منتدى السواليف والضحك

العاب يوتيوب تلفزيون الحوادث والجريمة منتدى قصة وقصيدة منتدى القصص والروايات

 

العاب بنات

يوتيوب

قناة بث مباشر

games

 


قصص » قصص واقعية » قصص | stories | قصة رحمكــ الله ياخلود

 قصص | stories | قصة رحمكــ الله ياخلود  أضيف في: 16-6-1431هـ

قصص | stories | قصة رحمكــ الله ياخلود


بسم الله الرحمن الرحيم

احكيلكم قصتي التي طالما تقدم بي العمر فلن فلن يبكيني غيرها اليكم قصتي التي اكتبها لكم وانا عيناي تذرف بدموع إليكم :
تخرجت من الثانويه 1428وعمري 19 والتحقت بالجامعه ولله الحمد تعرفت على شخص اسمه خالد وكان خالد انسان حبوب وعلى نياته استمرت علاقتنا شهرين وبعدها اصبحنا لانكاد نفترق وفي يوم من الايام قال لي خالد يا....فيه بنت مزعجتني كل شوي تتصل علي وتقول انا احبك وانا اعرف خالد زين مو حق بنات وحب مثلي لان كل وقتنا مع بعض المهم قلي خذ الرقم وابغاك تطفشها مااهتميت بلموضوع المهم مره اخر الليل اتصل علي وقال لي تكفى خذ الرقم وطفشه ووزعه على العيال قلت هاته اخذت الرقم وقمت اتصلت عليها ردت مين والله اول مره اسمع صوت بنت قصدي اكلم صرت اطفشها لمدت شهرين كانت ترسلي رسائل كلها تدعي فيها علي ووقتها ماكانت ترد بس برسائل وتطورت الرسائل صارت رسائل وسائط لاكن كانت كلها تحسسني ان الانسانه هذي ماهي حقت لعب كانت كل الرسائل دينيه تذكرني بالموت والقبر والنار وبعدها انقطعت عنها بسبب مرض ووفاة اخي رحمه الله نص شهر وفي يوم من الايام اتصلت عليها قلت خليني اجرب اول مااتصلت ردت هلا والله انا وقف نفسي ماتوقعت انها ترد قلتلها انا اسف ازعجتك وانا ندمان على كل الي سويته قالت لا انت ماسويت شي استغربت من ردها حسيت انها انسانه حنونه بديت اتكلم قالت اخوي تكفى لا تتصل خلاص حاولت معاها رفضت وقفلت في وجهي ومع الايام والمحاولات بدت العلاقه تتطور وصرنا نحب بعض كانت تكلمني وتبكي تقول هذا الشي الي نسوه حرام كنا نقول خلاص اليوم اخر يوم نتصل على بعض ومن بكره نرجع لاني تعلقت فيها وهي اكثر .وفي يوم من الايام اتصل خالد وقلي يا...شفت الرقم الي اعطيتك اياه قلت ايه قالي تراه مراقب من الهيئه قلت له اصلن انا مسحته وسكرت على الموضوع لاني صرت اعشقها واموت فيه وتطورت العلاقه واعطتني اسمها بالكامل اسمه الاول خلود ودارت الايام وكل يوم يزيد حبنا لبعض وبصراحه كانت انسانه محافضه حافضه القران لايوجد تلفزيون عندهم في البيت وفي يوم قالتلي ياحبيبي انتا في اي تخصص في الجامعه قلتلها التخصص حقي قالت تعرف خالد بن فلان الفلاني
وقف قلبي ليه لان خالد صاحبي الي اعطاني الرقم قلتلها لا مااعرفه وكيف تعرفيه قالت خالد ولد اختي انا خالته تمنيت اني اموت وقتها وصرت اتلعثم في الكلام قالتلي وشفيك قلت لا بس عندي احد في الغرفه بعدها غفلت جوالي اسبوع صرت ابكي كيف اخون صاحبي بس كيف اتركها انا خلاص حبيتها صار خالد يدق على جوالي ويحصله مغفل وقال مافي حل إلى امره على البيت مرني على البيت حصلني عند الباب انا بصراحه حاولت اهرب لاكن مافي فكه كيف راح اقابل صاحبي وانا خاينه مع خالته قلي وشفيك مغفل جوالك قلتله لابس جولي خربان وهو الان في الصيانه ركبت معاه ورحنا نتمشى وقتها فكرت اني اموت اوانتحر قلتله وقف عند السوبر ماركت ابغى اجيبلي غرض وقف خالد وانا في بالي اني ابغى انتحر دخلت السوبر واخذت لفه فيها وخرجت قالي وشفيك قلت بس مافيها الي ابغى وكان فيه محل في الشارع الثاني لازم اقطعله الشارع انا مابغى المحل ابغى اني اندعس من شان ارتاح حاولت لاكن نفسي ابت رجعنا البيت بديت احنلها واشتاق لصوتها الي حسسني بطعم الحياه وحلوتها كيف انا عايش اول حسيت اني ناقص شي في دنيتي بعد اربع ايام شغلت جوالي واول ماشغلت جوالي الى خلود تتصل رديت بدت تبكي وانا مت من البكى قعدنا ربع ساعه وبعدين هدينا راضيتها وكل ماتقول يا.....احبك احس خالد قدامي يقولي تكلم مين رجعت علاقتنا للاحسن .تغيرت حياتي بوجود خلود كنت لاهتم بصلاه فكانت توقضني لصلاة الفجر وكنا نصوم مع بعض كانت هي سندي وعضدي في الحياة وكنت بعض الاحيان اجي للبيت سهران قبل الفجر وانام واحط الجوال على الصامت وما اصلي الفجر فكانت تقول يا....الي مايخاف من ربه انا اخاف منه ومضت الايام والسنين والحب يملئ الكون وفي يوم الأربعاء 5/5/1430بعد صلة العصراتصلت كل عاده تستأذن للخروج وين ياخلود خارجه قالت انا وامي نبغى نروح عند اختي الكبيره وحابه استأذن منك قلتلها روحي حياتي دربك اخضرفهمست بصوت خافت حبيبي ارجوك سامحني اسامحكي على ايش ياعمري قالت يمكن اخطيت عليك يوم قلت حرام عليكي انتي سامحيني قالت والله مسامحتك قلت خلود ليش اسؤال هاذا انتي تفكري تتركيني قالت لا تفكر والله يا...مايفرق بيني وبينك غير الموت وبعدها انا رحت لخالد لاني كنت موعده نروح القهوه طلع خالد معاي ورحنا للقهوه وبدينا سوالف وهروج وبعد صلاة العشاء مباشره رن جوال خالد ومن دون شعور قلت مين الي يدق قال لاخالتي هزيت راسي فتح الخط ايه اشفيكي وقعد يقول الوالوالوحنان اشفيكي ومن الفجعه صرت اعض شماغي قفل على طول وقلي بسرعه شغل اسياره صرت اصرخ وقول ماني مشغل وشفيه قال جدتي وخالتي صارلهم حادث والحين هم بمستشفى الملك فهد التخصصي وقف قلبي من الخبر طحت في الارض قاموا الشباب الي في القهوه يهدوني وركبوني في سيارتي لاكن خالد هو الي يسوق رحنا للمستشفي حصلنا اخوان خلود وابوها عند مدخل الطواري يبكون نزلت اسحب رجولي وبكي جلست وانا على نار ابغى ادري خلود وينها وش صار فيها جلست جنب ابو خلود رن جواله رد عليه وقام يقول وهو يبكي ام صالح احمد لله طيبه لاكن خلود ......وشفيها خلود وش صار لخلود لاتقولوا ماتت لا ماماتت خلود يمكن تتدلع لاني كنت انا مدلعها لاكن الحقيقه ماتت خلود قمت اصارخ الكل يطالعني مين هذا الانسان الي يصارخ لاكن ماهم دارين انا اصارخ ليه لان خالد دخل للعنايه يطمن على جدته وسمعت ابو خلود يقول خلود في ثلاجة الموتى انا قمت من دون ماادري وصرت اركض لثلاجة الموتى دخلت الثلاجه وفتحت اول درج كانت جنازه ملحفه عرفت انها خلود لاني اعرف ريحة خلود مزقت القماش وضميتها لصدري وصرت ابكي باعلى صوتي واقول لالالالالاخلود ماماتت خلود نامت خلود كانت سهرانه تصلي الليل خلود كانت تقرا القران خلود كانت مواعدني انا نصوم بكره الخميس مع بعض خلود انا.....افتحي عينيكي خلود ليتني لم اعطيكي الموافقه لكي تذهبي لاختك آآآآآآآآآآآه تمنيت ان اكون انا الجنازه الاخره التي بجانب خلود ليت دمي اختلط بدمك ليت لحمي التصق بلحمك كي نندفن مع بعض رديت خلود لمكانها ولحفتها وغطيتها زين لاني كنت خايف عليها من البرد لان الثلاجه بارده وودعتها ورحت ومضت الساعات واتت صلاة الفجر رحت للمسجد قبل الصلاه بساعه آآآآآه اتت جنازة خلود انطلقت مسرعا وحملتها على كتفى وانا عيناي لاتكاد تبصر النور من كثرت البكاء صليت عليها وصوت بكائى يرج اركان المسجد حملناها على اكتافنا إلى اين ذاهبين بالخلود إلى بيتها الثاني الذي لا يسع إلى شخص واحد كقلب خلود الطاهر نزلنا خلود إلى قبرها وانا اقول بالله عليكم على مهلكم .عجزت يداي ياخلود ان تحثوا التراب عليكي عجزت العين ان تبصر غيرك عجز القلب ان يسكنه غيرك عجزت يداي ان تضم غيرك رحمك الله ياخلود انتهى الحب بعدك ياخلود فلى حب سواكي لن انساكي من دعائي لن انسى الايام التي مضت التي كنتي لي الحبيبه والزوجه والام والاب والاخ والاخت رحمك الله
ياخلود

الكاتب: روميو المدينه انقر هنا لمراسلة روميو المدينه أنقر هنا للإنتقال إلى موقع روميو المدينه إضافة للمفضلة إضافة لمفضلة Google إضافة لمفضلة Delicious إضافة لمفضلة Digg إضافة لمفضلة Facebook
خيارات القصة :  ارسل القصة لصديقك   طباعة القصة   حفظ القصة كملف Word   حفظ القصة كملف PDF



 

مكتبة الصور

مكتبة الصوتيات

مكتبة البطاقات

مكتبة الأخبار

مكتبة الفيديو

مكتبة الفلاشيات

مكتبة الجوال ألعاب الجوال نغمات الحمية والرجيم موسوعة الاعشاب تطوير الذات
ديوان الشعر عالم الجنس عالم المرأة الأذكار شرح البرامج

قنوات فضائية

الأدعية الصحيحة المنتديات مكتبة القصص موسوعة الطبخ

مجلة قصيمي نت

موسوعة الكتب