كيفية عمل القطايف بالخطوات المصورة - learn cooking classes - تعليم الطبخ | موقع موسوعة الطبخ

cook to learn | how to make a homemade candy house recipes with pictures | arabic cooking recipes
موضوعي عن القطايف
سويت لكم قطايف لذيذة وخفيفة وماينشبع منها وفوق كذا سههههلة
وفوق كذا اول مرة اصلحها وحبيت انزلها
علشان ابين لكم انها سهلة وسريعه
وتبي تنجح من اول مرة على الرغم اني
ماعندي خبرة بصب الخليط على شكل اقراص
على النار وكنت مستبعدة الفكرة بس صممت وسويته والحمدالله نجحت
مايمنع من وجود اخطاء بسيطة
بس كبداية نتائجها مرة ممتازة واعجبت الكل
وكالعادة حبيت تستفدون من تجربتي
وتذوقون قطايف على اصولة من يدينكم الحلوة
نبداء باسم الله
الطريقة :-
3كاسات ماء
2كاس دقيق
3ملاعق سميد
3ملاعق سكر
فانليا
2 ملعقة صغيرة بكينج بودر
3ملاعة كبيرة حليب بودرة
تخلط بالخلاط الكهربائي



وتترك تتخمر مدة نصف ساعة



وبعد ماخمرت نقوم بصب اقراص القطايف على الصاج او آلة المصابيب
انا ماعندي كل هالاشياء <<<قلت لكم موب راعية مصابيب بس بعد اليوم ابشتري
وسويت القطايف بصينية تفال العادية


بس حاولي ان الاحجام متساوية موب زيي <<< تراني قايله لكم ماعندي خبرة بهالاشياء

واول ماطلعين القرص قفليه من الجوانب بسرعة وهو حار اذا برد مايتماسك
يعني خليك سريعة صبي الخليط من جهة وقفلي الاقراص من جهة ثانية


بعدين احشيها بقشدة طازجة او عادية او اي حشوة تبينه
بعدين رشيها بالمكسرات والعسل
(انا ماكثرت مكسرات لاني ماحبها)
واستمتعي باحلى واخف قطايف







اتمنى تجربونها وبألف عافية على قلوبكم

واذا اعجبكم موضوعي

مابي منكم الا دعوة صادقة

بأن يمنّ الله على والدي بالصحة والعافية
وأن يشفية شفاءً لايغادرة سقماً
اللهم آمين وجميع مرضى المسلمين