موسوعة الطبخ » مشروبات ساخنه » طريقة عمل القهوه العربيه الكايفه اللي عالاصول بالصور

طريقة عمل القهوه العربيه الكايفه اللي عالاصول بالصور				أضيف في: 23-2-1433هـ
طريقة عمل القهوه العربيه الكايفه اللي عالاصول بالصور | موقع موسوعة الطبخ [CENTER] how to cook Arabic coffee | arabic cooking encyclopedia طريقة القهوه العربيه الكايفه اللي عا الاصول>>>من حبي لها بكتب فيها شعرخخخ ...... ابقولكم علي طريقتي في تنظيفها ثم تجفيفها ثم حمستها.....الي ان نصبهافي الفنجال ، ، ، اول شئ أشتري قهوه اللي في كيس(خيشه)باالعربي انا اشتري هذه النوعيه مو شرط اي نوعيه ممتازه يمشى الحال انقيها بصراحه نظيفه مافيهاحصى ولاشوائب كثير بس زيادة حرص ثاني شئ..اغسلهازي ما اغسل الرز(بصراحه هنا السر)السرفي صفاء القهوه ثالثا..توضع في مصفاء كبير وتترك تحتهااناء مدة يوم كامل..بعد كذاجيبي صحن كبير او صينيه كبيره افرشي فيهافوطه اوقماش نظيف..ثم افردي القهوه عليها..غطيها بقماش خفيف لمنع الغباروالحشرات اتركيها تجف تماما في مكان يدخله الهواء والشمس...يوم يومين اهم شئ تنشف تمام..ثم رجعيها لكيستها وديها للمحمصه واطلبي منهم يحمصونهاوسط مائل للبني مع اضافة (الاشنه) مع الحمسه..تعطي طعم وريحه امممممم خليهم يطحنون لك نصفهاالنص الثاني احفضيه كل ما احتجتي اطحني لك مقدار.. , , , , الحييييييين بعد ذا الشرح عورتنا روسنا...ما ودكم بفنجال قهوه؟؟ ياالله نصلح لنا دله.... 1-نغلي تقريبا اربع اكواب ماء 2-نوطي النار وسط ونضع ملعقه كبيره مليانه من قهوتناالملكيه النظيفه نتركها من عشر الي ربع ساعه تطبخ 3-نضع في الترمس او الدله الوسط ملعقه صغيره مليانه هيل مطحون مباشره افضل اطحني الهيل مع 3حبات مسمار انا كل 4ايام اواسبوع باالكثير اطحن هيل عشان اذا طول الهيل وهو مطحون تروح ريحته ونكهته القويه ونضع ايضاملعقه صغيره مليانه خلطة القصيم للقهوه بصراحه هذه بعد من اسرار نجاح القهوه 4-نطفي النار عن القهوه نتركها تركد دقيقه ثم نصبها في الترمس 6-تترك خمس دقائق لتأخذ طعم الهيل ثم عليكم با العافيه وهذا اول فنجال لكم....اقلطوااا...يا الله عاد ..الحلي عليكم والقهوه السنعه علي.. أن شاء الله تعجبكم طريقتي المشهوره فيها ماشاء الله علي .. لكم ودي.. [/CENTER]
الكاتب: ثمره ناضجه
خيارات الطبخه :  ارسلي الطبخه لصديقتك   طباعة الطبخه   حفظ الطبخه كملف Word   حفظ الطبخه كملف PDF