
النحاته موهبة وحاسة سادسه
مهوب من هب ودب يجرب (qq10)

[أبونديم]

والله يا انت حظيظ

تصدق كنت داخل اخر دخول لي

لأني مشغول هالايام

مير يوم لقيت موضوعك اكيد ابنكس لو باتسر



اسمع

تساني مامت

وتسان ماحذفوا موضوعك

وتسان العمارة الي انا ساكنن به ماطاحت

وتسان ما اخترق قصيمي نت يهودي وخربه

وتسان ماتزاعلنا انا واياك

وتسان مامسكتن الاستخبارات

وتسان ما انتحرت انت

وتسان ما انقطع النت

وتسان ماقامت الحرب العالميه الثالثه

وتسان ماقطعت اشارة ومسكون المرور وحجزون ثلاثة ايام

وتسان ماتزوجت انا وجحدت ابوكم

وتسان ماثار البركان الي بالقصيعه وجرفكم

وتسان ماتهاوشت انا والمشرفين والمشرف العام همن عطون باند مع جبهتي

تسان ماصار شي من هذولي

فلي نكسه ان شاء الله



.



.

خخخخخخخخخخخخخخخ
لو رديت بدال الحتسي الفاضي اللي مافهمت منه الا انك تبي تجي
حياك ياجنط في اي وقت المحل محلك

[أبونديم]

وين أيام أبو نديـــــــــــــــم..
مرحبن بــــــــــــــوه..

بس ياكثر هذركم..
لي نكســـــــــــــــة..لأن وراي دوام الحين.

مرحبن بتس
وحنا وشوله جايين الا علشان نهذر
تبي تصيرين مثل بعض الناس يحتسي بالقطارة >> مايقصد دمعة مطر

[أبونديم]

وحسااااافه كان على بالي بتعطين السكري بس ياالله خيرها بغيرها(a26)

الصراحة ماقصرتي كل محاولاتس فاشلة (a26)

طيب الطشت الحين بعد التعهد مايدخل استراحتكم(a14)

لا اذا دخل قبل يرن الجرس يقول مشاء الله
وهذا بند من ضمن البنود المتفق عليها

وآآآخر سؤال استاذ ابو نديم <<< على باله لقاْ صحفي(qq152)

هو يدري انكم تقولون عنه انه نحوت وإلا لا؟؟

نقوله انت نحوت بس مادري هو يدري والا لا (a26)

ونسيت اقول حياك الله منذ مبطي ماشفناك:)

الله يحيتس يالاميرة العنبه

[أبونديم]

اللي مثل هذولا ما يتوب،وتراهم بعض الأوقات معذورين،
تطلع منه بليا كنترول<<<شفت كنترول ما أحلاها.(vv)
عندنا وعندك خير.
بس خذ حذرك لا تجيبه عندك الا هو لاعبً كوره.:gg4mpup:

مين خماش يامرحبا يامرحبا نورك طفا الكهربا
تدري المشكلة من الكنترول لو يضبط تسان ارتاحوا البشرية
والا على قولك نجمعهم كل صبح ونلعبهم كورة (q47)

[المُهرة]

الطشت الي
اومي اومي استحمي << هذا طشت موضوعك يا أبو نديم
الصدق وحشتنا خزعبلاتك وصراويلك المشققه
ههههههههههههههههه

[أبونديم]

هلا والله بابو نديم وينك مبطي مادخلت ؟



ماشاء الله عليك ذكي



توتس تدري اني ذكي
والله انتس صدز مدرعمه

[أبونديم]

ابو نديم شايلن هم البس لهدرجه ههههههههههههههه ليكون خويك النحوت جادع له بس من فوق الجدار


بين استراحتنا واستراحت الطشت جدار
مرة وقف بس على الجدار حوالي خمس دقايق يناظر استراحتنا همن يلتفت للأستراحة حقت الطشت
وجالس يفكر يسير على مين
الشباب متحمسين يقلون ياليت ينزل عندنا اخر شي قرر البس ينزل عند الطشت >>البس مقرود
شوي الا عيونتس ماتشوف الا النور جاي البس من فوق الجدار يمشي الف وطب على وجهه بحوشنا
همن تعدل وصار يمشي طبيعي ايقاله ماسوى شي
اثر الطشت واخوياه لاحقينه

ابوو نديم هههههههههههههه هذولا لاتماشيهم باتسر يجدعونك


اقراء وردي وكل ماشفتهم قلت اللهم فكن من شرهم


صدز ياخي ولا القط فنجاله ولا عبس التمر خلهن عندك لاصار بك شي اعرف انه من تحت راس البليه ذا


احط فنجال وعبس طيب اذا صار شي يبي يعلمنن العبس (q33) [SIZE=5]



هالمره جاك طشت صدقني باتسر بيجيك طشوت وغسالات بعد

خذ احتياطاتك هههههههههه


الله يستر مايجي محل المحيميد للغسالات كله بكبره


عندي سؤال يطرطع بقلبي

ليه سميتوه الطشت؟؟



مانب معلمتس (q33)


ترى هالطشت عندي لها شفره زينه بس مدري اذا انت تعنيها ولالا


علمني وش قصدك بهالتسميه؟؟


علمين واعلمتس

<= مهيب ملقوفه ابببببببببببدن

عادي كلنا ملادزيف (vv)

[أبونديم]

الله عليك ابو نديم مسوي فيها الشيخ الزاهد عليهم
الظاهر ان الرؤووس النووية تصدر من عيينتك (vv)


خخخخخخخخخخخخخخ
والله اني متوقع يبي يطلع احد ويقول الحتسي
بس ماتوقعتس متوقع الاشهب جنط السفينة


ياحول يالطشت ماتسوى عليه فقد كل اهليااته بسبب رشقة ماء متفوول فيها

إلا علمني
انت قريت بالخزان ولا لا
وجهن خاازن عينه بقووه


تدرين ان الماء يسوى ماء الذهب عند الطشت
واحذرتس يالعمة ان ماتركتي سوء الظن ترى ابجيب لتس قنبلة نووية تخلي تواقيعتس اقتباسات كله اسهم وارقام
و لو تعطينن صك بريدة ماجبت لتس ماء مقري بوه

[طاقتن تسبدي]

الجدار يمشي الف وطب على وجهه بحوشنا
همن تعدل وصار يمشي طبيعي ايقاله ماسوى شي
اثر الطشت واخوياه لاحقينه


ول علييهم حتى البس ماخلوه في حاله ماشاء الله عليهم رايقين هههههههههههه

احط فنجال وعبس طيب اذا صار شي يبي يعلمنن العبس

ايه يعلمنك ربصهن بما واشرب ماهن وعلى الله شفاك <= دكتوره عيون ونحاته..

علمين واعلمتس



علمـــــــــــــــــــــــــــــــــــــــــن اول وش يضمن لي انك تعلمني اذا علمتك<= افلقني اذا فهمت

[أبونديم]

هلا بسمة تسبدي

هههههههههههههههه

ولحقو على سوق البعارين بعد

وسلاحهم نبيطه بس دزديين الماخوذين (vv)

خخخخخخخخخ
هلا بليفت معالدزي
اخذين الصنعه بالغرب يوم شفنا الشماسية تسلحت بالشرق

هذا الطشت السنع

ترا الشبا هو علامة التجاريه السنعه

وعلمن وراه سميتوه لو بالخاص تراه انتفخ راسي (ask)

علمن وراه انتفخ راسك >> راسي انتفخ بعد

[الاميرة عنابة]

الله يحيتس يالاميرة العنبه

(qq136) شكرا ابو نديم <<< مقفله معه به نوووم

[أبونديم]

مسيك بالخير ياعمي ابونديم << صدقت(qq166)

والحمدلله خلصتوا من هالطشت وارتحتو(a14)

انا بصراحه كل هالمده كنت ادور لك حل ولقيته بس الحمدلله انحلت >> ياشين التسذب(qq15)

ولييييييه سميتوه الطشت لازم القصه تكون كامله ولاتفقد شي من اساسياتها(qq168) >> مسويه مدرسة عربي(asj)

هلا ببنت اخوي حياتس
احسن شي اني سلمت من حلولتس
وكنت ابقول سبب التسمية بس الحين هونت لأن المشافيح طلعوا واجد (qq168)

[أبونديم]

اقول : ابو نديم وشلونك ترا الذيب ابو شدق هو اللي اجدعن عليك جدع علشان اقول اللي بخاطري فوجب عليك انك تفل حجرك جاك الرد
انا اقول اذا تبي رايي ،،، اعزمه على عشاء يحبه قلبك يجيب البس من العراق مو من طلعة الخليج اللي اهجرنه البساسة ،،،


شفت يا بعدهم ،، واذا عزمته كثر الببس ،،، و حط بالعشاء سم فار ،،، واذا اصبح تعال لفعن زين ،


بس انتبه تعزمن معه؟!!! والله لافضحك عنده


وبهذا تكون عطيته صفعةزمن ،، وفتحت في حياتك صفحة زمانك؟؟؟؟
وياخوفي ان كل الاستراحة يبون لهم سم فار ،،، و المشكلة اذا كل اقصيعة يبون لهم سم فار عز الله ارتفع سعر السم ،،، و على اثره سيرتفع سعر البقر في سوق البقر
أو وش رايك ابو شدق ماني صاج
هههههههههههههههههههههههههههههههههه
ههههههههههههههه
ههههه


حياك الله ومادام ابوشدز اللي جدعك علينا فانت دبتسي
وحي الله الدبتس واهله
خذ الحتسي اللي يجمد على شارب ابوشدز (a26)
تسان انت مجرب سم الفار وجاب معك نتيجه
لا تحسبه ينفع مع كل العالم
انا اقول يالله فردان يقطع مصرانهم

[أبونديم]

ابو نديم

مدري وش مصبرك على النضولين

ياصبر الارض



كل شي ولا الطشت
صح انه نضول بس قلبه طيب سرعان مايذكر الله بعد مايموت الرجال

[أبونديم]

الطشت الي
اومي اومي استحمي << هذا طشت موضوعك يا أبو نديم
الصدق وحشتنا خزعبلاتك وصراويلك المشققه
ههههههههههههههههه

خزعبلاتي وصراويلي مهيب توحش
بس يمكن انتي خوافه فوق اللزوم (ask)

[أبونديم]

ول علييهم حتى البس ماخلوه في حاله ماشاء الله عليهم رايقين هههههههههههه

خبوبيه فاضين وش تبينهم يسوون غير ملاحق البساسه

ايه يعلمنك ربصهن بما واشرب ماهن وعلى الله شفاك <= دكتوره عيون ونحاته..

والله يانا ابشربهن عقبهم لو اطمع اني اموت
شوفي لي علاج غيره يادكتوره

علمـــــــــــــــــــــــــــــــــــــــــن اول وش يضمن لي انك تعلمني اذا علمتك<= افلقني اذا فهمت

دزربي راستس خل افلقتس >> تراي فهمت حتيتس

[أبونديم]

(qq136) شكرا ابو نديم <<< مقفله معه به نوووم

افا
كل شي ولا الاميرة تقفل
وين ام لسان يمكن معه مفتاح لتس (q30)

[المُهرة]

خزعبلاتي وصراويلي مهيب توحش
بس يمكن انتي خوافه فوق اللزوم (ask)
وحشتنا = اشتقنا :hgfyhg14k
وتراني منيب خوافه (q20)
بس ذروقه (qq166)

[أبونديم]

وحشتنا = اشتقنا :hgfyhg14k
وتراني منيب خوافه (q20)
بس ذروقه (qq166)

خخخخخخخخخخخخ
وش رايتس تجبين مترجم
مافهمت اشتقنا يالذروقه (qq166)

[المُهرة]

8
8
المترجم يرصع في القمرا << قمرا هالحزة
هههههههههههههههههههههه
مهوب فاضي
وذروقه ذورقه
أهم شي اسلم براصي

[خماش]

مين خماش يامرحبا يامرحبا نورك طفا الكهربا
(q47 )الله يرحب بك،تراني رحبت بك في موضوع الجنط.:)

[أبونديم]

8
8
المترجم يرصع في القمرا << قمرا هالحزة
هههههههههههههههههههههه
مهوب فاضي
وذروقه ذورقه
أهم شي اسلم براصي



اصبري للصبح وتصير قمرا
وان ماترجمتي ترى برسل لتس صاروخ من صواريخ الطشت
اخر ماوصل له من التقنية الحديثة انه ينحت على الوصف ومهوب لازم يشوف(q20)

[أبونديم]

الله يرحب بك،تراني رحبت بك في موضوع الجنط.:)

على تسذا النتيجة تعادل واحد واحد (vv)

[صبح,,]

عندي موعد بالصحيه ...اروح همن ارجع اقرا هرجاتك اللي يبيلهن قواميس

لنا ....عوده بعون الله

[زعبور]

يوم شفت ان الدعوى تسذا واجيك افتح الخزان الارضي حق الاستراحة
ومن جاء يبي يدخل او يطلع من الشهبان قلت له اقر بالماء وكودنا نسلم




هههههههههههههههه

اعد انتم يا اهل القبله ما ينفع لا طشت ولا حزان ولا برتسه

يالله محوري يرشكم كلكم

عيونوهم كبر شطوب العبس

والنحته تجي تمشي الفين

[أبونديم]

عندي موعد بالصحيه ...اروح همن ارجع اقرا هرجاتك اللي يبيلهن قواميس

لنا ....عوده بعون الله

ماتشوفين شر الله يشافيتس بلا الصحيه
ومافيه داعي للقابوس >> ملك عمان
من اليوم وطالعاً ابحتسي باللغة العربية الفصحى

[أبونديم]

عيونوهم كبر شطوب العبس

والنحته تجي تمشي الفين

وش دعوى والله لو حنا صينيين على العيون
بس بيني وبينك ولا تعلم احد
صورة المزيون شله لا باتسر تبحل به طع شوري (vv)

[النجديه]

الطشت : حرام عليكم يابونديم لا يقضي الماء
قلت : وش دعوى والله لو هو زمزم
الطشت : تكفى يابونديم مهوب وقت مزح

>>>> الله من النذاله فيك (qq167) هههههههههههههه

اهني الطشت على قوة تحمله (a14)

يعطيك العافيه ياخوي على هالموضوع

[الدبة المملوحة]

ياحوووول زين اللي ماتقطع هالطشت00

[شبيـه الريـح]

حيا الله أبونديم ..(qq10)

وين الناس اشغلتنا عليك ياراعي الطشت

[أبونديم]

>>>> الله من النذاله فيك (qq167) هههههههههههههه

اهني الطشت على قوة تحمله (a14)

يعطيك العافيه ياخوي على هالموضوع


والله لو تشوفين سوايا الطشت بنا مارحمتيه
تسان تقولين قلعته تسديد ديون

[أبونديم]

ياحوووول زين اللي ماتقطع هالطشت00

لا تخافون عليه الطشت ضد الصدا
وغير قابل للكسر

[أبونديم]

حيا الله أبونديم ..(qq10)

وين الناس اشغلتنا عليك ياراعي الطشت

هلا بك حياك ياشبيه
والله لا يشغلك على غالي

[د. جنط السفينة]

ابونديم

ابي فروة طفيلي وين القاه

.

[ابوهتون]

ياخي مع اني ماقريت الموضوع بس اني منبسط
يكفي اني جالسن اشوف موضوع ابونديم

[الدبة المملوحة]

ياخي مع اني ماقريت الموضوع بس اني منبسط
يكفي اني جالسن اشوف موضوع ابونديم



أبو هتون وش صار على الوظيفة؟؟؟؟

[صبح,,]

ماتشوفين شر الله يشافيتس بلا الصحيه
ومافيه داعي للقابوس >> ملك عمان
من اليوم وطالعاً ابحتسي باللغة العربية الفصحى

خخخخخخخخخخخخخخخخخخ

مابي شر ..رحت ازور الثريما مسويه عمليه بعينه الله يشافيه (g) (g)

يمدحون الفحصى

[أبونديم]

ابونديم

ابي فروة طفيلي وين القاه

.

تسان مانب واهم ياجنط
تلقاه بسوق الذهب والا بسوق البقر
ماتعدى السوقين

[أبونديم]

ياخي مع اني ماقريت الموضوع بس اني منبسط
يكفي اني جالسن اشوف موضوع ابونديم

عساك ماتعمى يابعد ابوشدز انت
ناظر ولا تقراء كلي لك

[أبونديم]

أبو هتون وش صار على الوظيفة؟؟؟؟

موضوعي صار ديوان الخدمة المدنية

[أبونديم]

خخخخخخخخخخخخخخخخخخ

مابي شر ..رحت ازور الثريما مسويه عمليه بعينه الله يشافيه (g) (g)

يمدحون الفحصى

ليته بعين بوش ولا بعين الثريما
تشافي له عن وقولي تسان تبي اتبرع بالدم ماعندي مانع الكيلو بخمسه