حلم وعلم الجزء الثاني

مقدمة ..من يقول أن من الصعب النوم في السيارة ماعنده سالفة ولو السيارة تمشي على تراب وحصى ...بس هالنوم له ثمنه .... اللي هو ...

 

كان الجو هذا اليوم بارد جدا... واه من برد الصحراء. يقرص في العظام والله

وكانو الشله كعادتهم في السياره في الفجر (حشى مو فجر انما ليل )طبعا تعرفون ان في البرد بتتأخر الشمس في الطلوع وكان كل وحده تدخل شايه كشاف ولا شمعه علشان تشوف وين تنام

بدأو دخول المعلمات للسياره

وكل وحده تدخل تقول السلام ما تلاقي رد

الجو ساااااااااااااااكن وظلالالالالالالالالالالالالام والكل بينام ويتخلله الحوار المعتاد والمعاد

حوا : اخخخخخخخخخخخ اخخخخخخخخخ (تشخر)

توحه : حوا  يا حوا  حااااااااااااوااااااااااااا

حوا : ن... ع...  م

توحه :عدلي المخده وعدلي راسك وهس لا تشخري

توحه : اممممم (يعني طيب بس ما فيها حيل)

وفجأه دخلوا في جو ضباب ×ضباب ومهم شايفين شئ  الا تصرخ السيده مكاوي

يا بنااااااااااااااااااات قوووووووموووووا شوفو اللى انا شايفته

وفجأه يقوموا

رقيه : (وعيونها جاحظة) مين هذا بعبع (وحش)

حوا: لالالالالاع جا ياخذني اكيد من كثر الاغاني

والضباب يلف بالسياره ويطيرهاااااااااااا فوووووووووووووووووووق

حماله الاسيه : السياره طايره ولا احنا طايرين ولا ابو خالد طار ولا عقلنا طاااااااااار

السيد مكاوي : يقال والله واعلم انه عقلنا طار بس شفت الحال بعيوووني (وتدخل اصباعها في عيونها)

ابلتي : ادعوا يا بنات

وهنا بدأ الدعاء المتعارف عليه في الشله

ياااااارب  اللهم شبابنا راح   ومالنا  راح وروجنا (قلم الروج)راح  يا رب اعطنا الصبر والمنه والجنه الرفيعه

وفجأه يلف السياره الضباب كأنهم في آله مولينكس

ويصرخوااااااااااااااا البنات

توحه : ايش اللى سويته في حيااااااااتي يا ربي يا خرااااااااااااابي   وقفوا الدوراااااااان احوليت

وصحيح وقف الدوران والبنات يلف حولين نفسهم واشكالهم صارت عدم.. العبايه اتلفت على الرقبه, والبراقع صار طالع منها الخشم وعيونهم ضاربه سلام لبعض (احولو )

ويطلعلهم المارد (مثل جنى علاء الدين )ويقولهم: شبيكي لبيكي امى تسلم عليكي ..... اه   اقصد امرك بين ايديكي

وتقول رقيه الشر بره وبعيييييييييييد تف تف

بس الـ(تف تف )ماوصلت الا في جبين حوا فصرخت وعيونها مبحلقه لفوق

دم دم  ياااااااااااويييييلي دم ابيض

قالت توحه :   احنا ولايه لا تعمل شئ فينا مساكين وطايحين في هذه الصحراء لا نقلنا ولا ذقنا الراحه

قالت رقيه : منهانين من طالبات   وأولياء أمور  و   مديره    وموجهات  كل الناس.... كلهم ....مو ناقصنا موارد اوه  مورود اوه موردين مدري ايش هي  جمع مارد هئ هئ هئ هئ هئ هئ

المااارد بصوته الجهوري: لا تخافوا أنا معاكم  مو ضدكم طلباتكم   أمنياتكم بحقق  لكم أمنيه واحدة  لكل وحده وش تبون (جنى صكه والله )

توحه : لوما كنا بنات ما صار فينا هذا الشئ ابد  أتمني لو كنا رجال ولو ليوم واحد

الكل : ايييييييييييييه  والله

وتلف الدنيا بيهم كان إعصار مسكهم بس كله كوم وتوحه وحوا كوم تاني

عين توحه اليسرى ملصقه في عين حوا اليسرى ويلفو  وشايفين بعض زي ما يقولو (فيس تو فيس) وتقول توحه

سامحيني حوا  على اغنيتك اللى ما رقصت عليها

حوا : لاع أنتي  سامحيني لآني غنيت فيكي أنتي حلوه ومجنونة ويبكوا وتأخذهم الدوام هم

وتجيب رقيه وتقول : سامحني يا رب  دايم اطلع من الفصل أخلي البنات يقروا لحالهم كأني موجودة في الفصل

وأبلتي تقول : سامحوني لأني دايم بسوي رجيم قدامكم بس ,وما أسويه لمن أروح لزوجي 

وبوووووووووووووووووووووووووومب حصل انفجار رهيييييييييييييب 

....

....

... هدوء لمده فَانيَة (بين الثانية والثانية فانية )

توحه نايمه في سابع نومه في غرفتها وطايحه حك حك في وجهها وتقول في نفسها ايش هادا اللى يقرصني ناموس لاع ما اعتقد أكيد من المبيدات الحشرية والوصفات الخربانة اللى احطها على هذه الطخة (الوجه )

وتقوم متنرفزة وتقول : خلاص يا ناموس سكتت كأنها سمعت صوت راجل بيصارخ وراها  وحست بدقات قلبها في بلعومها ترب ترب ترب ترب

قامت بهدوء وراحت للمرايه

صرخت بأعلى صوتها لاع  نهى   ايش اللى صار في وجهي ايش اللى صار في وسطي  وكلما صرخت سمعت صوت الراجل

بعد مده من الترللي (الجنون ) هدأت واكتشفت  انها تحولت الى

الى

الى  

رجــــــــــــــــل

وسبب الحكه كان لها سكسوكه تأخذ العقل  (الحق يا ولد وســــــــيـــــم )

وتدق علي تاتا :

تاتا نايمة : الو  بحلقت عيونها ايش في صوتها

توحه : آنا توحة   اقصد توح   يييييه مدري سميني جواد قومي يا هبله صرنا عيال

تاتا مو مستوعبه الا فزت وصارت تفتش وجهها وطالع في نفسها

ومسكت السماعه يا حلاوة الحقي أنا ولد حلو بسم الله على

توحه (جواد) ما عليك ما عليك دحين بمر عليك

تاتا : الحين الفجر

توحه : أحلى شئ تمشيه على البحر تاخذ الروح هااااااا هااااااا هااااااا<-- ضحكه متضخمة

وبالفعل تجي توحه وتمر على تاتا ويتمشوا على الكورنيش ومشغلين المسجل على اخر صوت (علشان يقولو الناس ياحظهم عندهم مسجل ) ومنظر الشروق  واااااو

توحه :تعتقد يا أخ ........ايش أناديك ؟؟

تاتا : ناديني نواف

توحه :تعتقد وين الباقين

تاتا : اي والله يا ليت نسمع خبر عليهم مو شرط علشان احنا الوسيمين نطنشهم

وتدق على ابلتي

يرد صوت رجولي : مين ؟

تاتا اتلخمت : مين ابلتي اوه اقصد

الصوت الرجولي أنت قليل أدب تطلب زوجي اقصد زوجتي يا ولد الـ&^&$% <---- مشفره

توحه : هات هات والله ما وراك خاتمه (وتغير في صوتها) الو  السلام عليكم ممكن ابلتي

الصوت الرجولي : اه اه اه وين راحت وين جات, ايش اللى حصل؟ مدري!!

توحه : ايش صار ؟؟

الصوت الرجولي : قمت على تفلانه على وجهي فتحت عيوني وأنا معصب لقيت زوجتي بشكل رجل وتقول تف عليك راح زمن العبودية قوم يا خايس تراني صابرة عليك ألان ربي فرجها  وتأخذ مفاتيح السيارة وتهرب للمطار  باي  هئ هئ هئ هئ هئ وااااااااااء

وتوحه مفجوعه من الفاجعه اللى حلت بيها وولفت بالسيارة وفحطت ويئ

تاتا : فين رايح ؟؟

توحه: الى المطار

وصلو المطار ولقوا ابلتي بجسمها الملفوف تركض وشايلة شنطة فوق رأسها وهم يجرو وراها

ابلتيييييييييييي

والناس يطالعو فيهم

رجل 1: اها  شوف برنامج قنصوه <--اقتباس

رجل 2: لا طاش مات طاش <--- اقتباس

لحد ما وقفت ابلتي حست انه في واحد كاشفها

تاتا: تعبتنا الله يصلحك بس

توحه : ايشبك يا ابلتي يا مجنون

ابلتي : مين اهلين والله بروح فرنسا

تاتا توحه : لاه يا غبي أنت ضامن انك بتجلس على هذا الحال امكن يوم

ابلتي : لا خليها 5 أيام دخيلكم

توحه : شايفني جنى يا ابليس ليش رايح فرنسا

ابلتي :يا اخي خلينا نصيع شوي نرتاح من الظلم اللى علينا سبحان الله خدمنا واعطينا الراتب للزوج وطبخنا وجبنا خدامه ,نكون غلطانين حتى لمن يعاكسوا أزواجنا بنكون احنا الغلطانين

خيم الصمت والاسيه عليهم وفرت من قدامهم وتقول باي يا بنات اوه اقصد يا عيال بتصل عليكم لمن أوصل

تاتا : سبحان الله هذه أول وحده صارت كدا اجل الباقين ايش صار فيهم

توحه (وهي حزينه والشكشوكه مالت للاسفل مع الكابة)

امش خلينا ندور علىالباقين

وهم ماشين بالسياره افتكرو رقيه اتصلو عليها جوال

رقيه : مين ؟<--- صوت متضخم كأنها عزرائيل

توحه : يا ويلي رقيه انت انا توحه

رقيه أقول لك أنا مشغول انقلعي عنى

توحه: لا تقول انقلعي كلمني بصيغه ولد هذه فيها قبايل (أحلى الرجولة بانت)

أخذت تاتا الجوال وتسمع صوت بنت بتصارخ

تاتا :وش بتسوي؟؟

رقيه : وش تبون بي اذلفوا تراني مبسوط على الآخر وبكرة بتشكروني

وصوت البنت كل ماله يزيد

تاتا : وينك انت يا رقيه ؟

رقيه : لا تقول رقيه اسمي غرم الله (واو حيميش)

ويطلع من الجوال صوت البنت وتقوووووول الحقوني انا في الصحراء

تاتا : عرفت !!هذه المديرة وفي المكان اللى فيه المدرسة!!!

توحه : يا ويلي ايش نسوي نروح للمدرسة دحين

تاتا: أقولك بلاش الله معاها هههههههههههه

توحه : على قوله بكرة تشكروني هههههههههههه

(ننتقل الى غرم الله )

رقيه : تعالي يا بنت %^&$#%

المديره : تكفى اتركني وش تبغى فيني

رقيه :ييييييييه بلاش شغل العباطة ما أبغي إلا أعذبك بس

المديره : لااه شرفي

رقيه : وع عليك وعلى شرفك ما أبغي أمسه الله يقرفك هو ناقصني

وياخذها غرم الله (رقيه )ويكتفها في الشجرة المنسدحة (فاكرينا اللى استظلو تحتها انظر الجزء الاول) وبدأ يربطها بالشجرة  بين دموع المديرة وتوسلاتها 

بعد ربطها بإحكام بدأت تضرب فيها (بس بشويش )وراحت للهايكلس وتجيب صندوق الذخيرة

المديره : الاه تقتلني أرجوك

وينزل غرم الله الصندوق ويرميه أرضا ويفقع (يكسر) القفل ويفتحه بكل قوه ودهاء فيطلع غبار منه كثيف ويمسح غرم الله عرقه من شده الجهد اللى بذله ويطلع ما فيه من ذخيره ويبدا يصوب على المديرة

وطاااااااااااااااااااااااااااااخ

.     .     .

.      .   .

غرم الله : خليكي كدا تتعذبي وخليك تحت الشمس حتى تنشفى وتصيري (فسيييييييييخ ) يا السمكة الملعونة (تكره التونه من يومها )

بس تدرون بايش ضربها

عادي ضربها ببلونات مليانه مويه (ما اقولكم شرس ) ههههههههههههههه

نرجع لتوحه وتاتا

تاتا: باقي السيده مكاوي وحوا يا هل ترى وينهم حتى جوال ما عندهم نكلمهم  ؟؟

توحه :الان بعد المغرب اكيد ما تلاقيهم في البيت

وهم في زحمة السير وموقف طويل عريض

السيارة اللى على يمينهم : شوفو يا شباب بالله هذه أشكال تقول انهم بنات  ولهم شوارب

خويه : يا ويلي أموت أنا شوف الجلسة يا قلبي أنت امووووه

خويه 2: بالله هذه أشكال دلع فاضي ولا فيهم اسم الجمال يا رب سترك(كذا هم الرجال.. الحلو يقولو انه بنيه وما هو رجال .. يعني الرجل لازم يكون بشع ومجرم ههههههههه مثل غرم الله )

تاتا : وهي ترتجف شكلو كفشنا ايش نسوي

توحه : أقول انطمي(اخرسي)ما بيسوي شي

السيارة اللى على يسارهم بنات مع السائق ومطلعين نص وجههم (بيقولو اسمها لثمه هاه الشئ المستور هو بس الفم)

توحه : ايش رأيك أصيدها

تاتا: ها ايه يالله

توحه: اثقل وجع ....ويطالعها بكل هدوء مع رفع الشكشوكه (السكسوكة )ويغمز لها

اللى البنت انصرعت عيونها صارت مثل عقارب الساعة وتفتح النافذة وتقول :هاي والله يا بعد قلبي تأمروني بشئ

توحه : بالله عليكي وين طريق الكورنيش ؟؟(عباطه هم في الكورنيش)

البنت : ها ها  ها ها الواضح عليس دمس خفيف (في سؤال ليش البنات يحبو يقلدون لهجة بنات الرياض رغم انهم من الغربيه )

تاتا : خذي يا عمري هذا الرقم

ويقطع الحوار حجه تقطع الطريق وهي مسرعة وخايفة وتتعدى بين السيارات زي الثعبان

تاتا وتوحه أهابهم المنظر وعيونهم مبحلقة في هذه الآدمية اللى تجري

وسمعوا صوت واحد يغني مع صوت دربكه ويقوووول

وعدى الليل على مهله على مهله <---فاهمين وش يقصدوا بالليل

تاتا : جنب جنب السياره بسرعه خلينا نشوف ايش القصة

توحه : يا شيخ عادي هذه جلسة طرب

وبسرعه وقفوا السياره ونزلو واتفاجئو بالمنظر

تاتا وتوحه : اوه حوا ومين ذا راعي الدربكه اوه السيدة مكاوي

جلسة طرب وشباب ورقص واللى يغني حوا

حوا في المايك : يا مرحبا (هؤ) باللى جانا واللى (هؤ ) واللى شرفنا يا شباب قولو ورايا

وتجلس تاتا وتوحه جنب السيدة مكاوي وتقوله تاتا : ايش اللى مسويه يا أغبياء

السيده مكاوي انت تعرف احنا فينا الفن من صغرنا وبنحقق امنيتنا

توحه : وتحققوا أمنيتكم بالغني والشرب الله لا يعوضكم

تاتا : يا حوا اوه يا سيده مكاوي وش نناديها

السيدة مكاوي : محسوبتكم عدنان وهذا الأخ علي

تاتا : يا علي عرفتنا

حوا: وسبحانه وقدروا عليه وخلوك تنسى أحبابك

توحه : أنت كدا مرتاح بوضعك يا غبي؟

حوا : عايش حياتي وش عليك مرتاح وقلبي بين ايديك

تاتا : قوم يا جواد ما وراهم سالفة

وقاموا وهم معصبين وهم في الطريق جلست تاتا مقهورة من وضعهم وتقول

معقوله اللى يصير فينا كل واحد راح طريق اخس من الثاني

توحه : خليها على الله على قول مجتمعنا الراجل ما يعيبه شئ  .... وين تحب تروح

تاتا : خلينا نشتري أكل ونروح البيت احسن لنا احس أنى ضقت من لف الشوارع وكل منظر اخس من الثاني

والله اشتروا  أكل وجلسوا قدام التلفزيون

توحه : ملل صح وش نسوي ؟

تاتا : أقولك جيب التليفون خلينا تنسلى على خلق الله

ويجيبوا تليفون وهاتك يا غزل

وكل ما يتعرفو على بنت يواعدوها في سوق حراء البوابه رقم 8

بس اللى انصدمو فيه لقوا بنات كثير وسبحان الله مختلفين جدا

اللى تبي ضحك (هذه النوع رهيب ) واللى تبي حب ( اكبر كذبه ) واللى تبي تفرغ همومها ( هو الواحد ناقصه نكد) اللى تبي فزعه وسحب فلوس (قولها سلام تقولك عطنى ريال ) واللى تبي تشعلق في رقبتك وتبي زواج (هاه لا تعليق )

تاتا : الساعه كم ؟

توحه : يوه الوقت سرقنا والله الساعة 4

تاتا : ياخبل قلنا للبنات ينتظرونا عند البوابة الساعه5 (مين اللى يواعد الساعه5 صبح)

بسرعة قوم نتكشخ ونروح

وبسرعه راحوا بس الزحمة اللى أخرتهم.. وهاه اخرتهم كثير وصلو الساعه 5  وقفوا السيارة بعيد وصاروا يجروا بيشوفوا البنات

وفجاه احسوا بدوار بيقتلهم مسكو في بعض

تاتا : وايش اللى بيصير

توحه : يا خرابي ايش اليوم اللى مش فايت

ويلفهم ضباب × ضباب  وفجاه ويشوفوا نفسهم رجعوا بنات مثل ما كان يا  ويلي بنات متكشفين ولحالهم في الشارع 

تاتا : أنا خايفة    

 توحه : خليكي رجال هاه... يوه.. لا خليكي شجاعة

ويجيك ذاك الهايلكس الطير وينفتح الباب وتطلع رقيه اركبوا يا بنات بسرعة ويرموا نفسهم البنات في الهايلكس

توحه : احلفك بالله مرنا بالبوابه8

تاتا : أنتي من صدقك وش تبغى بالبنات

توحه: دحين تشوفي

ويمروا على البنات الا هم جمهور من البنات مكدس وتفتح توحه النافذة وتقول

بنات آهلين جواد ونواف بيسلماو عليكم هاهاهاهاهاهايييي ضحكنا عليكم يا مخفه

ويجروا جمهور البنات وراهم

 تاتا : بالله عليكي روحي لحوا والسيدة مكاوي تراهم عند بشكه شباب

وتدوس بنزين رقيه وطيران

لقوا حوا والسيدة مكاوي يجروا (اتخيلوا المنظر حوا جدا قصيرة والسيدة مكاوي جدا طويلة والدربكة فوق رأسها  ههههههههههه) و وراهم جيش من الشباب وكلهم يقولو (شنهو  بنات )

ويفتحوا الباب ويدخلوا حوا وزميلتها للسيارة ونفسهم مقطوع والسيارات وراهم والرجال وراهم والبنات والشعب السعودي

بس رقيه قويه قالت

الحين اللفلف بيهم أضيع جدهم هاع هاع

والاغاني ترج السيارة رج (اغاني المسرعة تعرفوها هي حقت الهالكسات ما غيرها )

وبعد تعب وقفت السيارة وقالت ما نسيتوا شئ

كلهم : لاع احنا كدا بخير

ويرن جوال توحه

توحه : نعام (واصله معاها )

ابلتي بنات الحقووووووني

توحه : ايش بك

ابلتي تعالو خذوني من المطار بسرعة واللى يرحم والدينكم

وبسرعه وصلو للمطار لقيوا ابلتي جالسه على شنطة سفرها وتبكي والناس حوليها

رجل 1: مسكينه شكلها ضيعوها أهلها

رجل 2: مسكينه شكلها معاقة ما تعرف شئ

ولمن شافت الهايلكس جريت وتدخل السيارة

البنات وش صار

ابلتي : واااااااااااااااء   جات المنحوسة تفرح ما لقتلها مطرح بعد قطع التذكرة والتعب على بال ما وصلت لفرنسا ورحت لهوتيل الا الدنيا تلف بيني وارجع بنت واااااااااااااااااء ما كسبت إلا ركوب الطيارة والتعب

رجعوني لزوجي وعيالي بروح أعيش حياتي كما كنت وااااااااء

_________________

وهنا ينتهي الحلم وتبدأ اليوم الدراسي على أمل الخروح باكرا لكي تبدأ الرحلة مجددا للمنزل وسنة خامسة صبر مع تحياتي ... رندوش