العام الجديد

[يايبته صح]

ابتدينا وابتدا عامن جديد
ننتظر في شوق به لحظه لقا
عندنا هاليوم كنه يوم عيد
كل خطواته اتسابقا
لكن أني ابتدي عامي وحيد
دون خلان ولاحتى أصدقا
من تخرج منهم وأصبح بعيد
للوظيفة في حياته ارتقا
ومن ترك درب الدراسة مايريد
مل من كثر الدراسة والشقا
لي صرت اليوم في كوني شريد
حتى ضحكي اللي بشفاتي فارقا
إلا ذكرت فراقهم همي يزيد
وش بقالي بعدهم ؟ هم وشقا
حبهم يسري مع دم الوريد
ما هقا الفرقا خفوقي ما هقا
ادري أن الشوق فيني ما يهيد
حتى لو أكتب قصيدة بورقا
لكن أحيانا مع العذب القصيد
تشعر براحة إذا بس تنطقا
لعن أبو جد الظروف اللي تحيد
عن دروب وصالهم أو منطقا
باجر ألقاهم بعد فرقا أكيد
وتطفي نار في خفوقي تحرقا


ماخذتها من جريدة جامعية وأسم الشاعر الغرنوق