السمك المملح من المطبخ العماني بالصور

السمك المملح اللي حن نسميه (مالح) من الأكلات الشهيرة معنا ونسويها في الصيف لأكثر من مره بالأسبوع لأنها تبررد على الواحد مع هالأجواء الحااارة..
....
المالح نشتريه من الأسواق ويسووه الناس اللي يسكنوا قريب من البحر ، عندهم الخبرة والسمك بين ايديهم دوووم
(لكن في طريقة سرية بيني وبين أختي تخليك تسوي أحلى مالح وأنتي ببيتك بدون مجهود كبير )
....
المالح يسووه بسمك التونه (السهوه تعرف في عمان)
تتقطع لشرايح وتنحط بعلب كبيرة وينحط معاها ملح خشن وممكن إضافة لومي وزعتر وفلفل حار
....
نبدأ بطبقنا:
من بداية الصبح طلعي الكمية اللي تناسبك من المالح وحطيها بوعاء عميق فيه ماي..وارجعي قفلي العلبة زين (ترا المالح ما ينحفظ في الثلاجة أبد)
....
وقت طبخ الغدا ابدي نظفي شرايح السمك وشيلي عنها الشوك والأجزاء الغير مرغوب بها..! وقطعيه بإيدك لقطع رفيعة
مثل الصورة

.....
اغلي ماي في قدر وحطي معاه السمك لبضع دقاااايق

في هالوقت قطعي بصل شرائح رفيعة جداً وفرمي معاه فلفل رومي

وفرمي ثوم مع سنوت وفلفل حار

نجهززز الليمون (حن بالعادة نستعمل اللومي العماني اللي حجمه صغير وطعمه قوي)
بس ما كان متوفر معي

نعصر الليمون ونضيف له (ماي باااارد) ونحطه مع البصل والفلفل الرومي وخليط الثوم والسنوت وفلفل حار
....
لما يبرد السمك اعصريه بين ايدينك عشان ينزل الماي والملح وضيفيه للخليط السابق

هنيه المكونات مع بعض ...



نحط المالح فالثلااااجة لحد ما نجهز العيش الأبيض ..ونرش عليه سمن البلاد


......
وهذا العيش لما جهز وحطيت عليه المالح طعمه خياااااال



يممممممممممممممممممي




كذية نكون خلصنا الطبق ربي يجعلها نعمةً داااايمة .........
نلتقي على خير
دعواااااااااااتكم يا أحباب