كاتم الونة
16-12-06, 05:27 PM
أنا بطلب الله وأرجي الواحد المعبود=عليم الخفا اللي مابعد خاب طلابه
يروف بحياة امولعٍ ضامره ملهود=يخاف الزمان يصك من دونه ابوابه
وانا ماذبحني كود غروٍ عيونه سود=خذ القلب من بين المعاليق واقفى به
وانا لي عشيرٍ كل يومٍ غلاه يزود=وحب العرب ينقص وهو زاد بحسابه
تزايد غرامه والهوى تابعه مقرود=الا واهني اللي هوى الترف ماصابه
وانا سامحٍ مادام اهو بالوطن موجود=واهل العباير خوفي الترف يغدا به
ويازين خلي لابس افخر الماجود=عديم الوصايف يوم مر يتخطى به
يشابه لعين اموحشٍ في الشبك مصيود=سهوم المنايا بيناتٍ بمخلابه
وياعود موزٍ ناعمٍ هزعته النود=مكانه ظليل وراهي الماء بمشرابه
يروف بحياة امولعٍ ضامره ملهود=يخاف الزمان يصك من دونه ابوابه
وانا ماذبحني كود غروٍ عيونه سود=خذ القلب من بين المعاليق واقفى به
وانا لي عشيرٍ كل يومٍ غلاه يزود=وحب العرب ينقص وهو زاد بحسابه
تزايد غرامه والهوى تابعه مقرود=الا واهني اللي هوى الترف ماصابه
وانا سامحٍ مادام اهو بالوطن موجود=واهل العباير خوفي الترف يغدا به
ويازين خلي لابس افخر الماجود=عديم الوصايف يوم مر يتخطى به
يشابه لعين اموحشٍ في الشبك مصيود=سهوم المنايا بيناتٍ بمخلابه
وياعود موزٍ ناعمٍ هزعته النود=مكانه ظليل وراهي الماء بمشرابه