موسوعة الطبخ » المطبخ السعودي » كبـيـبـه حايل بطريقتي من مطبخي بالصور

كبـيـبـه حايل بطريقتي من مطبخي بالصور				أضيف في: 4-8-1431هـ
كـبـيـبـه حايل بطريقتي من مطبخي بالصور السلام عليكم ورحمة الله وبركاته هلا وغلا والله يحييكم وحده من خواتي عندهم بالدوام وحده تسويي كبيبه حقت اهل حايل وبس تمدح فيها عاد تعرفون الحريم والغيره قلت لازم اجربها وادخل النت وادور عنها تطلعت نفس ورق العنب بس شكلها مربع بيني وبينكم لفها اسهل من ورق العنب بواجد طبعا ما طبقتها على طريقه اهل حايل يعني تفلسفت شوي [CENTER]الى طريقه عملي.... ملاحظه المقادير حسب التقدير الشخصي وحسب الكميه اللي انتي تبغين تعملينها نعمل الحشوه.. حمست بصله كبيره حتى ذبلت وبعدها حطيت رز مصري ناقعته بمويه لمده ساعه وقلبتهم شوي بعدها اضفت طماطم حبه كبيره مقطعه صغار وشوي بقدونس مفروم ولحم مفروم معصج عاملته من قبل ونضيف الملح والفلفل الاسود وبهاراتك المفضله ونضيف فلفل احمر حااااار حسب درجه احتمالك بعدها اضيف ماء حتى يغطي سطح الزر واتركه حتى يتشرب وهذا الحشوه بعد ما تشربت الماء بس ماكنت حاطه طماطم وبقدونس بس فيها لحم نجهز القدر ..نقطع بطاطس حلقات وطماطم وتصف بقاع القدر بعدها حطيت لحم ني بالعظم نجيب ورق العنب ونفرشها ونحط الحشوة بالوسط تكون الجهه الناعمه برا نطوي الورقه لفوق بعده نطوي الجوانب بعدها نطوي الجهه الاخيره اللي فوق [CENTER] بعدها نصفها بالقدر بعد اتمام الطبقه الاولى اضفت طبقه من البطاطس الشرائح والطماطم بعدها نكمل وضع باقي الكبيبه نضع المرق على الكبيبه ونغطيها بصحن حتى ما تتفكك وتترك على نار هادئه حوالى ساعتين وهذا شكلها بعد ما انتهت طريقه المرق.... احمس بصل مع شوي زيت حتى يذبل بعدين اضيف فلفل اخضر حار واحمر بعد ماتنحمس نضيف البهارات المفضله و كركم وفلفل اسود وكمون وملح نحرك ونضيف طماطم ثلاث حبات ومعجون طماطم وتترك حتى تتسبك بعدها نضيف ماء حوالي كوبين او اكثر وتترك حوالي ربع ساعه على نار هادئه وهذي الصور النهائيه لها وعـلـيـكـم بالـعـافـيـه [/CENTER] [/CENTER]
الكاتب: عرش الياسمين
خيارات الطبخه :  ارسلي الطبخه لصديقتك   طباعة الطبخه   حفظ الطبخه كملف Word   حفظ الطبخه كملف PDF