|
|
|
|
 برنامج iMesh للبحث عن الملفات في شبكة الانترنت |
أضيف في: 15-10-1425هـ | |||
|---|---|---|---|---|
كيفكم ياشباب عساكم طيبون انشالله انكم بحير وعافيه بعد انقطاعي الطويل عنكم وبسبب اني توني واصل من السفر ماحبيت ارجع ويدي فاضيه فقلت اشرح لكم هالبرنامج اللي انشالله انه يعجبكم ويالله نبدا بالشرح بسم الله نبدا ***تفاصيل البرنامج******* اولا اسم البرنامج هو : iMesh وظـيفة البرنامج هي :عمل البرنامج هو عرض وبحث وإنزال للملفات السمعي والفيديو وملفات الصور من شبكة الانترنت الاصدار المشروح هو :V4.1 حجم البرنامج هو :2.97 MB موقع البرنامج هو: www.imesh.com وصـلة التحميل : Click The Right Muse And Choos Save As... *****الشرح****** اولا وبعد تنصيب البرنامج يجب ان تسجل عضو جديد عندهم من خلال البرنامج وطريقة التسجيل سهله وهي اذا فتحت البرنامج راح تطلعلك نافذة النافذه هذي فيها خيارين واحد نيو يوزر والثاني لوج ان اختر نيو يوزر واكتب بياناتك مثل اسم المستخددم والباسورد والايميل والعمر والجنس ...... الخ طبعا اسم المستخدم والباسورد هذولا هم اللي لازم تكون عارفهم زين لانك راح تخش بالبرنامج عن طريقهم بعد ماتكتب البيانات وتخلصها تلاقي زر تحت على يمين مكتوب ريجستر غط عليه وخله شوي وبيشبك معك البرنامج بعد مايشتغل معك البرنامج وتطلعلك هالشاشه ...  اذا طلعلتك واختفت نافذة التسجيل معناتها انك انت اللحين خشيت على البرنامج اللحين باقي عليك انك تشبك البرنامج بالانترنت علشان تقدر تبحث وتقدر تحمل الملفات طبعا انت بتقول كيف طيب اشبك الطريقه اسهل من اول وهي انك تروح لقائمة file بعدها تختار اول كلمه اللي هي كوناكتن بعدها اصبر على البرنامج اللين يشبك على الانترنت طيب ماسالتوني كيف اعرف انه شبك او لا وانا اقولكم انك تقدر تعرف من ايقونة البرنامج اللي بشريط المهام لما تحصل الايقونه فيها الكوره الحمرا عادها تفر على حرف الاي e هذا معناتها انه عاده يتصل واذا شفت ايقونته صارت حمرا يعني حرف الاي صار لونه احمر معناتها انه شبك وفيه طريقه ثانيه وهي انك تخلي الماوس على ايقونة البرنامج اللي على شريط المهام بتطلعلك كتابه اذا طلعت لك مكتوب فيها connecting يعني جاري الاتصال واذا طلعت on line يعني تم الاتصال :) طيب بعد مايتم الاتصال وتشبك البرنامج بالانترنت باقي عليك انك تعرف قوائم البرنامج وكيف تتم عملية البحث وكيف الداون لود والزحمه هذي كلها تراها بسيطه جدا راح اشرحها لكم بالتفصيل الممل (بس قبل هذا خذولكم فره وتعالو على بال ماخلص الشرح ) خخخخخخخ <<<< ماكانه قط ووجهه اللحين بنشرح طبعا بيكون اكثر الشرح بالصور علشان توصل المعلومه على طول ^_^ *اولا قائمة البحث   طبعا طريقة البحث بسيطه وهي كلكم بتعرفونها لكن بس بوضح لكم يمكن تنسون وهي انك تكب اسم الملف ثمن تختار نوعه هل هو صوت او صوره او فيديو ...... الخ بعدها تظغط على زر go بعد ماتسوي بحث ولقيت الملف اللي تبي وتبي تحمله تظغط عليه كليك يمين بعدين تختار خيار داون لود *ثانيا قائمة التحميل   طبعا بغيت اوضح لكم شي لاني بغيت اوضح لكم على الصوره بس مثل ماتشوفون الصوره ماتكفي خخخخ المهم اللي بغيت اوضححه ان فيه زر فوق اسمه Accelerate هذا الزر يسرع تنزيل الملف يعني لو تظغطه كذا مره راح تشوف ان التحميل يسرع اكثر فاكثر طبعا فيه قائمة الاسماء اللي يحملون الملف معك يعني انتم تحملونه مره وحده وكل واحد وله سرعته والسرعه تلاقيها بجنب كل اسم السرعه يعني سرعة التحميل - ملاحظه :// البرنامج مايحمل اكثر من ملف في وقت واحد يعني انك ماتقدر تخليه يحمل ملفين او ثلاثه في نفس الوقت لو جيت تحمل اكثر من ملف راح تلاحظ انه يحمل الاول اذا خلص من تحميله انتقل للثاني واذا خلص انتقل للثالث وهكذا .. * ثالثا قائمة رفع الملفات  طبعا الكل يعرف وش معنا رفع الملفات اللي هو upload يعني انه يقدر يرفع الملف لاي موقع بصراحه هالميزه ماجربتها في البرنامج بس اظن انه لما تجي ترفع الملف يسوي لك بحث عن المواقع اللي تسكن المواقع والملفات ويخليك ترفعها لها من خلال البرنامج مثل ماقلتلكم هذا ظني لاني ماجربتها بس انتو جربوها وشوفو بنفسكم :) *رابعا قائمة المكتبه   مايحتاج اسوي تعليق على الصوره اكثر من هالتعليق اللي عليها :) *خامسا العرض   طبعا اذا حملت الملفات وحبيت انك تشوفها او تسمعها ماعليك الا ان تذهب لقائمة السنما وتشوفها هناك فمن مميزات هذا البرنامج انك تقدر تشوف الملف من البرنامج يعني البرنامج فيه عارض صور وفيديو وصوت يسهل عليك بدال ماتجلس تفتح الريل بلير او الميديا بلير وتجلس ساعه على شان يفتح وبعدها تشوف الفيديو (زحمه صح ) اما بالنسبه للخيار السادس والله ماعمري جيته ولافكرت اجيه ووالظاهر اني ماني جايه مادامني على هالحال لاني بصراحه اذا فتحت البرنامج مغير احمل بس هذا همي الاول والاخير (صريييييييييييح ) بالنسبه لقوائم الاوبشن والفايل و و و و ...... اللي كلكم عارفينها وتدرون انها مهمه لكل برنامج فهذي مايحتاج اشرحها لانكم متعودين عليها وانشالله راح تعرفونها من اول ماتشوفونها ^_^ وفي النهايه لااريد الا ان اقول عسى الله يوفقكم جميع ويرد عنكم من بغاكم بشر ويصلحكم ويخليلكم اهلهكم واخوانكم ويطول اعماركم <<< شايب ونشوفكم على خير القمر |
||||
| الكاتب: Dr.AlmssstlG |
 |
 |
|
|
