المنتديات شاركوا بمنتدى الطبخ وصفات العضوات منتدى المطبخ المغربي فيديو طبخ
التسجيل بالمنتديات طريقة التسجيل تحميل كتب الطبخ العاب بنات راديو بث مباشر
   Portugal_cooking_recipes   China_cooking_recipes   English_cooking_recipes   French_cooking_recipes   Germany_cooking_recipes   Italy_cooking_recipes   Korea_cooking_recipes   Spain_cooking_recipes

ضعي موقع موسوعة الطبخ في المفضلة


موسوعة الطبخ » المطبخ السوري » طريقة عمل سلطة الفتوش السوري بطعم خيالي و منظر شهي بالخطوات المصورة

 طريقة عمل سلطة الفتوش السوري بطعم خيالي و منظر شهي بالخطوات المصورة  أضيف في: 7-11-1433هـ

طريقة عمل سلطة الفتوش السوري بطعم خيالي و منظر شهي بالخطوات المصورة
http://static.hawaacdn.com/upload/1/2/6/0/5/9/2/5055d6914f167.jpg
كلنا أكيد منعرف الفتوش , و لكن أنا راح أعطيكن خلاصة تجربتي الطويلة بتحضير الفتوش , و كيف بحضره و بيطلع معي و بدون مبالغة , و لله الحمد و المنة , من أطيب ما يكون , و بشهادة كل يلي تذوقوه , و راح أعطيكن الطريقة , و أكيد مع الصور , و فيكن تحكموا بأنفسكن .

راح نبلش : بسم الله


المقادير :


كميات متساوية من كل من الخضار التالية :

بندورة , خس , بقدونس , خيار , جزر مبشور , ملفوف أخضر , بقلة ( رجلة أو فرفحينة ) , أوراق فجل ( إذا عندك فجل , قصي الأوراق كاملة بسواعدها و اغسليها جيدآ ) و أنا بحط فقط أوراق الفجل , ما بحط الفجل .


بصل : أخضر أو عادي

ملح , زيت زيتون , نعنع يابس ( أطيب من الأخضر , و أفضل لأن الأخضر بيسود بعد الفرم )


خبز مقطع مربعات و محمص بالفرن مع شوية زيت زيتون

للتحميض : خليط من دبس الرمان , خل التفاح بنسبة تلت لدبس الرمان , و تلتين لخل التفاح ( هالخليط طعمته جدآآآآآ لذيذة , و بتضفي عالفتوش طعمة خيالية ) .

و إذا ما عندك دبس الرمان , حطي فقط خل التفاح , و إذا ما تواجد حطي عصير ليمون .



و السر يلي راح قلكن عليه هلأ , و مو كل الناس بتعرفه , لتحصلي على فتوش طيب و مميز , هوي :

التوم , دقي شوية توم صغار , و حطيهن مع الفتوش ,. و بيطلع أطيب بكتير , جربو , و راح تدعولي على هالسر , ولكن بيضل وضع التوم اختياري ’ و كمان بيطلع الفتوش طيب .


افرمي الخضار , و اتقيدي بالمقادير المكتوبة , افرميها فرم وسط أقرب إلى الخشن ( متل الصور )


http://static.hawaacdn.com/upload/1/2/6/0/5/9/2/5054f7b0d1f37.jpg




http://static.hawaacdn.com/upload/1/2/6/0/5/9/2/5054f7b1b63d6.jpg




http://static.hawaacdn.com/upload/1/2/6/0/5/9/2/5054f7b2978fa.jpg




http://static.hawaacdn.com/upload/1/2/6/0/5/9/2/5054f7b375f48.jpg

http://static.hawaacdn.com/upload/1/2/6/0/5/9/2/5054f7b4390dd.jpg




http://static.hawaacdn.com/upload/1/2/6/0/5/9/2/5055d68dc8a02.jpg




http://static.hawaacdn.com/upload/1/2/6/0/5/9/2/5055d68eb805d.jpg

بالنسبة للبقلة ( الرجلة أو الفرفحينة ), بترك الأوراق متل ما هيي , أنا ما بفرمه, (و راح تلاقي الصورة موجودة بأول رد مباشرة )


و هون أنا استخدمت , كل المقادير يلي ذكرتها ما عدا أوراق الفجل , ما كانت متوفرة , و للأمانة : البصل كان لازم أفرم أكتر من هيك و لكن أنا فرمت شوي وما حطيتن بالفتوش , لأن عندي أخ ما بياكل بصل , فبحطهن بصحن لحالهن جنب الفتوش


و بس تخلصي الفرم راح نجي عالتقليب ( مرحلة التقليب , لازم نعملها قبل الأكل مباشرة : بحيث نخلص التقليب , و فورآ ناخد الفتوش عالسفرة , و هلأ بقلكن ليش ) :


حطي زيت الزيتون بكمية مناسبة فوق الخضار , و حطي خليط الحامض , ( في ناس بيحطوا سماق , و لكن أنا ما بحط لوجود نوعين من الحامض ) , و إذا بدك تحطي التوم دوبي التوم المهروس مع الحامض أنا هون استخدمت فقط سن توم واحد , و إذا في حاجة رشة ماء صغيرة مشان نكتر مرقة الفتوش , لأن الخبز بعدين راح ييمتصها , رشي الملح , و النعنع اليابس , و قلبي جيدآ


و تذوقي , و إذا في داعي تحطي كمان ملح أو حامض , حطي , و ركزي الطعم , لتتأكدي إنه الطعم صار متل ما بتحبي ,


http://static.hawaacdn.com/upload/1/2/6/0/5/9/2/5055d68f91b15.jpg


آخر شي حطي الخبز المحمص , و خلي كميته متناسبة مع كمية الخضار الموجودة بحيث ما حدا منهن يطغى عالتاني ( لا تحطيه قبل هيك : مشان ما يطرى , و يتشتش ) , و قلبي جيدآ , و تأكدي إنه كل الخبز اتشرب , الزيت و الحامض , و صبي الفتوش بالجاط , و فورآ عالسفرة



لازم هالخطوة , لأن الخبز المحمص إذا حطيتيه من أول التقليب , أو حضرتي الفتوش قبل الأكل بكتير : الخبز راح يطرى , و ساعتها بيخرب شكله و مذاقه , بينما بهالطريقة , الخبز بييتشرب الزيت و الحامض , و بيضل قاسي , و لمن بتاكليه , بتحسيه عم يقرمش بتمك .


http://static.hawaacdn.com/upload/1/2/6/0/5/9/2/5055d6914f167.jpg


و الحمد لله , كان طعمه جدآ جدآ جدآ طيب و لذيذ .

و بكرر مرة تانية , أنا عطيتكن خلاصة تجربتي , و تحضيرالفتوش , شغلة ذوق , و لا حدا يسألني عالفليفلة , و الفجل , أنا هيك بعمله و و الله بيطلع تحفة

شغلته بسيطة , جربوه , و خبروني بالنتيجة


بتمنى يكون هالفتوش عجبكن و نال رضاكن


و انتظروني قريبآ بإذن الله كمان بموضوع عن الفتوش الحلبي اللذيذ ,


و إلكن مني جميعآ مودتي , و أحلى جاط فتوووووووووووووش


http://static.hawaacdn.com/upload/1/2/6/0/5/9/2/5055d6907263e.jpg



الكاتب: إيثار الشام انقر هنا لمراسلة إيثار الشام أنقر هنا للإنتقال إلى موقع إيثار الشام إضافة للمفضلة إضافة لمفضلة Google إضافة لمفضلة Delicious إضافة لمفضلة Digg إضافة لمفضلة Facebook
خيارات الطبخه :  ارسلي الطبخه لصديقتك   طباعة الطبخه   حفظ الطبخه كملف Word   حفظ الطبخه كملف PDF
موقع موسوعة الطبخ على تويتر موسوعة الطبخ على الفيس بوك